تنویر سپرا : شیشے دلوں کے ، گرد تعصب سے اٹ گئے

[سید زبیر]

شیشے دلوں کے ، گرد تعصب سے اٹ گئے​

​

شیشے دلوں کے گر دتعصب سے اٹ گئے​

روشن دماغ لوگ بھی فرقوں میں بٹ گئے​

اظہار کا دباؤ بڑا ہی شدید تھا​

الفاط روکتے ہی مرے ہونٹ پھٹ گئے​

بارش کو دشمنی تھی فقط میری ذات سے​

جونہی مرا مکان گرا ، ابر چھٹ گئے​

دھرتی پہ اگ رہی ہیں فلک بوس چمنیاں​

جن سے فضائیں عطر تھیں ، وہ پیڑ کٹ گئے​

سپرا پڑوس میں نئی تعمیر کیا ہوئی​

میرے بدن کے رابطے سورج سے کٹ گئے​

​

تنویر سپرا ​

 

[طارق شاہ]

دور حاضر کا ارتقائی تغیر، اور اُس سے ماحولیاتی و جسمانی اثرات پر سپرا صاحب کی یہ غزل خوب ہے
جناب زبیر صاحب
بالا تناظر میں ایک اچھی غزل شیئر کرنے کے شکریہ