اپنی پسند کا ایک شعر۔۔ ۔ ۔ ