لقمان پنجابی
محفلین
اسلام و علیکم محترم لکھاریو تے نقطہ چینو،
امریکی صدر باراک اوباما پشلے سال امریکہ وچ ہونڑ آلے چنا وچ جتنڑ توں بعد ہونڑ اپنڑی دوجی واری صدر دے طور تے ذمہ داریاں پوریاں کررہے نے۔ پاکستان دی تاریخ وچ پہلی واری اک جمہوری حکومت اپنڑی حکومتی مدت پوری کرکے حکومت دیاں کنجیاں نگراں حکومت دے حوالے کر چھڈیاں نے، جیڑی اونڑ آلے چنا کرانڑ دی ذمے دار وے۔
چنا دیاں تیاریاں پورے ذوراں تے نے، تے لکھاں پاکستانی اپنڑا ذہن بنڑا رہے نے کےاو اونڑ آلے چنا وچ کیدے حق وچ اپنڑاں ووٹ پانڑ گے۔ ایدے وچ کوئی شک نہی کے ہر کسے دی اپنڑے ووٹ نوں کسے امیدوار دے حق وچ ورتنڑ دی اک وکھری وجہ، سمجھہ، تے سوچ وے، پر اگر اسی جمہوریت تے جمہوری عمل دی پختگی دی گل کرییے تے اک سوال دماغ وچ اٹھدا وے: کیڑی او شے وے جیڑی جمہوریت تے جمہوری عمل نوں پکیاں کرنڑ دے وچ مددگار وے؟ چوکھی جان کاری آلی عوام؟ اک تگڑا تے سمجھدار معاشرہ؟ شفاف تے چنگے طریقے نال چلنڑ آلا نظام؟ برداشت؟ یا ساریاں اوتے دیتیاں ہویاں تجویزاں؟
اے سوال ہزاراں لوکاں کولوں اگر پچھیا جاوے تے امید اے کے ہر کوئی اپنڑی سمجھہ دے مطابق اوتے دیتیاں گئیاں تجویزاں وچوں اک تجویز چنڑ لئے گا تے یا تجویزاں اینیاں ودھ جانڑ گیاں کے اک ورقے تے پورياں نہی اونڑ گیاں۔ میں ایتھے کسے نوں اپنڑی سوچ نال ایکا یا مخالفت کرنڑ دے وارے نہی کہ ریہا، صرف اپنڑے تجربے جیڑا میں دنیا دے مختلف خطیاں وچ رہ کے لیا اے اودے ذریعے حاصل کیتے نچوڑ دی روشنی وچ دس ریہاں کے برداشت ناکے صرف جمہوریت تے جمہوری عمل دی پختگی بلکہ ہر انسانی رشتے، تعاق۔ تے معاملاے دی پختگی دی چابی وے۔ "میں بلکل ایس گل نوں منڑ لئی تیار نہی جو تسی آکھی وے، پر میں مردے دم تائیں تواڈے اظہار دے حق دا دفاع کراں گا،" اے اکھانڑ دی نسبت لوکی فرانسیسی لکھاری وولٹئیر ول کردے نے۔
پاکستان تے امریکہ وچ وکئی رنگ، نسل، تے فرقیاں دے لوکی ریہندے نے۔ امریکہ وچ اے لوکی امن نال ذندگی گزار رہے نے۔ اے نہی کے اناں وچ کوئی اختلاف نہی، اختلاف ضرور نے پر ایدے باوجود کچھہ دو صدیاں توں جمہوریت تے ایدے واسی اکٹھے پھل پھول رہے نے۔ اے یقین نال اکھیا جاسکدا وے کے ایدی وجہ اے وے کے اناں اک دوجے دے اختلاف نوں برداشت کرنڑ دا ول سکھہ لیا وے۔ نا تے اک دھڑا دوجے تے اپنڑی وچار ذبردستی تھوپنڑ دی کوشش کردا وے تے نا ہی کسے دھڑے نوں اپنڑی سوچ دے اظہار کرنڑ توں روکدا وے۔ حقیقت وچ ہونڑ کجھہ تقطہ چین ایس پریشانی وچ نے کے کیا امریکہ نوں اے سوچ بدل لینڑی چاہی دی وے۔
مختصر، میں اکھنڑاں چوہنداں کے میرا ایس گل تے پکا یقین وے کے لوکاں دی ترقی وچ برداشت دا چوکھا دخل وے۔ برداشت توں بغیر ٹبر داری، رشتہ داری، تنظم داری، اک کامیاب پینڈ، شہر، تے دیس دا قیام ڈاھڈا اوکھا کم وے۔ فرق ہونڑاں اک نا بدلنڑ آلی حقیقت وے تے برداشت فرق نوں چنگے رنگ وچ من لینڑ دی چابی وے-
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/USDOTPunjabi
