غزل برائے اصلاح

[ارشد چوہدری]

بحر (رمل مثمن مخبون محذوف مقطوع )فاعلاتن فعلاتن فعلاتن فعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھاؤں مانگوں تو مجھے دھوپ کی شالیں دینا
صبر میں نے جو کیا ہے وہ مثالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لوگ لڑتے ہیں تو لڑنے دو اُنہیں آپس میں
تم یہی کرنا اُنہیں لڑنے کو ڈھالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوس لو خون غریبوں کا سارا ہی تم
پھر جو غربت کو مٹانا ہو تو کھالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس ملک کا جو خزانہ ہے وہ لوٹو پہلے
ساتھ تمہارا جو دے اُن کو بھی چالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساتھ دینا ہی غریبوں کا ہے اچھائی بس
ہو ضرورت جو کسی کو تو کدالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم پہ اللہ کا ہی فضل ہے سارا ارشد
تم سدا اُس کے کرم کی ہی مثالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

ماشاء اللہ اب بہت بہتری آ رہی ہے
چھاؤں مانگوں تو مجھے دھوپ کی شالیں دینا
صبر میں نے جو کیا ہے وہ مثالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

لوگ لڑتے ہیں تو لڑنے دو اُنہیں آپس میں
تم یہی کرنا اُنہیں لڑنے کو ڈھالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

چوس لو خون غریبوں کا سارا ہی تم
پھر جو غربت کو مٹانا ہو تو کھالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع بحر سے خارج، غریبون تلفظ کرنے سے بحر میں آتا ہے
یوں کہیں
چوس لو خون، جو تم چاہو، غریبوں کا تمام

اس ملک کا جو خزانہ ہے وہ لوٹو پہلے
ساتھ تمہارا جو دے اُن کو بھی چالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ملک میں لام پر جزم ہے، ملک کا' میں کاف کی تکرار بھی معیوب لگتی ہے
دیس کا جو بھی خزانہ۔۔۔
ثانی مصرعے میں بھی تم ہارا تقطیع ہوتا ہے ۔ چالیں دینا بھی سمجھ میں نہیں آتا
اس شعر کو نکال ہی دیں

ساتھ دینا ہی غریبوں کا ہے اچھائی بس
ہو ضرورت جو کسی کو تو کدالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزن درست، لیکن محض قافیہ کا استعمال کرنے کے لیے کہا گیا ہے ایسا لگتا ہے

تم پہ اللہ کا ہی فضل ہے سارا ارشد
تم سدا اُس کے کرم کی ہی مثالیں دینا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

 

[ارشد چوہدری]

شکریہ محترم