خواب

[جاسمن]

کبھی تو خواب کبھی رت جگے سے باتیں کیں
ترے گمان میں ہم نے دیے سے باتیں کیں
(عدنان محسن)

 

[جاسمن]

وقت مہنگا ہو رہا تھا لفظ بھی کم یاب تھے
شاعروں کو خواب بننے میں بھی آسانی نہ تھی
(عدنان محسن)

 

[طاہر شیخ]

خواب ہوتے ہیں دیکھنے کے لیے
ان میں جا کر مگر رہا نہ کرو

منیر نیازی

 

[جاسمن]

اوپر بادل، نیچے پربت، بیچ میں خواب غزالاں کا

دیکھو میں نے حرف جما کے نگر بنایا جاناں کا
رئیس فروغ

 

[جاسمن]

ہم ہوس کی طرح عشق کرتے رہے روح بھی جسم بھی
اپنی بیداریوں کا صلہ خواب ہی خواب تھا دوستو
بمل کرشن اشک

 

[شمشاد]

زندگی خواب ہے اور خواب بھی ایسا کہ میاں
سوچتے رہیے کہ اس خواب کی تعبیر ہے کیا
(احمد عطا)

 

[سیما علی]

لگتا ہے اتنا وقت مرے ڈوبنے میں کیوں
اندازہ مجھ کو خواب کی گہرائی سے ہوا!!!

(ظفر اقبال)

 

[سیما علی]

عاشقی میں میرؔ جیسے خواب مت دیکھا کرو
باؤلے ہو جاؤ گے مہتاب مت دیکھا کرو

احمد فراز

 

[سیما علی]

کچل کے پھینک دو آنکھوں میں خواب جتنے ہیں
اسی سبب سے ہیں ہم پر عذاب جتنے ہیں۔۔۔

جان نثار اختر

 

[سیما علی]

کہانی لکھتے ہوئے داستاں سناتے ہوئے۔۔
وہ سو گیا ہے مجھے خواب سے جگاتے ہوئے

سلیم کوثر

 

[سیما علی]

ہائے وہ لوگ گئے چاند سے ملنے اور پھر۔۔۔۔
اپنے ہی ٹوٹے ہوئے خواب اٹھا کر لے آئے

عبید اللّہ علیم

 

[سیما علی]

• بیاں خواب کی طرح جو کر رہا ہے۔۔
• یہ قصہ ہے جب کا کہ آتشؔ جواں تھا

حیدر علی آتش

 

[سیما علی]

مانا کہ سب کے سامنے ملنے سے ہے حجاب
لیکن وہ خواب میں بھی نہ آئیں تو کیا کریں

اختر شیرانی

 

[سیما علی]

یہی ہے زندگی کچھ خواب چند امیدیں!!!!
انہیں کھلونوں سے تم بھی بہل سکو تو چلو

ندا فاضلی

 

[سیما علی]

آنکھیں کھلیں تو جاگ اٹھیں حسرتیں تمام۔
اس کو بھی کھو دیا جسے پایا تھا خواب میں
سراج لکھنوی

 

[سیما علی]

خوابوں پر اختیار نہ یادوں پہ زور ہے۔۔
کب زندگی گزاری ہے اپنے حساب میں

فاطمہ حسن

 

[سیما علی]

اور تو کیا تھا بیچنے کے لئے،،،،،،
اپنی آنکھوں کے خواب بیچے ہیں

جون ایلیا

 

[شمشاد]

میری آنکھوں کے دام پورے دو
میں نے خوابوں سمیت بیچی ہیں
(نامعلوم)

 

[مومن فرحین]

کچل کے پھینک دو آنکھوں میں خواب جتنے ہیں
اسی سبب سے ہیں ہم پر عذاب جتنے ہیں۔۔۔

جان نثار اختر

واہ

 

[مومن فرحین]

ہونا تو وہی ہے جو مقدر میں لکھا ہے
لیکن یہ میرے خواب میرے خواب میرے خواب