امریکی صدر باراک اوباما پشلے سال امریکہ وچ ہونڑ آلے چنا وچ جتنڑ توں بعد ہونڑ اپنڑی دوجی واری صدر دے طور تے ذمہ داریاں پوریاں کررہے نے۔ پاکستان دی تاریخ وچ پہلی واری اک جمہوری حکومت اپنڑی حکومتی مدت پوری کرکے حکومت دیاں کنجیاں نگراں حکومت دے حوالے کر چھڈیاں نے، جیڑی اونڑ آلے چنا کرانڑ دی ذمے دار وے۔
چنا دیاں تیاریاں پورے ذوراں تے نے، تے لکھاں پاکستانی اپنڑا ذہن بنڑا رہے نے کےاو اونڑ آلے چنا وچ کیدے حق وچ اپنڑاں ووٹ پانڑ گے۔ ایدے وچ کوئی شک نہی کے ہر کسے دی اپنڑے ووٹ نوں کسے امیدوار دے حق وچ ورتنڑ دی اک وکھری وجہ، سمجھہ، تے سوچ وے، پر اگر اسی جمہوریت تے جمہوری عمل دی پختگی دی گل کرییے تے اک سوال دماغ وچ اٹھدا وے: کیڑی او شے وے جیڑی جمہوریت تے جمہوری عمل نوں پکیاں کرنڑ دے وچ مددگار وے؟ چوکھی جان کاری آلی عوام؟ اک تگڑا تے سمجھدار معاشرہ؟ شفاف تے چنگے طریقے نال چلنڑ آلا نظام؟ برداشت؟ یا ساریاں اوتے دیتیاں ہویاں تجویزاں؟
اے سوال ہزاراں لوکاں کولوں اگر پچھیا جاوے تے امید اے کے ہر کوئی اپنڑی سمجھہ دے مطابق اوتے دیتیاں گئیاں تجویزاں وچوں اک تجویز چنڑ لئے گا تے یا تجویزاں اینیاں ودھ جانڑ گیاں کے اک ورقے تے پورياں نہی اونڑ گیاں۔ میں ایتھے کسے نوں اپنڑی سوچ نال ایکا یا مخالفت کرنڑ دے وارے نہی کہ ریہا، صرف اپنڑے تجربے جیڑا میں دنیا دے مختلف خطیاں وچ رہ کے لیا اے اودے ذریعے حاصل کیتے نچوڑ دی روشنی وچ دس ریہاں کے برداشت ناکے صرف جمہوریت تے جمہوری عمل دی پختگی بلکہ ہر انسانی رشتے، تعاق۔ تے معاملاے دی پختگی دی چابی وے۔ "میں بلکل ایس گل نوں منڑ لئی تیار نہی جو تسی آکھی وے، پر میں مردے دم تائیں تواڈے اظہار دے حق دا دفاع کراں گا،" اے اکھانڑ دی نسبت لوکی فرانسیسی لکھاری وولٹئیر ول کردے نے۔
پاکستان تے امریکہ وچ وکئی رنگ، نسل، تے فرقیاں دے لوکی ریہندے نے۔ امریکہ وچ اے لوکی امن نال ذندگی گزار رہے نے۔ اے نہی کے اناں وچ کوئی اختلاف نہی، اختلاف ضرور نے پر ایدے باوجود کچھہ دو صدیاں توں جمہوریت تے ایدے واسی اکٹھے پھل پھول رہے نے۔ اے یقین نال اکھیا جاسکدا وے کے ایدی وجہ اے وے کے اناں اک دوجے دے اختلاف نوں برداشت کرنڑ دا ول سکھہ لیا وے۔ نا تے اک دھڑا دوجے تے اپنڑی وچار ذبردستی تھوپنڑ دی کوشش کردا وے تے نا ہی کسے دھڑے نوں اپنڑی سوچ دے اظہار کرنڑ توں روکدا وے۔ حقیقت وچ ہونڑ کجھہ تقطہ چین ایس پریشانی وچ نے کے کیا امریکہ نوں اے سوچ بدل لینڑی چاہی دی وے۔
مختصر، میں اکھنڑاں چوہنداں کے میرا ایس گل تے پکا یقین وے کے لوکاں دی ترقی وچ برداشت دا چوکھا دخل وے۔ برداشت توں بغیر ٹبر داری، رشتہ داری، تنظم داری، اک کامیاب پینڈ، شہر، تے دیس دا قیام ڈاھڈا اوکھا کم وے۔ فرق ہونڑاں اک نا بدلنڑ آلی حقیقت وے تے برداشت فرق نوں چنگے رنگ وچ من لینڑ دی چابی وے-
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/USDOTPunjabi
