یوسف سلطان
محفلین
لَن تَرَانِی دس کے جانی ہُن کیوں مُکھ چھپایا اے
میں، ڈھولن وچ فرق نہ کائی، اِنمَا فرمایا اے
تن صابر دے کیڑے پائے، جو جھڑیا سو پایا اے
منصور کولوں کُج ظاہر ہویا، سُولی پکڑ چڑھایا اے
دَسو نُکتہ ذات الہیٰ سجدہ کس کروایا اے؟
بلھے شاہ دا حُکم نہ مَنیا، شیطاں خوار کرایا اے
بے حد رمزاں دسدا میرا ڈھولن ماہی۔۔۔
ذرا بے خود ہو کے ویکھ میاں، جیدی بستی اے اوہو وسدا اے
بِنا گُر کامل نہ اے بھید کُھلے، اے کلمہ کوئی نہ دسدا اے
بے صورت، صورت بن آیا، خود آپ محافظ صورت دا
خود روح مِسال تے جسم ہویا، آپے ہر ہر دے وچ وسدا اے
آپے کثرت دے وچ بندہ اے، اَتے احدیت وچ مولا اے
علم اپنے دا آپ عالم ہے، کِتے آزادی کِتے پھسدا اے
جدوں اکھیاں دِتیاں مرشد نے، ہر دیکھیا ہر ہر شان اندر
کِتے مومن ہو کے مندا اے، کِتے کافر ہو کے نسدا اے
بے حد رمزاں دسدا میرا ڈھولن ماہی۔۔۔
آپے طالب تے، مطلوب آپے، آپے آپ اپنا محبوب آپے
آپے اپنے آپ دے ملنے دی، تدبیر بنائی جاندی اے
جد شور محبت نے پایا، بے صورت، صورت بن آیا
آپے اپنے ہجر وچھوڑے دی، تقریر سُنائی جاندی اے
آپے مُڈھ قدیماں کَلَا اے، کوئی غیر نئیں اللہ ہی اللہ اے
میم دے اَولے وسدا میرا ڈھولن ماہی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بے حد رمزاں دسدا میرا ڈھولن ماہی۔۔۔
اوہو بے صورت وچ صورت دے، بن آپ محمد آیا اے
رکھ سامنے شیشہ وحدت دا، اج رب نے یار سجایا اے
بِن صورت دے رب نئیں لبدا، اودی شکل نورانی مُکھ رب دا
جے او نہ ہُندا، نہ رب ہُندا، لولاک خدا فرمایا اے
اے گل کوئی یار خطا وی نئیں، جے خدا او نئیں تے جُدا وی نئیں
آپنے احمد بن کے حمد کرے، تے محمد نام رکھایا اے
بے حد رمزاں دسدا میرا ڈھولن ماہی۔۔۔
آپے ظاہر، آپے باطن، آپے لُک لُک بیندا اے
آپے مُلاں، آپے قاضی، آپے علم پڑھیندا اے
خط ظُلنار کُفر دا گل وچ، بُت خانے وچ بیندا اے
ذاتوں اشرف یار رانجھے دا، لایاں دی لج رکھیندا اے
آپے لُکدا آپے دسدا، آپے دھوم مچیندا اے
بلھے، شاہ عنایت مینوں، ول ول درشن دیندا اے
بے حد رمزاں دسدا میرا ڈھولن ماہی۔۔۔
جیہڑا آپ احدیت دے وچ احد، آپے وچ واحدت روپ یار دھرے
آپے نُور، وجُود، شہُود آپے، آپے آپ سارے روپ دھاردا اے
او محبوب آپے، آپے او عاشق، آپے اپنے توں جِند واردا اے
او دیوانیاں میم محمدی چوں، پیا الف آپے چمکاں ماردا اے
میم دے اولے وسدا میرا ڈھولن ماہی
بے حد رمزاں دسدا میرا ڈھولن ماہی۔۔۔
کرا کی بے حد تعریف اُس دی، او تا لنگ بےحد چوں حد آیا
ہویا بَری بےحد دی قید وچوں، آج حد دے وچ بے حد آیا
بی بی آمنہ دے گر ہون عیدا، دیکھو کُفر تے شرک دا رد آیا
او دیوانیاں میم تے کُنڈھ پا کے، صورت وچ اللَّهُ الصَّمَدُ آیا
میم دے اولے وسدا میرا ڈھولن ماہی
بے حد رمزاں دسدا میرا ڈھولن ماہی۔۔۔
کِتے رُومی ایں، کِتے شامی ایں
کِتے صاحب، کِتے غلامی ایں
کِتے خاصاں وچ، کِتے عامی ایں
او آپے آپ تمامی ایں
بے حد رمزاں دسدا میرا ڈھولن ماہی۔۔۔
حضرت بابا بلھے شاہ
آخری تدوین:
