Shaidu
محفلین
سماں وہ خاب سا سماں - تحریر: امین صدرالدین بھایانی
April 25, 2012 at 5:17pm
یہ 70ء کی دھائی کے اواخر کے سالوں زکر کا ہے۔ ہم کراچی میں کسٹم ہاوئس سے ذرا سا ہی آگے موجود "کے-پی-ٹی" گراونڈ کے عین سامنے والے علاقے پنجابی کلب، کھارادر میں رہا کرتے تھے۔ اکثر اپنے والدِ مرحوم صدرالدین بھایانی کے ہمراہ اُن کی لال ہنڈا ففٹی موٹرسائیکل پر سوار ہو کر قریبی واقع نیٹی جیٹی پل پر سے ہوتے ہوئے مولوی تمیزالدین خان روڈ (ایم ٹی خان روڈ) جسے عرف عام میں اولڈ کوئینز روڈ کہا جاتا تھا، ہمارا گزر ہوا کرتا تھا۔
والدِ مرحوم کو نہ جانے وہ سڑک کیوں اتنی اچھی لگتی تھی کہ اکثر و بیشتر بلکہ روز ہی اپنی سواری وہیں سے گزارا کرتے۔ سچ پوچھیئے تو ہم کو بھی وہ سڑک اپنی کشادگی، وہاں موجود قطار در قطار، بلند قامت، سرسبز درختوں اور سڑک کے بیچوں بیچ قائم رنگ برنگے، دلفریب و دلکش پھولوں سے لدھے سبز قطعات کے سبب بہت ہی بھاتی اور وہاں سے ابو کے ساتھ موٹرسائیکل میں اُن کے پیجھے بیٹھ کر کم و بیش ہر روز گزرنا بہت ہی بھلا معلوم ہوتا تھا۔
علاوہ ازیں اکثر ہم ابو کے ساتھ اسلامیہ کالج کے عین سامنے استادہ بڑے سے گلوب اور پھر ملحقہ کشمیر روڈ سے ہوتے ہوئے موٹر سائیکل پر براجمان ٹھنڈی تیز ہوائیں کھاتے گزرا کرتے۔ ہمیں وہ سب مقامات اور سڑکیں ایسے دیرینہ مہربان دوستوں کی مانند معلوم ہوتے تھے جو ہمیشہ اپنی باہیں وا کئے ہمیں خوش آمدید کہنے کو تیار کھڑے ہوں اُن سب خاموش مگر اپنی خاموشی میں ہی بہت کچھ کہتے سنتے راستوں، سڑکوں اور مقامات سے گرزتے ہوئے محسن نقوی کے کہے یہ اشعار ہمارے زہن کے دریچوں میں بازگشت کیا کرتے تھے:۔
۔؎اِتنی مُدّت بعد ملے ہو!۔
کن سوچوں میں گم رہتے ہو؟
تیز ہوا نے مجھ سے پوچھا
ریت پہ کیا لکھتے رہتے ہو؟
کون سی بات ہے تم میں ایسی
کیوں اتنے اچھے لگتے ہو؟
ہم سے نہ پوچھو ہجر کے قصے
اپنی کہوں اب تم کیسے ہو؟
یہ 1980ء کی بات ہے، پاکستانی فلموں کے جغادری ہدایتکار نذرالسلام (دادا) مرحوم کی فلم ’’نہیں ابھی نہیں‘‘ 21 اکتوبر کو ریلیز ہوئی۔ یہ فلم دادا نے مشہور انگریزی فلم "سمر آف 42" سے متاثر ہو کر بنائی تھی۔ کہا جاتا ہے کہ یہ پاکستان میں لڑکپن کی حدود کو عبور کرکے نوجوانی کی پُر پیچ سرحدوں پر قدم دھرتے نوجوانوں کے جذباتی مسائل و کیفیات کے موضوع پر بنے والی اولین اور شاید ابتک کی آخری فلم ہے۔
ابو کو ہدایتکار نذرالسلام مرحوم کی سابقہ فلموں بطور خاص ’’آئینہ‘‘ کے سبب بہت زیادہ امیدیں وابستہ تھیں۔ لہٰذا وہ اِس فلم کی ریلیز کے پہلے روز ہی ہم سب گھر والوں کو کراچی کے پلازہ سنیما لے گئے لیکن وہاں لگا ’’ہاوس فل‘‘ کا بورڈ دیکھ کر انہوں نے اپنی موٹر سائیکل کا رُخ موڑا اور لائٹ ہاؤس سنیما کا طرف چل دیئے اور پھر ہم سب نے یہ فلم لائٹ ہاؤس سنیما میں دیکھی۔
