نذر حسین ناز
محفلین
عجیب تر ہے مرا تماشا میں آپ اپنا تماش بیں ہوں
خود اپنے اوپر عیاں بھی شاید کہیں کہیں ہوں کہیں نہیں ہوں
تو کل جہانوں کا ربِ یکتا میں ایک مٹی کا ادنیٰ پتلا
تو بندہ پرور میں فتنہ پرور تو مالکِ کُل میں نکتہ چیں ہوں
اے عمرِ رفتہ میں ایک مدت سے اپنے گاؤں نہیں گیا پر
میں خالی بستر پہ باس بن کر وہیں پڑا ہوں وہیں مکیں ہوں
بدلتے موسم کا ہاتھ تھامے مجھے بھلانے کی کوششوں میں
اگر یہ موسم اداس کر دیں تو جان لینا کہ میں یہیں ہوں
عجیب الجھن میں پڑ گیا ہوں میں آئنے سے سوال کرکے
وہ میرا چہرہ دکھا رہا ہے میں کہہ رہا ہوں یہ میں نہیں ہوں
تمھاری چشم کرم میں جاناں جہان بھر کے ہیں لوگ سارے
اگر نہیں ہوں تو میں نہیں ہوں، کہیں نہیں ہوں کہیں نہیں ہوں
_______
ناز
خود اپنے اوپر عیاں بھی شاید کہیں کہیں ہوں کہیں نہیں ہوں
تو کل جہانوں کا ربِ یکتا میں ایک مٹی کا ادنیٰ پتلا
تو بندہ پرور میں فتنہ پرور تو مالکِ کُل میں نکتہ چیں ہوں
اے عمرِ رفتہ میں ایک مدت سے اپنے گاؤں نہیں گیا پر
میں خالی بستر پہ باس بن کر وہیں پڑا ہوں وہیں مکیں ہوں
بدلتے موسم کا ہاتھ تھامے مجھے بھلانے کی کوششوں میں
اگر یہ موسم اداس کر دیں تو جان لینا کہ میں یہیں ہوں
عجیب الجھن میں پڑ گیا ہوں میں آئنے سے سوال کرکے
وہ میرا چہرہ دکھا رہا ہے میں کہہ رہا ہوں یہ میں نہیں ہوں
تمھاری چشم کرم میں جاناں جہان بھر کے ہیں لوگ سارے
اگر نہیں ہوں تو میں نہیں ہوں، کہیں نہیں ہوں کہیں نہیں ہوں
_______
ناز
