تنہا

[شمشاد]

کاؤکاوِ سخت جانی ہائے تنہائی نہ پوچھ
صبح کرنا شام کا، لانا ہے جوئے شیر کا
(چچا)

 

[راجہ صاحب]

ذرا تکلیف تو ہو گی مگر اے جانِ تنہائی
تجھے دل سے بھلا دینا بہت مشکل نہیں ہو گا

منصور آفاق

 

[شمشاد]

ہمیں کہاں ان ہنگاموں میں تم کھینچے پھرتے ہو
ہم ہیں اپنی تنہائی میں رنگ جمانے والے
(عزم بہزاد)

 

[راجہ صاحب]

اک آگ لگا دیتے ہیں برسات کے دل میں
ہم لوگ سلگتے نہیں تنہا اسے کہنا

منصور آفاق

 

[عرفان سرور]

کوئی افسا نہ چھیڑ تنہائی
رات کٹتی نہیں جُدائی کی۔۔۔!
فراق

 

[عرفان سرور]

ایک پُرانا موسم لوٹا یاد بھری پُروائی بھی
ایسا تو کم ہی ہوتا ہے وہ بھی ہو تنہائی بھی۔۔۔!
گلزار

 

[عرفان سرور]

اک آگ غم تنہائی کی جو سارے بدن میں پھیل گئی
جب جسم ہی سارا جلتا ہو بھر دامن دل کو بچائیں کیا۔۔۔!
اطہر نفیس

 

[عرفان سرور]

بیٹھ جاتی ہے میرے پہلو میں آکر اس طرح
میری تنہائی بھی جیسے میرے گھر کا فرد ہو۔۔۔!

 

[عرفان سرور]

تھپکیاں دے کے سُلا دیتی ہے
مجھ کو ہر رات میری تنہائی۔۔۔!

 

[عرفان سرور]

یوں آؤ کے پاؤں کی بھی آواز نہ ہو
شور ہوا تو مر جائے گی تنہائی۔۔۔۔!

 

[عرفان سرور]

اس لیے بھی رات کو گھر سے نکل آتا ہوں میں
سردیوں کے چاند کو احساس تنہائی نہ ہو۔۔۔!

 

[راجہ صاحب]

ظاہر یہ کر رہی ہیں شبِ غم کی نزہتیں
کوئی چھپا ہوا میری تنہائیوں میں ہے​

 

[عمر سیف]

کیسے گزرے کا یہ سفر تنہا
ہے گلی اور رہگزر تنہا
آگ پھر آرزو کی بھڑکی ہے
دل سُلگتا ہے رات بھر تنہا

 

[راجہ صاحب]

کوئی ہجومِ دہر میں کرتا رہا تلاش
کوئی رہِ حیات سے تنہا گزر گیا

 

[عمر سیف]

سُنا ہے میں نے یہ تنہائیوں کے دشمن ہیں
سنا ہے اُن میں زہر گھولتے ہیں سناٹے

 

[راجہ صاحب]

وحشتِ آتشِ دل سے شبِ تنہائی میں
دُود کی طرح رہا سایہ گریزاں مجھ سے
(غالب)

 

[عمر سیف]

ڈر رہا تھا جو بھیڑ سے عاطف
اس کو تنہائیوں نے مارا تھا

 

[راجہ صاحب]

وہ ہواؤں سے کیا کرتاہے باتیں اکثر
کچے ّ آنگن کا جو تنہا سا شجر ہوتا ہے
فاخرہ بتول

 

[عمر سیف]

قریب آ شبِ تنہائی تجھ سے پیار کریں
تمام دن کی تھکن کا علاج تُو ہی سہی

 

[راجہ صاحب]

تنہا درخت پر بیٹھ کر بلبل نے دی صدا
یا رب کسی غریب کا ساتھی جدا نہ ہو
نامعلوم