ابن سعید
خادم
بھئی یہ کلاسیکل اردو میں داستان گوئی کی کتابیں ہیں۔ اردو ویب کی لائبریری میں انہیں یہاں سے حاصل کیا جا سکتا ہے۔ حالانکہ ابھی طلسم ہوشربا تیاری کے مراحل میں ہے۔ ویسے اتنے پر دار سوال و جواب کی یہاں اجازت نہیں۔ 
بے پر کی
- صاحب لڑی ابن سعید
- تاریخ ابتداء
سلیمان جاذب
محفلین
سلیمان جاذب
محفلین
جب جب بے پر کی اڑانی ہے تو خوب اڑاو
پھر ڈرنا کیا؟
پھر ڈرنا کیا؟
ابن سعید
خادم
برادرم نایاب۔ پسندیدگی کا شکریہ۔
خیر یہ طلسم ہوش ربا تو کیا اس کا بایاں بازو بھی نہیں کیوں کہ ایک بار طلسم ہوشربا لائبریری سے نکلوائی تھی اور 4-5 دنوں میں کوئی 50 صفحات پڑھ سکا تھا۔ اس لئے نہیں کہ بہت سست پڑھتا ہوں بلکہ اس وجہ سے کہ اس کا انداز بیان ہی اتنا سحر انگیز تھا کہ ایک ایک پیراگراف کم از کم تین تین بار پرھتا تھا اور سر دھنتا تھا۔
اور آپ بیتی کیا ہے بھئی آدمی لکھتا ہے تو کچھ نہ کچھ تو ماحول کا اثر حاوی ہوتا ہی ہے ورنہ لکھنے کی ترغیب کہاں سے ملے۔ لیکن خاص کر اس دھاگے کے مراسلے عموماً بے سر پیر اور موضوع کے ہی ہوتے ہیں۔ در اصل یہ وہ گوشہ ہے جہاں میں کچھ بھی لکھ کر محفوظ کر لیتا ہوں۔ اگر پچھلے مراسلے دیکھے ہوںگے تو ضرور اندازہ ہو گیا ہوگا۔
والسلام
خیر یہ طلسم ہوش ربا تو کیا اس کا بایاں بازو بھی نہیں کیوں کہ ایک بار طلسم ہوشربا لائبریری سے نکلوائی تھی اور 4-5 دنوں میں کوئی 50 صفحات پڑھ سکا تھا۔ اس لئے نہیں کہ بہت سست پڑھتا ہوں بلکہ اس وجہ سے کہ اس کا انداز بیان ہی اتنا سحر انگیز تھا کہ ایک ایک پیراگراف کم از کم تین تین بار پرھتا تھا اور سر دھنتا تھا۔
اور آپ بیتی کیا ہے بھئی آدمی لکھتا ہے تو کچھ نہ کچھ تو ماحول کا اثر حاوی ہوتا ہی ہے ورنہ لکھنے کی ترغیب کہاں سے ملے۔ لیکن خاص کر اس دھاگے کے مراسلے عموماً بے سر پیر اور موضوع کے ہی ہوتے ہیں۔ در اصل یہ وہ گوشہ ہے جہاں میں کچھ بھی لکھ کر محفوظ کر لیتا ہوں۔ اگر پچھلے مراسلے دیکھے ہوںگے تو ضرور اندازہ ہو گیا ہوگا۔
والسلام
ابن سعید
خادم
قصہ چہار درویش یا باغ و بہار کم و بیش ڈیڑھ بار پڑھ چکا ہوں۔ یہ طلسم کے مقابلے عام فہم ہے یا یوں کہیں کہ اس میں طلسم جیسی پیرا کلاسک اردو نہیں ہے۔
الف لیلہ کبھی ہاتھ نہیں لگی۔ بہت چھوٹا تھا تو گھر میں تھی پر اسے پڑھنے کی عمر کو پہونچتا اس سے پہلے وہ زمانے کی نذر ہو چکی تھی۔
اس کے علاوہ گل بکاؤلی، گل صنوبر، صبر ایوب، یوسف زلیخا اور ابن بطوطہ جیسی داستان گوئی کی کتابیں پڑھی ہیں پر ان کی زبان میں وہ بات نہیں۔
الف لیلہ کبھی ہاتھ نہیں لگی۔ بہت چھوٹا تھا تو گھر میں تھی پر اسے پڑھنے کی عمر کو پہونچتا اس سے پہلے وہ زمانے کی نذر ہو چکی تھی۔
اس کے علاوہ گل بکاؤلی، گل صنوبر، صبر ایوب، یوسف زلیخا اور ابن بطوطہ جیسی داستان گوئی کی کتابیں پڑھی ہیں پر ان کی زبان میں وہ بات نہیں۔
الف عین
لائبریرین
