عبداللہ محمد
محفلین
سب نے اپنے ہنجو مالا کلم کلیاں جپنی اے
کندھاں بھانویں سانجھیاں ہوون پیڑ تے آپو اپنی اے
اندر باہر خوف دولی ایس سمے نے دتے نیں
بوہے بوہے بیٹھی ہوئی اک دو مونہی سپنی اے
قدرت دا وی بندیاں دے نال مانواں والا لیکھا اے
کچھڑ چاہڑ کسے نوں چُمنائے۔ چنڈ کسے نوں تھپنی اے
بچپن مُڑمُڑ چیتے آؤندائے دور کولیاں اڑیاں دا
منجی پئی بے دونی ہووے، بالاں رسی ٹپنی اے
بیٹھک دے نہ پردے ویکھیں،ویکھ باورچی خانے نوں
کیہڑی ہانڈی اُتے چھونائے کیہڑے گھڑے تے چَینی اے
پکیاں پا کے بہہ نئیں رہنا اِس باگے وِچ لوکاں نے
جِس نے آن وِچھائی ایتھے اوڑک چادر ٹھپنی اے
انور پلے پائیں اپنے ٹھنڈ سیانیاں عملاں دی
بُھل نہ جائیں اک دن دھرتی تانبے وانگوں تپنی اے
کندھاں بھانویں سانجھیاں ہوون پیڑ تے آپو اپنی اے
اندر باہر خوف دولی ایس سمے نے دتے نیں
بوہے بوہے بیٹھی ہوئی اک دو مونہی سپنی اے
قدرت دا وی بندیاں دے نال مانواں والا لیکھا اے
کچھڑ چاہڑ کسے نوں چُمنائے۔ چنڈ کسے نوں تھپنی اے
بچپن مُڑمُڑ چیتے آؤندائے دور کولیاں اڑیاں دا
منجی پئی بے دونی ہووے، بالاں رسی ٹپنی اے
بیٹھک دے نہ پردے ویکھیں،ویکھ باورچی خانے نوں
کیہڑی ہانڈی اُتے چھونائے کیہڑے گھڑے تے چَینی اے
پکیاں پا کے بہہ نئیں رہنا اِس باگے وِچ لوکاں نے
جِس نے آن وِچھائی ایتھے اوڑک چادر ٹھپنی اے
انور پلے پائیں اپنے ٹھنڈ سیانیاں عملاں دی
بُھل نہ جائیں اک دن دھرتی تانبے وانگوں تپنی اے