اب ہمیں یہ تو نہیں معلوم کہ اس فلم سے ابو کی وابستہ امیدیں پوری ہوئیں کہ نہیں؟ البتہ وہ دن اور آج کا دن، عرصہِ 33 سال بعد بھی ہم اس فلم اور اس میں شامل اخلاق احمد مرحوم کے گائے ایک گیت کے سحر سے نکل نہیں پائے۔
فلم کا ہیرؤ فیصل الرحمٰن (پاکستانی فلم انڈسڑی کے مایہ ناز سنیما ٹو گرافر مسعود الرحمٰن مرحوم کے صاحبزادے اور بھارتی اداکار رحمٰن مرحوم کے بھتیجے) اُسی اولڈ کوئینز روڈ، اسلامیہ کالج کے گلوب اور کشمیر روڈ پر اپنی بائیسائیکل پر لہرا لہرا کر یہ گیت گاتا ہے۔
۔؎سماں وہ خاب سا سماں
ملے تھے دل سے دل جہاں
کہاں لے کے چلا مجھے یہ دل میرا
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں آتے ہوئے
ہم انہی راہوں میں مل جائیں گے
یہ آتے جاتے چہرے مانا کہ ہیں حسیں
ایسے تو ہیں ہزاروں تجھ سا کوئی نہیں
لگتی ہے ذندگی ادھوری
کیسے یہ دور ہوگی دوری
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں آتے ہوئے
ہم انہی راہوں میں مل جائیں گے
ہر پُھول منتظر ہے کب ہو تیرا کرم
کلیوں کو آرزو ہے چُومیں تیرے قدم
تیرے لیے تو کب سے راہیں
کھولے ہوئے ہیں اپنی باھیں
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں جاتے ہوئے
ہم انہی راہوں میں مل جائیں گے
وہ مہرباں نگاہیں اب تک نظر میں ہے
یہ رات دن ہمارے جن کے اثر میں ہیں
تیرے بناء تو یہ نظارے
ایسے ہیں جیسے غم کے مارے
سماں وہ خاب سا سماں
ملے تھے دل سے دل جہاں
کہاں لے کے چلا مجھے یہ دل میرا
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں جاتے ہوئے
ہم انہی راہوں میں مل جائیں گے
http://www.youtube.com/watch?v=5FO-_SlbR5U&feature=channel_video_title
ویڈیو: بشکریہ عرفان خان
سرور بارہ بنکوی مرحوم کے لکھے، اخلاق احمد مرحوم کے گائے اس گیت کی موسیقی ہمارے آل ٹائم فیوریٹ مویسقار روبن گھوش نے مرتب کی تھی۔ آپ اس گیت کا ایک ایک مصرعۂ پڑھ لیں، چاہیں تو اس کے ویڈیو کا ایک ایک منظر دیکھ لیں۔ آپ کو ایسا محسوس ہوگا کہ جو باتیں ہم نے اس تحریر کی ابتداء میں قلمبند کیں ہیں وہ ہو بہو شاعر نے اپنی شاعری میں اور فلم کے ہدایتکار نے پردہِ سیمیں پر کچھ اس طرح سے پیش کردی ہیں کہ جیسے یہ گیت سرور بارہ بنکوی نے نہ لکھا ہو، خود ہم نے ہی لکھا ہو اور اسے دادا نے نہ فلمایا ہو، خود ہم نے ہی فلمایا ہو۔