ابن بظوطہ کو اس میں کہاں شامل کر رہے ہو سعود۔ سفرنامہ ابن بطوطہ تو ترجمہ ہوتا ہے عربی کا۔ ممکن ہے کہ کسی نے کلاسیکی اردو میں کیا ہو اسی زمانے میں۔ میں نے تو موجودہ اردو میں پڑھا ہے، یاد نہیں کس کا ترجمہ تھا، مکتبہ جامعہ کا چھپا میرے پاس تھا (نہ جانے کہاں گیا) ۔ یہ صبرِ ایوب میں نے نہ پڑھی نہ سنی کہ کون سی کتاب ہے،
ابن سعید
خادم
ابن بطوطہ کو ان داستانوں میں بے پرکیت لانے کے لئے لکھا تھا۔ اور مجھے نہیں لگتا کہ کوئی اور اسے محسوس کر پاتا اتنی آسانی سے۔ در اصل اکثر احباب کو اس کے داستان یا سفرنامہ ہونے کے معاملے میں مشکوک پایا ہے۔ اور صبر ایوب یوسف زلیخا قسم کی کتاب ہے۔ یہ حضرت ایوب علیہ السلام کی داستان پر مشتمل ہے۔ پر لغویات اتنی ہی بھری ہیں جتنی یوسف زلیخا میں۔ بس ذرا رومانس کم ہے۔ اور ہاں داستانوں کی بات چلی اور میں طوطا مینا کی کہانی کو فراموش کر بیٹھا۔
خیر میرے بچپن کے دنوں تک ہمارے یہاں گاؤں میں لڑکیوں کی شادیاں طے ہوتی تھیں اور پڑھائی لکھائی کی بات آتی تھی تو یہ ضرور ہوتا تھا کہ لڑکی نے کلام پاک، شاہ نامہ، جنگ نامہ، دلہن نامہ، گل بکاؤلی، گل صنوبر، یوسف زلیخا اور صبر ایوب پڑھا ہے۔ خط لکھنا جانتی ہے۔ بلکہ محلے کے سارے خط وہی پڑھتی ہے۔
در اصل اکثر احباب کو اس کے داستان یا سفرنامہ ہونے کے معاملے میں مشکوک پایا ہے۔ اور صبر ایوب یوسف زلیخا قسم کی کتاب ہے۔ یہ حضرت ایوب علیہ السلام کی داستان پر مشتمل ہے۔ پر لغویات اتنی ہی بھری ہیں جتنی یوسف زلیخا میں۔ بس ذرا رومانس کم ہے۔ اور ہاں داستانوں کی بات چلی اور میں طوطا مینا کی کہانی کو فراموش کر بیٹھا۔خیر میرے بچپن کے دنوں تک ہمارے یہاں گاؤں میں لڑکیوں کی شادیاں طے ہوتی تھیں اور پڑھائی لکھائی کی بات آتی تھی تو یہ ضرور ہوتا تھا کہ لڑکی نے کلام پاک، شاہ نامہ، جنگ نامہ، دلہن نامہ، گل بکاؤلی، گل صنوبر، یوسف زلیخا اور صبر ایوب پڑھا ہے۔ خط لکھنا جانتی ہے۔ بلکہ محلے کے سارے خط وہی پڑھتی ہے۔
ابن سعید
خادم
شام کو تھکے ہارے آفس سے گھر کو لوٹے تو پایا کہ چھوٹے صاحبزادے رموٹ کنٹرول پر قبضہ جمائے ٹی وی دیکھنے میں مصروف ہیں۔ ٹائی کی گرہ ڈھیلی کرتے ہوئے سوفے پر ڈھیر ہوکر ادھ کھلی آنکھوں سے ٹی وی پر نظریں جما دیں۔ اچانک انتہائی فحش منظر ٹی وی کے پردے پر چھا گیا، غالباً کوئی اشتہار تھا۔ یکبارگی دل کو جھٹکا سا لگا اور بچے کی طرف دیکھا جو کہ انتہائی انہماک سے ٹی پر پھیلے منظر کے نشیب و فراز کا جائزہ لینے میں مصروف تھے۔ خاموشی سے اٹھ کر بالکنی میں آگئے اور سوچنے لگے کہ یہ کیسی بلا گھر میں پال رکھی ہے۔ زمانے کی ضرورت کے نام پر ہم نے خود کو کہاں لا پٹخا ہے۔ نئی نسل کی کردار کشی کے لئے یہ کیسی زہریلی شے رکھ چھوڑی ہے۔ اس سے قبل کہ کچھ اور بھاری بھرکم فلسفیانہ خیال ذہن میں وارد ہوتے، ایک صدا آتی ہے۔۔۔
ابو اب آ جائیے وہ ایڈ ختم ہو گیا۔
ابو اب آ جائیے وہ ایڈ ختم ہو گیا۔
ابن سعید
خادم
چھڑی ٹیکتے ہوئے خاصی سست رفتار سے دادا جی پگڈنڈی پر آگے بڑھ رہے تھے اور اس سست روی سے ان کی اقتدا کرنا میرے لئے صبر آزما ہو رہا تھا۔ کوئی چار کوس کا فاصلہ تھا جسے پگڈنڈیوں کے ذریعہ پیدل ہی طے کرنا تھا۔
آج دادا جی بہت خوش تھے۔ سفید کرتے پر کتھئی صدری پہن رکھی تھی کندھے پر رمال اور منھ میں پان کی گلوری بھی تھی۔ خوش ہوں بھی کیوں نا آخر کو ان کی اکلوتی پوتی کے آنگن میں بڑی منتوں دعاؤں کے بعد ایک پھول کھلا تھا۔ پان کی پیک سنبھال سنبھال کر باتیں بھی کر رہے تھے کہ بیٹا آج پورے نو سال تین ماہ بعد اس راستے پر جا رہا ہوں اس سے پہلے پوتی کی شادی کے بعد جب ایک بار طبیعت بہت زیادہ خراب ہوئی تھی تب گیا تھا اور وہ پھاگن کا مہینہ تھا۔ ارے چھوٹو اس وقت بھی تو تو ہی تھا ساتھ اور میری انگلی پکڑ آگے آگے چل رہا تھا۔
کوئی ڈیڑھ کوس چلے ہونگے کہ اچانک دادا جی نے ایک ہاتھ اوپر اٹھایا اور قدرے جھک کر کوئی پانچ قدم بڑھے ہونگے کہ پھر سیدھے ہو کر چلنے لگے۔ مجھے حیرت ہوئی اور پوچھ بیٹھا کہ دادا جی آپ جھکے کیوں تو بولے بیٹا میرا قد لمبا ہے۔ اور پچھلی بار یہاں سے گزرتے ہوئے تو نے ہی تو کہا تھا کہ دادا جی جھک جائیے نہیں تو پگڈنڈی کے قریب والے پیپل کی شاخ جو کہ سر کے ٹھیک اوپر سے گزر رہی ہے اس سے چوٹ لگ جائے گی۔
وہ پیڑ تو کوئی پانچ سال پہلے کالی آندھی کی زد میں آکر جڑ سے اکھڑ گیا تھا اور اب تو لوگ اسے بھول بھی چکے ہیں۔ قدرت نے دونوں آنکھوں سے محروم کیا تو دوسری صلاحیتیں اس قدر بڑھا دیں کہ عقل حیران ہے۔
آج دادا جی بہت خوش تھے۔ سفید کرتے پر کتھئی صدری پہن رکھی تھی کندھے پر رمال اور منھ میں پان کی گلوری بھی تھی۔ خوش ہوں بھی کیوں نا آخر کو ان کی اکلوتی پوتی کے آنگن میں بڑی منتوں دعاؤں کے بعد ایک پھول کھلا تھا۔ پان کی پیک سنبھال سنبھال کر باتیں بھی کر رہے تھے کہ بیٹا آج پورے نو سال تین ماہ بعد اس راستے پر جا رہا ہوں اس سے پہلے پوتی کی شادی کے بعد جب ایک بار طبیعت بہت زیادہ خراب ہوئی تھی تب گیا تھا اور وہ پھاگن کا مہینہ تھا۔ ارے چھوٹو اس وقت بھی تو تو ہی تھا ساتھ اور میری انگلی پکڑ آگے آگے چل رہا تھا۔
کوئی ڈیڑھ کوس چلے ہونگے کہ اچانک دادا جی نے ایک ہاتھ اوپر اٹھایا اور قدرے جھک کر کوئی پانچ قدم بڑھے ہونگے کہ پھر سیدھے ہو کر چلنے لگے۔ مجھے حیرت ہوئی اور پوچھ بیٹھا کہ دادا جی آپ جھکے کیوں تو بولے بیٹا میرا قد لمبا ہے۔ اور پچھلی بار یہاں سے گزرتے ہوئے تو نے ہی تو کہا تھا کہ دادا جی جھک جائیے نہیں تو پگڈنڈی کے قریب والے پیپل کی شاخ جو کہ سر کے ٹھیک اوپر سے گزر رہی ہے اس سے چوٹ لگ جائے گی۔
وہ پیڑ تو کوئی پانچ سال پہلے کالی آندھی کی زد میں آکر جڑ سے اکھڑ گیا تھا اور اب تو لوگ اسے بھول بھی چکے ہیں۔ قدرت نے دونوں آنکھوں سے محروم کیا تو دوسری صلاحیتیں اس قدر بڑھا دیں کہ عقل حیران ہے۔
