زندگی

[عمر سیف]

زندگی انصاف سے ہٹ کر پنپ سکتی نہیں
ایک ہی دستور ہے سارے زمانے کے لئے

 

[شمشاد]

یہ زندگی ہے تو پھر موت کس کو کہتے ہیں
نہ رویا جائے ہے مجھ سے نہ ہی ہنسا جائے
(سرور)

 

[عیشل]

کسی ترنگ کسی سر خوشی میں رہتا تھا
یہ کل کی بات ہے دل زندگی میں رہتا تھا
بس اک شام بڑی خاموشی سے ٹوٹ گیا
ہمیں جو مان تیری دوستی میں رہتا تھا​

 

[شمشاد]

بس یہی حسرت رہی ہر دم دلیلِ زندگی
جو ملے تجھ سے ملے جتنا ملے جیسا ملے
(سرور)

 

[سارہ خان]

نہ صدف ہوئ نہ گہر ہوئ
یوں ہی جلتی بجھتی بسر ہوئ
کبھی زندگی کے چراغ کی
نہ ہی شب ڈھلی نہ ہی سحر ہو ئ

 

[شمشاد]

تُو اب اس کی ہوئی جس پہ مجھے پیار آتا ہے
زندگی آ تجھے سینے سے لگائے جاؤں
(عبید اللہ علیم)

 

[عمر سیف]

اترے جو زندگی تیری گہرائیوں میں ہم
محفل میں بھی رہ کے رہے تنہائیوں میں ہم

 

[شمشاد]

جدا ہوئے ہیں بہت لوگ ایک تم بھی سہی
اب اتنی سی بات پہ کیا زندگی حرام کریں

 

[عمر سیف]

کس کو فرصت ہے
کہ مجھ سے بحث کرے
اور ثابت کرے کہ
میرا وجود زندگی کے لئے
ضروری ہے

 

[شمشاد]

زندگی ہے عدم کا رد عمل
ہر خوشی ہے الم کا رد عمل
(منیر نیازی)

 

[سارہ خان]

یوں تو جینے کو سبھی جیتے ہیں مگر
زندگی نام ہے احساس کی بیداری کا

 

[عمر سیف]

کتنا مشکل ہے زندگی کرنا
جس طرح تجھ سے دوستی کرنا

 

[شمشاد]

لکھا تھا ہجر میرے ہاتھ کی لکیروں میں
تیرا وصال میری زندگی کو راس نہیں

 

[نوید صادق]

اب تو حالات سے پتھرانے لگی ہیں آنکھیں
زندگی! اور کہاں تک ترا رستہ دیکھوں

شاعر: سید آلِ احمد

 

[شمشاد]

سراغِ زندگی بخشا ہے جس نے
اسی غم سے عقیدت ہو گئی ہے
(واصف علی واصف)

 

[نوید صادق]

زندگی غم کے اندھیروں میں سنورنے سے رہی

ایک تنویر حیات آج ابھرنے سے رہی

شاعر: صادق اندوری

 

[شمشاد]

شکست و فتح مرا مسئلہ نہیں ہے فراز
میں زندگی سے نبرد آزما رہا سو رہا
(فراز)

 

[عیشل]

زندگی جب کسی بوجھ سے تھک جاتی ہے
احساس کی لَو اور بھڑک جاتی ہے
میں بڑھتا ہوں زندگی کی جانب لیکن
اکِ زنجیر سی پاؤں میں چھنک جاتی ہے​

 

[شمشاد]

میدانِ زندگی میں گھبرا کر مٹ نہ جانا
تکمیلِ زندگی ہے چوٹوں پر چوٹ کھانا
جہاں چوٹ کھانا وہیں پہ مسکرانا
مگر اس ادا سے کہ رو دے زمانہ

 

[عمر سیف]

پتھرا نہ جائے زندگی ، تہذیب رو نہ دے
اتنی بھی چوٹ اے خدا انسان کو نہ دے