گو کہ اس گیت سے قبل بھی ہم اخلاق احمد مرحوم کے بےشمار مقبول گیت ریڈیو پاکستان کراچی سے سنتے اور سر دھنتے رہے تھے، لیکن اس گیت نے تو ہمیں اخلاق احمد مرحوم کا غلام بے دام قسم کا مداح بنا دیا۔ اب اخلاق احمد مرحوم کا گایا یہ گیت تھا، ہم تھے اور ابو کی ہنڈا ففٹی کی سواری تھی۔ ہم جب جب بھی ابو کے ہمراہ ان مقامات سے گزرتے، ہمارے ہونٹوں پر یہ گیت ہوتا اور ہم خود کو فیصل الرحمٰن کی طرح کوئی ہیرؤ گردانتے ہوئے اپنے کسی خیالی محبوب کے تصور میں غلطاں و پیچاں رہتے۔
قسمت کی خوبی دیکھئے کہ اس بات کے کچھ چھ ایک برس بعد ہمیں اپنی پیشہ ورانہ ذندگی کی دوسری ملازمت اُسی اولڈ کوئینز روڈ پر بحریہ کامپلیکس کے عقب میں واقع لالہ زار ایریا میں قائم بیچ لگژری ہوٹل کے بلمقابل ایک عمارت میں قائم دفتر میں ملی۔
بس صاحب پھر کیا تھا، ہم تھے، اخلاق احمد مرحوم کا یہ گیت تھا اور ایم ٹی خان روڈ کی وہ رومان پرور فضائیں تھی۔ اب تو یہ گیت ہمارے لیے کچھ اور ہی معنویت کا حامل ہوچکا تھا۔ ہماری پشہ ورانہ ذندگی کا آغازِنو تھا اور اب یہ گیت ہمیں مستقبل کی دبیز دھند میں اٹی راھوں اور اُن پر چل کر ملنے والی انجان منزلوں اور نہ معلوم کامیابیوں کی نوید سنایا کرتا تھا:۔
۔؎تیرے لیے تو کب سے راہیں
کھولے ہوئے ہیں اپنی باھیں
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں جاتے ہوئے
ہم انہی راہوں میں مل جائیں گے
ایم ٹی خان روڈ کی اُن رومان پرور فضاؤں نے ہماری رومان پرور طبعیت کو مذید مہمیز کردیا اور اُن کیفیات تک ہماری رسائی میں اُن پانچوں کا برابر کا ہی تو ہاتھ تھا، موسیقار روبن گھوش، گلوکار اخلاق احمد، شاعر سرور بارہ بنکوی، ہدایتکار دادا اور اداکار فیصل الرحمٰن۔
آج 33 برسوں بعد بھی جب ہم اخلاق احمد مرحوم کا گایا ہوا یہ گیت سنتے ہیں اور کم و بیش روز ہی سنتے ہیں، تو دل و دماغ پر وہی دورِ نوجوانی کی کیفیات غالب آنے لگتی ہیں اور ایسا محسوس ہوتا ہے کے اب بھی یہ گیت ہمیں مستقبل کی دبیز دھند میں اٹی راھوں اور اُن پر چل کر ملنے والی نہ معلوم کامیابیوں کی نوید سناتا ہے:۔
۔؎تیرے لیے تو کب سے راہیں
کھولے ہوئے ہیں اپنی باھیں
وہ دن کبھی تو آئیں گےمجھے گلے لگائیں گے
ممکن ہے کہ ہم نے اپنی ذات سے وابستہ یہ قصّہ سنا کر آپ سب کو شدید کوفت میں مبتلا کیا ہو لیکن کیا کیا جائے کہ ہم جب بھی اخلاق احمد مرحوم اور اوپر زکر شدہ شخصیات کا تذکرہ کرتے ہیں، ہمارے نہ چاہتے ہوئے بھی یہ قصہ ہماری زبان پر آ ہی جاتا ہے۔ بقولِ شاعر:۔
۔؎ تیری نظر ہے، میرا دل ہے، کیا کیا جائے
جنوں، خرد کے مقابل ہے، کیا کیا جائے
