بابا بلھے شاہ ایسا جگیا گیان پلیتا ۔ بلھے شاہ

[فرخ منظور]

ایسا جگیا گیان پلیتا
نہ ہم ہندو نہ تُرک ضروری
نام عشق دی ہے منظُوری
عاشق نے ہر جیتا
ایسا جگیا گیان پلیتا

ویکھو ٹھگاں شور مچایا
جمناں مرناں چا بنایا
مُورکھ بُھلّے رَولا پایا
جس نوں عاشق ظاہر کیتا
ایسا جگیا گیان پلیتا

عاشق دی ہے بات نیاری
پریم والیاں بڑی کراری
مُورکھّ دی مت ایویں ماری
واک سخن چُپ کیتا
ایسا جگیا گیان پلیتا
(بلھے شاہ)​