تیرانا (البانیہ) میں جشنِ میلادِ پیغمبر کی ایک تقریب

[حسان خان]

جغرافیائی اور تہذیبی لحاظ سے مغربی ترین مسلم اکثریتی ملک البانیہ میں میلادِ پیغمبر کی اکثر تقاریب ہجری تقویم کے بجائے عیسوی تقویم کے مطابق ہوتی ہیں۔ ابھی دو ہفتوں قبل وہاں میلادِ پیغمبر منایا گیا، جس سلسلے میں البانوی مسلمانوں کی سرکاری تنظیم نے 'حضرت محمد (ص) - افتخارِ بشریت' کے نام سے دار الحکومت تیرانا میں ایک تقریب منعقد کی، جس کی تصاویر شریکِ محفل کر رہا ہوں۔ ان تصاویر سے البانوی اسلام کی یورپی طرز کا اندازہ لگایا جا سکتا ہے۔

البانیہ کے سرکاری مفتیِ اعظم سلیم موچا تقریب سے خطاب کرتے ہوئے

یہ سفید لبادے اور لمبی ڈاڑھی والے مولانا صاحب البانیہ کے بکتاشی (علوی) شیعوں کے سربراہ ہیں، اُن کے برابر میں البانوی آرتھوڈکس عیسائیوں کے سربراہ اپنے سیاہ لبادے میں براجمان ہیں۔

البانیہ کا قومی ترانہ پڑھا جا رہا ہے

موجودہ البانوی وزیرِ اعظم صالح بریشا خطاب کرتے ہوئے

قرآن پاک کی تلاوت

کورَس میں نعتیں پڑھی جا رہی ہے۔ دلچسپ بات یہ ہے کہ چند لڑکیوں کو چھوڑ کر باقی سب لڑکیوں کے بال کھلے ہوئے ہیں۔

یہ تاج محل یہاں کیا کر رہا ہے؟

تیرانا کے ناظمِ اعلی لُلزِم پاشا

ایک مصور مسجد کی تصویر بناتے ہوئے، جو بعد ازاں وزیرِ اعظم صالح بریشا کو پیش کی گئی۔

معاشرے کے چند مشہور لوگ اپنے خیالات کا اظہار کرتے ہوئے

ماخذ (بشکریہ گوگل ٹرانسلیٹ)

 

[محسن وقار علی]

بہت خوب حسان خان
شریک محفل کرنے کا شکریہ

 

[حسان خان]

حاضرینِ تقریب

 

[محسن وقار علی]

کورَس میں نعتیں پڑھی جا رہی ہے۔ دلچسپ بات یہ ہے کہ چند لڑکیوں کو چھوڑ کر باقی سب لڑکیوں کے بال کھلے ہوئے ہیں۔

ربط

کیونکہ وہ ہمارے جیسے منافق نہیں ہیں کہ

شکل مومناں کرتوت کافراں

 

[حسان خان]

کیونکہ وہ ہمارے جیسے منافق نہیں ہیں کہ

کہہ سکتے ہیں، لیکن میں اس کا تعلق منافقت کے بجائے علاقائی ثقافت سے سمجھتا ہوں۔

 

[محسن وقار علی]

کہہ سکتے ہیں، لیکن میں اس کا منافقت سے زیادہ تعلق علاقائی ثقافت سے سمجھتا ہوں۔

میرا مطلب تھا کہ ہم ظاہر پر جتنی توجہ دیتے ہیں باطن پر اس کا ایک فیصد بھی نہیں دیتے

 

[حسان خان]

میرا مطلب تھا کہ ہم ظاہر پر جتنی توجہ دیتے ہیں باطن پر اس کا ایک فیصد بھی نہیں دیتے

اس بات سے تو سوائے متفق ہونے کے کچھ نہیں کیا جا سکتا۔

 

[محسن وقار علی]

اس بات سے تو سوائے متفق ہونے کے کچھ نہیں کیا جا سکتا۔

اور سب سے بری بات یہ کہ ہم ایسا سب سے زیادہ مذہبی معاملات میں کرتے ہیں

 

[حسان خان]

اور سب سے بری بات یہ کہ ہم ایسا سب سے زیادہ مذہبی معاملات میں کرتے ہیں

شاید یہی وجہ ہے کہ ہم اپنے معاشرے سے آہستہ آہستہ ایک انتہائی خوبصورت مذہب اسلام کی ساری رعنائی ختم کرتے جا رہے ہیں۔ ہمارے معاشرے میں تو اب یہ حال ہو چکا ہے کہ اگر اسلام کا نام ایک پڑھے لکھے شخص کے آگے لیا جائے تو بجائے اس کے کہ اُس کے ذہن میں اسلام کی اخلاقی اقدار، اسلام کی عظیم تاریخ، اسلامی تہذیب و تمدن کے خدوخال، اسلامی تمدن کے زیرِ اثر لکھا جانے والا عظیم ترین ادب وغیرہ آئیں، اُس کے ذہن میں فی الفور ملا، قدامت پسندی، بنیاد پرستی، تعصب، نفرت، فتوے، فرقہ واریت وغیرہ کی تصاویر ابھر آتی ہیں۔

 

[محسن وقار علی]

شاید یہی وجہ ہے کہ ہم اپنے معاشرے سے آہستہ آہستہ ایک انتہائی خوبصورت مذہب اسلام کی ساری رعنائی ختم کرتے جا رہے ہیں۔ ہمارے معاشرے میں تو اب یہ حال ہو چکا ہے کہ اگر اسلام کا نام ایک پڑھے لکھے شخص کے آگے لیا جائے تو بجائے اس کے کہ اُس کے ذہن میں اسلام کی اخلاقی اقدار، اسلام کی عظیم تاریخ، اسلامی تہذیب و تمدن کے خدوخال، اسلامی تمدن کے زیرِ اثر لکھا جانے والا عظیم ترین ادب وغیرہ آئیں، اُس کے ذہن میں فی الفور ملا، قدامت پسندی، بنیاد پرستی، تعصب، نفرت، فتوے، فرقہ واریت وغیرہ کی تصاویر ابھر آتی ہیں۔

اس پر میں تمہارا ہی جملہ دہراؤں گا کہ

اس بات سے تو سوائے متفق ہونے کے کچھ نہیں کیا جا سکتا۔

 

[ملائکہ]

یہی بڑی بات ہے کہ کوئی اللہ اور رسول کا نام لے رہا ہے ۔۔۔۔ مجھے تو اچھا لگا دیکھ کر ۔۔۔

 

[محمد امین]

لول۔۔۔۔شرک۔۔بدعت۔۔۔ آئی نہیں کوئی فتویٰ فیکٹری؟؟؟

 

[فارقلیط رحمانی]

حسان خان صاحب!
السلام علیکم!
اللہ آپ کے عشق رسول کو جلا بخشے۔
بہترین شراکت، مدینہ اور مدنی تاجدار کی یادیں تازہ کر دیں
جیتے رہیے، شاد و آباد رہیے اور اسی طرح مدنی تاجدار کا پرچم بلند کرتے رہیے۔
آمین بجاہ النبی الکریم

 

[فارقلیط رحمانی]

لول۔۔۔ ۔شرک۔۔بدعت۔۔۔ آئی نہیں کوئی فتویٰ فیکٹری؟؟؟

امین صاحب !
السلام علیکم!
آپ بھی ! یہاں ان سب کی ضرورت ہی کہاں ہے۔

 

[ام نور العين]

لول۔۔۔ ۔شرک۔۔بدعت۔۔۔ آئی نہیں کوئی فتویٰ فیکٹری؟؟؟

امین بھیا یہاں عید فیکٹری ہی چلنے دیں ۔
آداب میلاد میں بال کھولنا بھی شامل ہو گیا ہے ۔ آئندہ میلاد ہئیر سٹائل ایجاد ہونے چاہیئیں پھر میلاد سیلون کھل سکتے ہیں ۔

 

[ام نور العين]

قرامطہ کے بیکتاشی سلسلے کے متعلق باذن اللہ عنقریب یہاں پڑھ سکیں گے ۔ http://www.urduweb.org/mehfil/threads/اسلامی-تصوف-میں-غیر-اسلامی-نظریات-کی-آمیزش.63616/#post-1292865

 

[حسان خان]