عموماْ کہا یہ جاتا ہے کہ اخلاق احمد مرحوم کی آواز سب سے زیادہ اداکار ندیم پر سوٹ کرتی تھی اور خود ندیم کا بھی یہ ہی کہنا ہے۔ گو کہ اس بات کی سچائی میں کوئی کلام نہیں لیکن زیل میں ہم اخلاق احمد مرحوم کے گائے ہوئے چند گیت پیش کررہے ہیں جو ندیم، وحید مراد مرحوم، محمد علی مرحوم، رحمٰن مرحوم، جاوید شیخ اور فیصل الرحمٰن پر فلمائے گئے تھے اور آپ خود ان تمام نعمات کو دیکھ کر اندازہ لگا سکتے ہیں کہ اخلاق احمد اسقدر اعلیٰ پائے کے گلوکار تھے کہ اداکار خواہ کوئی بھی ہو، انہوں نے محسوس نہیں ہونے دیا کہ یہ گانا وہ گا رہے ہیں یا کہ وہ اداکار جس پر کہ گیت فلمایا گیا ہے۔
۔1 سونا نہ چاندی نہ کوئی محل جان ِ من تجھ کو میں دے سکوں گا, فلم ’’بندش‘‘ - ندیم
http://www.youtube.com/watch?v=l9t4I4QmDCc
۔2 ساتھی میرے بن تیرے، بن تیرے، کیسے بیتے گی عمریا بن تیرے، فلم ’’ذبیدہ‘‘ - وحیدمراد
http://www.youtube.com/watch?v=UBWUdmUP02A
۔3 تقدیر کے ہاتھوں میں کھلونا ہے آدمی، فلم ’’آدمی‘‘ - محمد علی
http://www.youtube.com/watch?v=7e4jK9pMAGA
۔4 ایک تھی گڑیا بڑی بھولی بھالی، فلم ’’دو ساتھی‘‘ - رحمٰن
http://www.youtube.com/watch?v=HiV83zYFkUI
۔5 ساون آئے ساون جائے جائے، فلم ’’دو ساتھی‘‘ - رحمٰن
http://www.youtube.com/watch?v=c7ifcYOcbzc&feature=related
۔6 نیلی نیلی آنکھوں میں نہ جانے کیا ہے، ڈوب جانے کو جی چاہتا ہے، فلم ’’ہم اور تم‘‘ جاوید شیخ
http://www.youtube.com/watch?v=FnZhv6yEaGI
۔7 اس نے دیکھا میں نے دیکھا، فلم ’’نہیں ابھی نہیں‘‘ - فیصل الرحمٰن
http://www.youtube.com/watch?v=yzeSp8kzPB8&feature=channel_video_title
۔8 لوٹا قرار میرے من کا، فلم ’’نادانی‘‘ - فیصل الرحمٰن
http://www.youtube.com/watch?v=zgvC-dzlcB8&feature=related
اخلاق احمد 8 مئی 1946 کو دہلی غیر منقسم شدہ بھارت میں پیدا ہوئے، بحوالہ وکی پیڈیا. جبکہ ذیل میں دی گئی ان کی قبر کے کتبے میں یکم اکتوبر 1950 درج ہے اور چونکہ یہ تاریخ بقیناً ان کے لواحقین کی طرف سے ہی درج کی گئی ہو گی، لہذٰا سبہے کی گنجائش نہ ہونے کے برابر ہے۔
http://en.wikipedia.org/wiki/Akhlaq_Ahmed
ان کا انتقال 4 اگست، 1999 کو لندن میں خون کے سرطان کے سبب ہوا۔اخلاق احمد مرحوم کے صاحبزادے آفاق احمد پاکستان سے باہر غالباْ لندن میں ریڈیو ہوسٹ ہیں اور ان کو ہمارے محترم گلوکار دوست جناب ظفر رامے صاحب کی اس ویڈیو میں دیکھا جاسکتا ہے۔ انہوں اخلاق احمد مرحوم کو خراج ِ تحسین پیش کرنے کی غرض سے ’’سونا نہ چاندی نہ کوئی محل جان ِ من تجھ کو میں دے سکوں گا‘‘، گا کر اسکا ویڈیو تمام احباب کی نذد کیا ہے۔
علاوہ ازیں اس لنک میں ہمارے کرم فرما جناب مظہر اقبال کی ویب سائیٹ پاکستان فلم میگزین میں شامل اخلاق احمد مرحوم پر ایک انتہائی بہترین مضمون بھی احباب کی خدمات میں پیش ہے:۔ ۔
http://mazhar.dk/film/urdu/singers/akhlaqahmad.html
بشکریہ امین صدر الدین بھایانی
