طارق شاہ
محفلین
غزلِ
سیدعابدعلی عابد
عجب نہیں جو محبت مِری سرِشت میں ہے
یہی شرار نِہاں رُوحِ سنگ وخِشت میں ہے
نہ بِجلِیوں کوخبر ہے نہ خوشہ چِیں کو پتہ
کہ اِک نہال تمنّا ہماری کِشت میں ہے
یہ رنگ ونُور کے نغمے یہ دلکشا جلوے
صنم کدے ہیں کہ ذوْقِ نظر بہِشت میں ہے
ابھی نِگاہ پہ ہیں رسْم و وہم کے پردے
ابھی خیال طِلسْماتِ خُوب و زِشت میں ہے
حرم کے دِیدہ وروں سے پتہ مِلا عابد
کہ ڈھونڈ نے جِسے نِکلے ہو وہ کنِشت میں ہے
سید عابدعلی عابد
