ساقیا دیر نہ کر کشتی مے لانے میں - جناب جلیل القدر نواب فصاحب جنگ جلیل

[کاشفی]

غزل​

(جناب جلیل القدر نواب فصاحب جنگ جلیل)​

​

ساقیا دیر نہ کر کشتی مے لانے میں​

جان پیاسوں کی پڑی ہے ترے پیمانے میں​

​

دردِ دل ہوگا مرے دیدہء تر سے ظاہر​

جو ہے شیشے میں وہی آئے گا پیمانے میں​

​

ہر جگہ اُس کو نئے روپ میں ہم دیکھتے ہیں​

مے ہے شیشے میں، پری حور ہے پیمانے میں​

​

ساقی توبہ شکن فصل بہار آنے دے​

خون توبہ کا بھریں گے ترے پیمانے میں​

​

یوں تو جل بجھنے میں دونوں ہیں برابر لیکن​

وہ کہاں شمع میں جو آگ ہے پروانے میں​

​

چھوڑ کر خانہ زنجیر کو پچھتاتا ہوں​

جی بہلتا ہے نہ گلشن میں نہ ویرانے میں​

​

میرے کہنے کو یقیں تم کو نہ آئے گا جلیل​

چل کے جنت کا سماں دیکھ لو میخانے میں​

 

[نیرنگ خیال]

یوں تو جل بجھنے میں دونوں ہیں برابر لیکن​

وہ کہاں شمع میں جو آگ ہے پروانے میں​

عمدہ​

 

[مزمل حسین]

دردِ دل ہوگا مرے دیدہء تر سے ظاہر
جو ہے شیشے میں وہی آئے گا پیمانے میں
بہت خوب کاشفی صاحب

 

[مہدی نقوی حجاز]

یوں تو جل بجھنے میں دونوں ہیں برابر لیکن
وہ کہاں شمع میں جو آگ ہے پروانے میں
آہاہاہا،، سواد آگیا حضور کیا ٍغضب کی شراکت ہے بھئی بہت شکریہ۔

 

[محمد وارث]

شکریہ کاشفی صاحب خوبصورت غزل ارسال فرمانے کیلیے۔

 

[سید زبیر]

ہر جگہ اُس کو نئے روپ میں ہم دیکھتے ہیں
مے ہے شیشے میں، پری حور ہے پیمانے میں

اتنا نایاب کلام محفل میں عطا کرنے کا شکریہ​