http://mazhar.dk/film/urdu/singers/akhlaqahmad.html
April 25, 2012 at 5:17pm
یہ 70ء کی دھائی کے اواخر کے سالوں زکر کا ہے۔ ہم کراچی میں کسٹم ہاوئس سے ذرا سا ہی آگے موجود "کے-پی-ٹی" گراونڈ کے عین سامنے والے علاقے پنجابی کلب، کھارادر میں رہا کرتے تھے۔ اکثر اپنے والدِ مرحوم صدرالدین بھایانی کے ہمراہ اُن کی لال ہنڈا ففٹی موٹرسائیکل پر سوار ہو کر قریبی واقع نیٹی جیٹی پل پر سے ہوتے ہوئے مولوی تمیزالدین خان روڈ (ایم ٹی خان روڈ) جسے عرف عام میں اولڈ کوئینز روڈ کہا جاتا تھا، ہمارا گزر ہوا کرتا تھا۔
والدِ مرحوم کو نہ جانے وہ سڑک کیوں اتنی اچھی لگتی تھی کہ اکثر و بیشتر بلکہ روز ہی اپنی سواری وہیں سے گزارا کرتے۔ سچ پوچھیئے تو ہم کو بھی وہ سڑک اپنی کشادگی، وہاں موجود قطار در قطار، بلند قامت، سرسبز درختوں اور سڑک کے بیچوں بیچ قائم رنگ برنگے، دلفریب و دلکش پھولوں سے لدھے سبز قطعات کے سبب بہت ہی بھاتی اور وہاں سے ابو کے ساتھ موٹرسائیکل میں اُن کے پیجھے بیٹھ کر کم و بیش ہر روز گزرنا بہت ہی بھلا معلوم ہوتا تھا۔
علاوہ ازیں اکثر ہم ابو کے ساتھ اسلامیہ کالج کے عین سامنے استادہ بڑے سے گلوب اور پھر ملحقہ کشمیر روڈ سے ہوتے ہوئے موٹر سائیکل پر براجمان ٹھنڈی تیز ہوائیں کھاتے گزرا کرتے۔ ہمیں وہ سب مقامات اور سڑکیں ایسے دیرینہ مہربان دوستوں کی مانند معلوم ہوتے تھے جو ہمیشہ اپنی باہیں وا کئے ہمیں خوش آمدید کہنے کو تیار کھڑے ہوں اُن سب خاموش مگر اپنی خاموشی میں ہی بہت کچھ کہتے سنتے راستوں، سڑکوں اور مقامات سے گرزتے ہوئے محسن نقوی کے کہے یہ اشعار ہمارے زہن کے دریچوں میں بازگشت کیا کرتے تھے:۔
۔؎اِتنی مُدّت بعد ملے ہو!۔
کن سوچوں میں گم رہتے ہو؟
تیز ہوا نے مجھ سے پوچھا
ریت پہ کیا لکھتے رہتے ہو؟
کون سی بات ہے تم میں ایسی
کیوں اتنے اچھے لگتے ہو؟
ہم سے نہ پوچھو ہجر کے قصے
اپنی کہوں اب تم کیسے ہو؟
یہ 1980ء کی بات ہے، پاکستانی فلموں کے جغادری ہدایتکار نذرالسلام (دادا) مرحوم کی فلم ’’نہیں ابھی نہیں‘‘ 21 اکتوبر کو ریلیز ہوئی۔ یہ فلم دادا نے مشہور انگریزی فلم "سمر آف 42" سے متاثر ہو کر بنائی تھی۔ کہا جاتا ہے کہ یہ پاکستان میں لڑکپن کی حدود کو عبور کرکے نوجوانی کی پُر پیچ سرحدوں پر قدم دھرتے نوجوانوں کے جذباتی مسائل و کیفیات کے موضوع پر بنے والی اولین اور شاید ابتک کی آخری فلم ہے۔
ابو کو ہدایتکار نذرالسلام مرحوم کی سابقہ فلموں بطور خاص ’’آئینہ‘‘ کے سبب بہت زیادہ امیدیں وابستہ تھیں۔ لہٰذا وہ اِس فلم کی ریلیز کے پہلے روز ہی ہم سب گھر والوں کو کراچی کے پلازہ سنیما لے گئے لیکن وہاں لگا ’’ہاوس فل‘‘ کا بورڈ دیکھ کر انہوں نے اپنی موٹر سائیکل کا رُخ موڑا اور لائٹ ہاؤس سنیما کا طرف چل دیئے اور پھر ہم سب نے یہ فلم لائٹ ہاؤس سنیما میں دیکھی۔
