دل کے موضوع پر اشعار!

[زیرک]

وہ لطف، وہ احساں کر، اے چرخ! مِرے ساتھ
دوں میں بھی دعا تجھ کو مرا دل بھی دعا دے​

 

[زیرک]

کبھی وصل میں محسن دل ٹوٹا کبھی ہجر کی رُت نے لاج رکھی
کسی جسم میں آنکھیں کھو بیٹھے، کوئی چہرہ کھلی کتاب ہوا
محسن نقوی​

 

[زیرک]

زخموں کو رفو کر لیں دل شاد کریں پھر سے
خوابوں کی کوئی دنیا آباد کریں پھر سے
شہریار​

 

[زیرک]

دل کی آواز پہ بیعت بھی تو ہو سکتی ہے
تم اگر چاہو محبت بھی تو ہو سکتی ہے
یونس تحسین​

 

[زیرک]

بھیگے رستے، ہلکی بارش، گہری دھند
آ ج کا موسم دل کے موسم جیسا ہے​

 

[رباب واسطی]

دل کے دریا کو کسی روز اُتر جانا ہے
اتنا بے سمت نہ چل، لوٹ کے گھر جانا ہے

 

[زیرک]

غرقاب ہو نہ جائے کہیں ضبط کا جہاں
پھر آج دردِ دل کا ہے دریا چڑھا ہوا​

 

[زیرک]

کوئی بھولا ہوا غم ہے جو مسلسل مجھ کو
دل کے پاتال سے دیتا ہے صدا شام کے بعد​

 

[زیرک]

یہ رم جھم قطرے بارش کے تری زلفوں کو الجھاتے ہیں
تجھے دیکھ کے جینا مشکل ہے، یہ دل والے فرماتے ہیں​

 

[زیرک]

اے رگِ جاں کے مکیں تُو بھی ذرا غور سے سن
دل کی دھڑکن تیرے قدموں کی صدا لگتی ہے​

 

[رباب واسطی]

تصویریں تو سب ہی اچھی ہوتی ہیں
شاز و نادر شعر بھی سچّا ہوتا ہے
صورت دیکھ کے دل للچاتا ہے لیکن
دل کا کیا ہے , دل تو بچّہ ہوتا ہے

 

[زیرک]

گزر رہے ہیں عجب مرحلوں سے دیدہ و دل
سحر کی آس تو ہے، زندگی کی آس نہیں
ناصر کاظمی​

 

[زیرک]

دل میں رہتے جو مِرے اور ہی کچھ ہو جاتے
یہ وہ کعبہ ہے کہ بت جس میں خدا ہوتے ہیں
مادھو رام جوہر​

 

[زیرک]

لڑنے کو دل جو چاہے تو آنکھیں لڑائیے
ہو جنگ بھی اگر تو مزے دار جنگ ہو
مادھو رام جوہر​

 

[زیرک]

بال اپنے اس پری رو نے سنوارے رات بھر
سانپ لوٹے سیکڑوں دل پر ہمارے رات بھر
مادھو رام جوہر​

 

[زیرک]

کی ترک محبت تو لیا دردِ جگر مول
پرہیز سے دل اور بھی بیمار پڑا ہے
مادھو رام جوہر​

 

[زیرک]

حالِ دل سنتےنہیں یہ کہہ کےخوش کر دیتے ہیں
پھر کبھی فرصت میں سن لیں گے کہانی آپ کی
مادھو رام جوہر​

 

[زیرک]

صورت تو دکھاتے ہیں، گلے سے نہیں ملتے
آنکھوں کی تو سن لیتے ہیں، دل کی نہیں سنتے
مادھو رام جوہر​

 

[اوشو]

اجنبی شہر! کہاں شام بتانے جائیں
کوئی برہم بھی نہیں، کس کو منانے جائیں
بات میری جو سرِ شام ہوئی تھی دل سے
کوئی ہم راز نہیں ، کس کو بتانے جائیں​

 

[زیرک]

دل کی بستی سے سرِ شام جو اٹھا ہے دھواں
اچھے موسم کا اشارہ بھی تو ہو سکتا ہے
ناظر وحید​