دونوں کو آ سکیں نہ نبھانی محبتیں ۔ عطاء اللہ خان عیسیٰ خیلوی

[فاتح]

عطاء اللہ خان عیسیٰ خیلوی کے گائے ہوئے معدودے چند اچھے کلاموں میں سے ایک غزل پیش ہے۔

نوٹ: یہ غزل نجانے کس عمر کلیم خان نے اپنے فون نمبر اور شہر کے نام کے ساتھ اپلوڈ کی ہے لیکن بہرحال ان کا نمبر دیکھ کر میں نے ابھی (صبح کے چار بجے) انہیں کال کر کے انہیں ان کے ذوق اور "جذبے" پر داد د اور ساتھ ہی شکریہ بھی ادا کیا کہ انہوں نے ہمارے اعادۂ ایمان کے لیے یہ غزل یو ٹیوب پر رکھی۔ بے چارے یقیناً جز بز تو ہوئے ہوں گے لیکن کم از کم ان کا ردِ عمل ویسا نہیں تھا جیسا ان کے نام کے ساتھ "خان" اور شہر کا نام دیکھ کر ہماری توقع تھی۔ آہ بے چارے عمر کلیم خان

خیر غزل سنیے!
​

دونوں کو آ سکیں نہ نبھانی محبتیں
اب پڑ رہی ہیں ہم کو بھلانی محبتیں

کن کن رفاقتوں کے دیے واسطے مگر
اس کو نہ یاد آئیں پرانی محبتیں

گزری رُتوں کے زخم بھی اب تک بھرے نہیں
پھر اور کیا کسی سے بڑھانی محبتیں

جانے وہ آج کون سے رستے سے آئیں گھر
ہر موڑ ہر گلی پہ بچھانی محبتیں
​

 

[فرخ منظور]

ہا ہا انہیں کیا معلوم کہ آپ کی شام صبح چار بجے شروع ہوتی ہے۔ ویسے میرا خیال تھا کہ شاید یہ غزل میانوالی سے گزرتے ہوئے آپ نے کہیں سے اٹھائی ہے۔
اب اتنی تکلیف کی ہے تو عطااللہ کی ایک ہی غزل جو مجھے بہت پسند ہے وہ ڈھونڈھیے کیونکہ میں تو ڈھونڈ ڈھونڈ کر تھک گیا۔
نہ حرم میں، نہ کلیسا میں، نہ بت خانے میں
چین ملتا ہے تو ساقی ترے مے خانے میں

 

[محمد وارث]

صبح کے چار بجے؟

خان صاحب واقعی شریف آدمی ہیں

 

[mfdarvesh]

بہت اچھی غزل ہے،

 

[آفت]

مجھے تو نام عمر کلیم اوان لکھا نظر آ ہا ہے

 

[فاتح]

ہا ہا انہیں کیا معلوم کہ آپ کی شام صبح چار بجے شروع ہوتی ہے۔ ویسے میرا خیال تھا کہ شاید یہ غزل میانوالی سے گزرتے ہوئے آپ نے کہیں سے اٹھائی ہے۔
اب اتنی تکلیف کی ہے تو عطااللہ کی ایک ہی غزل جو مجھے بہت پسند ہے وہ ڈھونڈھیے کیونکہ میں تو ڈھونڈ ڈھونڈ کر تھک گیا۔
نہ حرم میں، نہ کلیسا میں، نہ بت خانے میں
چین ملتا ہے تو ساقی ترے مے خانے میں

بہت شکریہ جناب۔ آپ کی بات پڑھ کر مجھے ڈاکٹر پیرزادہ قاسم کا ایک شعر یاد آ گیا۔

صرف سورج کا نکلنا ہی اگر صبح ہے تو پھر
ایک شب اور مری شب سے ملا دی جائے
​

آپ نے جس غزل کا ذکر کیا ہے اور اس کا شعر لکھا ہے، یہ شعر میں نے منی بیگم کی آواز میں "جھوم برابر جھوم شرابی" کے شروع میں سن رکھا ہے یا شاید اسی نوع کے ایک دو مزید گانوں کے آغاز میں گلوکاروں کو یہی شعر گاتے سنا ہے۔ جہاں تک بات عطاء اللہ کی ہے تو میں نے اس کی یہی ایک غزل یا اس کے علاوہ شاید دو ایک ہی سنی ہوں گی۔ بہرحال تلاش کرنے کی کوشش کروں گا۔

 

[فاتح]

صبح کے چار بجے؟

خان صاحب واقعی شریف آدمی ہیں

ہاہاہاہا
درست فرمایا جناب۔ شرافت سی شرافت ہے۔ بلکہ اس کی توقع تو ہمیں اپنی ذات سے بھی نہیں

 

[فاتح]

mfdarveshصاحب پسندیدگی پر آپ کا شکریہ

 

[فاتح]

مجھے تو نام عمر کلیم اوان لکھا نظر آ ہا ہے

بالکل درست۔ "اعوان" ہی لکھا ہوا ہے۔

 

[Saraah]

واقعی اچھی غزل ہے

شکریہ

 

[فاتح]

پسند کرنے پر آپ کا شکریہ سارہ صاحبہ!