کوئز پروگرام کے بارہ میں چند تجاویز
ابرار بھائی ۔ میں نے کوئز پروگرام کے سلسلہ اپنی پوسٹ میں صرف چند بنیادی سہولتوں کے بارہ میں بیان کیا تھا تاکہ کسی طرح ایک چھوٹا سا پروگرام دستیاب ہو جائے ۔ لیکن ماشاء اللہ آپ کی پوسٹ دیکھ کر تو لگتا ہے کہ آپ ایک وسیع کوئز سسٹم تیار کرنے کی طرف جارہے ہیں ۔ جزاکم اللہ ۔ واقعی اگر آپ یہ سہولتوں پروگرام میں مہیا کردیں تو اس کی افادیت میں اور بھی اضافہ ہوجائے گا اور خوبصورتی بھی بڑھ جائے گی ۔
اس سلسلہ میں کوئز سسٹم کی تلاش کے دوران لاطینی زبانوں کے لئے ایک کوئز پروگرام نظر آیا تھا:۔
http://www.wondershare.com/pro/quizcreator.html
اس کو نظر میں رکھتے ہوئے اپنی بات کو مکمل کرتا ہوں لیکن اس کا یہ مطلب نہیں کہ پروگرام سوفیصد ایسا ہی ہو ۔ آپ اپنی پسند اور سہولت کے مطابق جیسا چاہیں پروگرام تیار کریں۔
ڈیٹا فائل کا فارمیٹ:۔
مجھے پروگرامنگ کے بارہ میں علم نہیں ہے لیکن فارمیٹ ایسا ہی ہونا چاہیئے جیسا کہ آپ نے بیان کیا ہے کہ XML فارمیٹ منظم کرنے میں زیادہ بہتر اور آسان ہے۔ اس بارہ میں ایک سوال اور ہے کہ کیا مائکروسافٹ ایکسل یا ورڈ میں ایک سانچہ بنا کر ان میں سوالات لکھ کر انہیںXML فارمیٹ میں پروگرام کے لئے تیار کیا جاسکتا ہے یا نہیں ۔
(بعض دفعہ کاپی رائٹ یا کسی دوسری وجہ سے اپنے سوالات کا متن ٹیکسٹ فارمیٹ میں نہیں پھیلانا ہوتا یعنی کیا ایسا ممکن ہے یوزر کو ڈیٹا کو انکرپٹ کرنے کی سہولت بھی ہو تاکہ کوئی دوسرا اُسے ٹیکسٹ فارمیٹ میں استعمال نہ کرسکے۔)
مذکورہ بالا quizcreator سافٹ ویئر میں ایک سہولت یہ رکھی گئی ہے کہ آپ ایکسل فائل سے سوالات امپورٹ کرسکتے ہیں ایکسل ٹیمپلیٹ فائل بھی مذکورہ پروگرام کی مدد سے تیار ہوتی ہے۔
ساؤنڈ ایفیکٹ:۔
واقعی اگر یہ سہولت بھی میسر ہو تو اچھی بات ہے۔لیکن مشاہدہ میں آیا ہے کہ بعض لوگ ایسی ساؤنڈز کو پسند کرتے ہیں اور بعض نہیں کیا ان ساؤنڈز کو آن اور آف کرنے کی سہولت بھی میسر ہوگی۔ اس سلسلہ میں کیا ایسا ہوسکتا ہے کہ یوزر اپنی مرضی سے MP3 یا دوسرا فارمیٹ جو آپ مناسب سمجھیں ، میں فائلز متعلقہ جگہ پر رکھ کر اپنی مرضی کی ساؤنڈ یا ساؤنڈ ایفیکٹس استعمال کرسکے۔ ساؤنڈز کے لئے جیسا کہ شعیب بھائی نے بتایا ہے
http://www.flashkit.com/soundfx ویب سائٹ سے استفادہ کیا جاسکتا ہے یا اگر آپ کے ذہن میں کوئی اور طریقہ کار ہو تو اس پر بھی کام کیا جاسکتا ہے۔ اگر آپ کہیں تو فائلز ڈاؤنلوڈ کرکے بھی آپ کو ارسال کردیتا ہوں لیکن کونسی فائلز کس فارمیٹ میں آپ استعمال کریں گے۔
ٹائمر:۔
ٹائمر بھی اچھی چیز ہے ۔ کیا ٹائمر ہر سوال کے لئے ہوگا یا سوالات کی ایک نشست کے لئے ہوگا ۔ ٹائمر كے لئے جگہ بنا دی ہے ۔
آگے اور پیچھے جانے کے لئے نشانات:۔
اس کے علاوہ آگے اور پیچھے جانے کے لئے نشانات بھی بنا دیئے ہیں ۔ کیا جواب دینے کے بعد اگلا سوال خودبخود آجائے گا یا خود اگلے سوال پر کلک کرنا پڑے گا ۔ کسی سوال کے ایک سے زائد درست جوابات بھی ہوسکتے ہیں۔ اس سلسلہ میں کیا کرنا ہوگا۔
پوائنٹ سسٹم:۔
ہر سوال کے مخصوص نمبر اچھی بات ہے ۔ لیکن اس بات کی سمجھ نہیں آئی کہ
" صیح جواب کی صورت میں تو نمبرز میں اضافہ ہولیکن غلط کی صورت میں اس کے ہاف نمبر کاٹ لیئے جائیں ۔ تاکہ ‘‘ تکے ’’ سے کام نہ چلایا جائے ۔ "
کیا غلط جواب دینے پر بھی آدھے نمبر دیئے جائیں گے؟
ابرار بھائی ۔ جزاکم اللہ کہ آپ اتنی محنت سے اس پروگرام کو تیار کررہے ہیں۔ یہ میری طرف سے کچھ تجاویز ہیں،اگر ان میں کچھ اضافہ یا کمی کرنی ہو تو باقی ساتھی بھی رائے دیں،تاکہ ایک اچھا پروگرام تیار ہوسکے۔
جیسا کہ آپ نے فرمایا تھا نئی تصاویر پیش خدمت ہیں:
ایک آخری بات:
یہ صرف اس لئے پوچھ رہا ہوں کہ جو ڈیزائن اور ٹیسٹ فائل میں نے تیار کرکے دی تھی اس میں صرف ایک ہی سسٹم کے سوالات کو پیش کرنے کا نظریہ ہے۔یعنی ایک سوال اور اُس کے ایک یا ایک سے زائد درست جوابات ۔
سوالات کرنے کے مختلف طریق ہوتے ہیں مثلاً درج ذیل پروگرام کو اگر دیکھیں تو 9 مختلف طریق کو استعمال کیا گیا ہے۔
http://www.sameshow.com/quiz-creator/sample.html
اگر ایک سے زائد طریق کے سوالات کرنے ہوں تو کیا یعنی ان کے لئے علیحدہ علیحدہ ڈیٹا فائلز بنانی پڑیں گی یا ایک ہی فائل ہوگی اس لئے اگر مستقبل میں آپ کا ارادہ اس طرح کا سسٹم بنانے کو ہو تو پروگرامنگ میں اسے مدنظر رکھنا چاہیئے ۔ابھی فی الحال اگر اس پر کام کیا تو بہت وسیع پروجیکٹ ہوجائے گا۔
سوالات کی مختلف اقسام کی تفصیل کے لئے درج ذیل فائل منسلک ہے۔
http://rapidshare.com/files/394833759/quiz.pdf.html
اس لیے مجھے ٹائم نکالنے میں تھوڑی مشکل ہوگی۔