اب ہمیں یہ تو نہیں معلوم کہ اس فلم سے ابو کی وابستہ امیدیں پوری ہوئیں کہ نہیں؟ البتہ وہ دن اور آج کا دن، عرصہِ 33 سال بعد بھی ہم اس فلم اور اس میں شامل اخلاق احمد مرحوم کے گائے ایک گیت کے سحر سے نکل نہیں پائے۔
فلم کا ہیرؤ فیصل الرحمٰن (پاکستانی فلم انڈسڑی کے مایہ ناز سنیما ٹو گرافر مسعود الرحمٰن مرحوم کے صاحبزادے اور بھارتی اداکار رحمٰن مرحوم کے بھتیجے) اُسی اولڈ کوئینز روڈ، اسلامیہ کالج کے گلوب اور کشمیر روڈ پر اپنی بائیسائیکل پر لہرا لہرا کر یہ گیت گاتا ہے۔
۔؎سماں وہ خاب سا سماں
ملے تھے دل سے دل جہاں
کہاں لے کے چلا مجھے یہ دل میرا
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں آتے ہوئے
ہم انہی راہوں میں مل جائیں گے
یہ آتے جاتے چہرے مانا کہ ہیں حسیں
ایسے تو ہیں ہزاروں تجھ سا کوئی نہیں
لگتی ہے ذندگی ادھوری
کیسے یہ دور ہوگی دوری
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں آتے ہوئے
ہم انہی راہوں میں مل جائیں گے
ہر پُھول منتظر ہے کب ہو تیرا کرم
کلیوں کو آرزو ہے چُومیں تیرے قدم
تیرے لیے تو کب سے راہیں
کھولے ہوئے ہیں اپنی باھیں
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں جاتے ہوئے
ہم انہی راہوں میں مل جائیں گے
وہ مہرباں نگاہیں اب تک نظر میں ہے
یہ رات دن ہمارے جن کے اثر میں ہیں
تیرے بناء تو یہ نظارے
ایسے ہیں جیسے غم کے مارے
سماں وہ خاب سا سماں
ملے تھے دل سے دل جہاں
کہاں لے کے چلا مجھے یہ دل میرا
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں جاتے ہوئے
ہم انہی راہوں میں مل جائیں گے
http://www.youtube.com/watch?v=5FO-_SlbR5U&feature=channel_video_title
ویڈیو: بشکریہ عرفان خان
سرور بارہ بنکوی مرحوم کے لکھے، اخلاق احمد مرحوم کے گائے اس گیت کی موسیقی ہمارے آل ٹائم فیوریٹ مویسقار روبن گھوش نے مرتب کی تھی۔ آپ اس گیت کا ایک ایک مصرعۂ پڑھ لیں، چاہیں تو اس کے ویڈیو کا ایک ایک منظر دیکھ لیں۔ آپ کو ایسا محسوس ہوگا کہ جو باتیں ہم نے اس تحریر کی ابتداء میں قلمبند کیں ہیں وہ ہو بہو شاعر نے اپنی شاعری میں اور فلم کے ہدایتکار نے پردہِ سیمیں پر کچھ اس طرح سے پیش کردی ہیں کہ جیسے یہ گیت سرور بارہ بنکوی نے نہ لکھا ہو، خود ہم نے ہی لکھا ہو اور اسے دادا نے نہ فلمایا ہو، خود ہم نے ہی فلمایا ہو۔