لول۔۔۔ ۔شرک۔۔بدعت۔۔۔ آئی نہیں کوئی فتویٰ فیکٹری؟؟؟

ہاہاہا، وہاں بدعت بریگیڈ نہ ہونے کے برابر ہے کیونکہ بلقان کے مسلمان دینی معاملات میں سعودیہ یا دیگر عرب ممالک کی طرف دیکھنے کے بجائے ترکی کی طرف رخ کرتے ہیں، اس لیے جس طرح کے دین پر ترکی میں عمل کیا جاتا رہا ہے، ویسے ہی دین کی پیروی بلقان کے مسلمان کرتے آئے ہیں۔ پھر ایک وجہ یہ بھی ہے کہ البانیہ کے کُل سات میں سے چھ دینی مدارس ترکوں کے سپرد ہیں، جنہیں البانوی حکومت کی آشیرواد بھی حاصل ہے۔

قرامطہ کے بیکتاشی سلسلے کے متعلق باذن اللہ عنقریب یہاں پڑھ سکیں گے ۔ http://www.urduweb.org/mehfil/threads/اسلامی-تصوف-میں-غیر-اسلامی-نظریات-کی-آمیزش.63616/#post-1292865

ہو سکتا ہے کسی کے نزدیک بکتاشی شیعہ غیر مسلم ہوں، لیکن البانوی معاشرے میں تو بکتاشیوں کو البانوی قومی تحریک میں ہراول دستے کا کردار ادا کرنے کی کی وجہ سے کافی تکریم کی نظر سے دیکھا جاتا ہے۔ جب اُنہیں بکتاشیوں کے 'غیر اسلامی' نظریات سے کوئی تکلیف نہیں، تو ہمیں کیوں ہونے لگی؟

حسان خان صاحب!
السلام علیکم!
اللہ آپ کے عشق رسول کو جلا بخشے۔
بہترین شراکت، مدینہ اور مدنی تاجدار کی یادیں تازہ کر دیں
جیتے رہیے، شاد و آباد رہیے اور اسی طرح مدنی تاجدار کا پرچم بلند کرتے رہیے۔
آمین بجاہ النبی الکریم

بے حد شکریہ محترم فارقلیط صاحب

 

[ام نور العين]

ہو سکتا ہے کسی کے نزدیک بکتاشی شیعہ غیر مسلم ہوں، لیکن البانوی معاشرے میں تو بکتاشیوں کو البانوی قومی تحریک میں ہراول دستے کا کردار ادا کرنے کی کی وجہ سے کافی تکریم کی نظر سے دیکھا جاتا ہے۔ جب اُنہیں بکتاشیوں کے 'غیر اسلامی' نظریات سے کوئی تکلیف نہیں، تو ہمیں کیوں ہونے لگی؟

اس کسی میں مین سٹریم شیعہ اور تمام اہل سنت آتے ہیں ، بالکل اسی طرح جیسے قادیانی تمام مسلمانوں کے نزدیک اسلام سے خارج ہیں۔ مسلمان عورتوں اور بچیوں کے دیدوں کا پانی ابھی اتنا نہیں مرا کہ حبیب اللہ صلی اللہ علیہ وسلم کی نعت مردوں کے ساتھ مل کر کورس میں پڑھیں اور سر ننگے بال بکھرے ہوں ۔

 

[عائشہ عزیز]

 

[حسان خان]

اس کسی میں مین سٹریم شیعہ اور تمام اہل سنت آتے ہیں۔

ایسا نہیں ہے۔جن مرکزی دھارے کے مفتیان کی آپ نے بات کی ہے، وہ یقیناً عرب ممالک یا برصغیر کے ہی مفتی ہوں گے، جنہیں فتوے جڑنے کے سوا کوئی دوسرا کام نہیں آتا۔ کیونکہ ترکی اور البانیہ میں تو بکتاشیوں/علویوں کو غیر مسلم نہیں مانا جاتا۔ اس کے علاوہ ایران میں بھی بکتاشیوں کو اچھی نگاہ سے دیکھا جاتا ہے کیونکہ حاجی بکتاش ولی، جن کا اصل نام سید محمد بن ابراہیم نیشابوری ہے، ایرانی صوفی ہی تھے۔ میں نے البانیہ کے قومی شاعر نعیم فراشری کا فارسی کلام ڈاؤنلوڈ کیا تھا، اُس کے مقدمے میں بھی شاعر کو غیر مسلم کہے جانے کے بجائے بکتاشی شیعہ ہی کہا گیا تھا، اور اس بات کو بڑے مثبت پیرائے میں بیان کیا گیا تھا۔

ایران کا سرکاری خبر رساں ادارہ بھی اُنہیں مسلمان ہی کہتا ہے:
http://edition.presstv.ir/detail/172901.html