دوگانا رم جھم رم جھم پڑے پھوار، تیرا میرا نت کا پیار

[فاتح]

رِم جھِم رِم جھِم پڑے پھوار، تیرا میرا نِت کا پیار
​

گلوکار: نور جہاں اور منیر حسین
موسیقار: خواجہ خورشید انور
شاعر: تنویر نقوی
فلم: کوئل
سال:1959
اداکار: نور جہاں اور علاء الدین

طاہرہ سید اور اے نیر (اے نیر کا نام سخنور صاحب کے ذریعے معلوم ہوا)
​

گلوکار: بنجامن سسٹرز
​

رم جھم رم جھم پڑے پھوار، تیرا میرا نت کا پیار
جھن جھن باجے دل کے تار، تیرا میرا نت کا پیار

آئے میرے پاس تو ایسے دور کبھی نہ جائے
مرجھائیں نہ کھِل کے کلیاں ایسی بھی رُت آئے
آئے نہ پت جھڑ رہے بہار، تیرا میرا نت کا پیار

آ بچپن کے بچھڑے ساتھی، کیوں مجھ کو ترسائے
عمر گزاری، رو رو میں نے، کاہے دیر لگائے
سامنے آ جا پھر اک بار، تیرا میرا نت کا پیار

رم جھم رم جھم پڑے پھوار، تیرا میرا نت کا پیار
جھن جھن باجے دل کے تار، تیرا میرا نت کا پیار
(تنویر نقوی)
​

 

[فرخ منظور]

بہت خوبصورت گیت ہے۔ فاتح صاحب! طاہرہ سید کے ساتھ "اے نیّر" گلوکار ہے۔

 

[فاتح]

گیت پسند کرنے اور گلوکار کا نام بتانے پر بہت شکریہ جناب۔