گو کہ اس گیت سے قبل بھی ہم اخلاق احمد مرحوم کے بےشمار مقبول گیت ریڈیو پاکستان کراچی سے سنتے اور سر دھنتے رہے تھے، لیکن اس گیت نے تو ہمیں اخلاق احمد مرحوم کا غلام بے دام قسم کا مداح بنا دیا۔ اب اخلاق احمد مرحوم کا گایا یہ گیت تھا، ہم تھے اور ابو کی ہنڈا ففٹی کی سواری تھی۔ ہم جب جب بھی ابو کے ہمراہ ان مقامات سے گزرتے، ہمارے ہونٹوں پر یہ گیت ہوتا اور ہم خود کو فیصل الرحمٰن کی طرح کوئی ہیرؤ گردانتے ہوئے اپنے کسی خیالی محبوب کے تصور میں غلطاں و پیچاں رہتے۔
قسمت کی خوبی دیکھئے کہ اس بات کے کچھ چھ ایک برس بعد ہمیں اپنی پیشہ ورانہ ذندگی کی دوسری ملازمت اُسی اولڈ کوئینز روڈ پر بحریہ کامپلیکس کے عقب میں واقع لالہ زار ایریا میں قائم بیچ لگژری ہوٹل کے بلمقابل ایک عمارت میں قائم دفتر میں ملی۔
بس صاحب پھر کیا تھا، ہم تھے، اخلاق احمد مرحوم کا یہ گیت تھا اور ایم ٹی خان روڈ کی وہ رومان پرور فضائیں تھی۔ اب تو یہ گیت ہمارے لیے کچھ اور ہی معنویت کا حامل ہوچکا تھا۔ ہماری پشہ ورانہ ذندگی کا آغازِنو تھا اور اب یہ گیت ہمیں مستقبل کی دبیز دھند میں اٹی راھوں اور اُن پر چل کر ملنے والی انجان منزلوں اور نہ معلوم کامیابیوں کی نوید سنایا کرتا تھا:۔
۔؎تیرے لیے تو کب سے راہیں
کھولے ہوئے ہیں اپنی باھیں
وہ دن کبھی تو آئیں گے
مجھے گلے لگائیں گے
کبھی آتے ہوئے، کہیں جاتے ہوئے
ہم انہی راہوں میں مل جائیں گے
ایم ٹی خان روڈ کی اُن رومان پرور فضاؤں نے ہماری رومان پرور طبعیت کو مذید مہمیز کردیا اور اُن کیفیات تک ہماری رسائی میں اُن پانچوں کا برابر کا ہی تو ہاتھ تھا، موسیقار روبن گھوش، گلوکار اخلاق احمد، شاعر سرور بارہ بنکوی، ہدایتکار دادا اور اداکار فیصل الرحمٰن۔
آج 33 برسوں بعد بھی جب ہم اخلاق احمد مرحوم کا گایا ہوا یہ گیت سنتے ہیں اور کم و بیش روز ہی سنتے ہیں، تو دل و دماغ پر وہی دورِ نوجوانی کی کیفیات غالب آنے لگتی ہیں اور ایسا محسوس ہوتا ہے کے اب بھی یہ گیت ہمیں مستقبل کی دبیز دھند میں اٹی راھوں اور اُن پر چل کر ملنے والی نہ معلوم کامیابیوں کی نوید سناتا ہے:۔
۔؎تیرے لیے تو کب سے راہیں
کھولے ہوئے ہیں اپنی باھیں
وہ دن کبھی تو آئیں گےمجھے گلے لگائیں گے
ممکن ہے کہ ہم نے اپنی ذات سے وابستہ یہ قصّہ سنا کر آپ سب کو شدید کوفت میں مبتلا کیا ہو لیکن کیا کیا جائے کہ ہم جب بھی اخلاق احمد مرحوم اور اوپر زکر شدہ شخصیات کا تذکرہ کرتے ہیں، ہمارے نہ چاہتے ہوئے بھی یہ قصہ ہماری زبان پر آ ہی جاتا ہے۔ بقولِ شاعر:۔
۔؎ تیری نظر ہے، میرا دل ہے، کیا کیا جائے
جنوں، خرد کے مقابل ہے، کیا کیا جائے
عموماْ کہا یہ جاتا ہے کہ اخلاق احمد مرحوم کی آواز سب سے زیادہ اداکار ندیم پر سوٹ کرتی تھی اور خود ندیم کا بھی یہ ہی کہنا ہے۔ گو کہ اس بات کی سچائی میں کوئی کلام نہیں لیکن زیل میں ہم اخلاق احمد مرحوم کے گائے ہوئے چند گیت پیش کررہے ہیں جو ندیم، وحید مراد مرحوم، محمد علی مرحوم، رحمٰن مرحوم، جاوید شیخ اور فیصل الرحمٰن پر فلمائے گئے تھے اور آپ خود ان تمام نعمات کو دیکھ کر اندازہ لگا سکتے ہیں کہ اخلاق احمد اسقدر اعلیٰ پائے کے گلوکار تھے کہ اداکار خواہ کوئی بھی ہو، انہوں نے محسوس نہیں ہونے دیا کہ یہ گانا وہ گا رہے ہیں یا کہ وہ اداکار جس پر کہ گیت فلمایا گیا ہے۔
