بھائی اگرانکی ایک ویڈیو کو دیکھیں تو صاحب باقی لوگوں کو کہ رہے ہیں کہ وہ پیچھے ہٹ جائیں کیونکہ فرشتے قریب نہیں آئیں گے اور خود قبر کے ساتھ کھڑے ہوتے ہیں تو کوئی انسے پوچھیں باباجی کیا آپ آدم کی اولاد نہیں کہ آپکی موجود ہوتے فرشتے آجائینگے اور باقی کوئی بھی موجود ہو تو نہیں آتے ؟؟
کیا یہ ان لوگوں کی تذلیل نہیں جنکو پیچھے ہٹنے کو کہا انہوں نے ۔
آپ قادری کو ان کی ذات میں کچھ بھی کہہ لیں (شائستہ انداز میں) مجھے کوئی اعتراض نہ ہو گا۔ میری درخواست صرف یہ ہے کہ مذہبی عقائد اگرچہ آپ کو مضحکہ خیز بھی لگیں تو ان کا تمسخر نہ اڑایا جائے۔ میں نے ایک سے زائد مرتبہ کئی جنازوں وغیرہ میں دیکھا ہے کہ کوئی ایک عالم وغیرہ خاص انداز میں رسومات ادا کرتے ہوئے دوسرے لوگوں کو احکامات صادر فرما رہے ہوتے ہیں اور لوگ بلا چوں چرا ان کے احکامات پر عمل کرتے ہیں کیونکہ وہ لوگ اس بات کو اپنا عقیدہ سمجھ رہے ہوتے ہیں۔ اب آپ فرض کریں کہ عقیدہ یہ ہے کہ "صرف ایک شخص" میت کے سر کے پاس کھڑے ہو کر کچھ خاص کلمات کہے گاورنہ فرشتے پاس نہیں آئیں گے؟ اب ہم کون ہوتے ہیں کسی کے اس عقیدے کا مذاق اڑانے والے؟
اب میں آتا ہوں اس بات کی طرف کہ اوپر بیان کی گئی توہم پرستی کا علاج کیا ہے۔ تو جناب اس کا علاج ہے "تعلیم"۔ جی ہاں اگر خدا نے آپ کو کچھ جاہل لوگوں سے زیادہ علم دیا ہے تو آپ کا فرض ہے کہ اس علم کو عام کریں۔ اس علم پر غرور کرتے ہوئے کم علموں کی تحقیر کی بجائے اس کے ذریعے جہالت کو دور کرنے کی کوشش کرنا ہی ٹھیک عمل ہو گا۔ مذاق اڑا کر ہم معاشرے میں بے چینی تو پھیلا سکتے ہے، علم، اتحاد، محبت عام نہیں کر سکتے۔
طنزیہ فقروں، تمسخرانہ لہجے اور کسی کی تذلیل کے ذریعے ہم لوگوں کے جذبات تو مجروح کر سکتے ہیں، انھیں قائل نہیں کر سکتے۔ میں نے اپنی زندگی میں صرف میٹھے لہجے کے ذریعے دسیوں لوگوں کو سو طرح کی توہم پرستی سے نکالا ہے۔ مجھے یقین ہے کہ اگر میں ایسا کرتے ہوئے طنز و تمسخر کے تیر چلاتا تو انھیں مزید جاہل یا اپنا دشمن تو بنا سکتا تھا ان کی اصلاح نہ کر سکتا۔ ویسے بھی ہم سب ہی کم علم ہیں تو خود کو افضل اور دوسروں کو حقیر سمجھنے کی کوشش کرنا تو بذاتِ خود ایک غلط بات ہو گی۔