۔1 سونا نہ چاندی نہ کوئی محل جان ِ من تجھ کو میں دے سکوں گا, فلم ’’بندش‘‘ - ندیم
http://www.youtube.com/watch?v=l9t4I4QmDCc
۔2 ساتھی میرے بن تیرے، بن تیرے، کیسے بیتے گی عمریا بن تیرے، فلم ’’ذبیدہ‘‘ - وحیدمراد
http://www.youtube.com/watch?v=UBWUdmUP02A
۔3 تقدیر کے ہاتھوں میں کھلونا ہے آدمی، فلم ’’آدمی‘‘ - محمد علی
http://www.youtube.com/watch?v=7e4jK9pMAGA
۔4 ایک تھی گڑیا بڑی بھولی بھالی، فلم ’’دو ساتھی‘‘ - رحمٰن
http://www.youtube.com/watch?v=HiV83zYFkUI
۔5 ساون آئے ساون جائے جائے، فلم ’’دو ساتھی‘‘ - رحمٰن
http://www.youtube.com/watch?v=c7ifcYOcbzc&feature=related
۔6 نیلی نیلی آنکھوں میں نہ جانے کیا ہے، ڈوب جانے کو جی چاہتا ہے، فلم ’’ہم اور تم‘‘ جاوید شیخ
http://www.youtube.com/watch?v=FnZhv6yEaGI
۔7 اس نے دیکھا میں نے دیکھا، فلم ’’نہیں ابھی نہیں‘‘ - فیصل الرحمٰن
http://www.youtube.com/watch?v=yzeSp8kzPB8&feature=channel_video_title
۔8 لوٹا قرار میرے من کا، فلم ’’نادانی‘‘ - فیصل الرحمٰن
http://www.youtube.com/watch?v=zgvC-dzlcB8&feature=related
اخلاق احمد 8 مئی 1946 کو دہلی غیر منقسم شدہ بھارت میں پیدا ہوئے، بحوالہ وکی پیڈیا. جبکہ ذیل میں دی گئی ان کی قبر کے کتبے میں یکم اکتوبر 1950 درج ہے اور چونکہ یہ تاریخ بقیناً ان کے لواحقین کی طرف سے ہی درج کی گئی ہو گی، لہذٰا سبہے کی گنجائش نہ ہونے کے برابر ہے۔
http://en.wikipedia.org/wiki/Akhlaq_Ahmed
ان کا انتقال 4 اگست، 1999 کو لندن میں خون کے سرطان کے سبب ہوا۔اخلاق احمد مرحوم کے صاحبزادے آفاق احمد پاکستان سے باہر غالباْ لندن میں ریڈیو ہوسٹ ہیں اور ان کو ہمارے محترم گلوکار دوست جناب ظفر رامے صاحب کی اس ویڈیو میں دیکھا جاسکتا ہے۔ انہوں اخلاق احمد مرحوم کو خراج ِ تحسین پیش کرنے کی غرض سے ’’سونا نہ چاندی نہ کوئی محل جان ِ من تجھ کو میں دے سکوں گا‘‘، گا کر اسکا ویڈیو تمام احباب کی نذد کیا ہے۔
علاوہ ازیں اس لنک میں ہمارے کرم فرما جناب مظہر اقبال کی ویب سائیٹ پاکستان فلم میگزین میں شامل اخلاق احمد مرحوم پر ایک انتہائی بہترین مضمون بھی احباب کی خدمات میں پیش ہے:۔ ۔
http://mazhar.dk/film/urdu/singers/akhlaqahmad.html
بشکریہ امین صدر الدین بھایانی
http://mazhar.dk/film/urdu/singers/akhlaqahmad.html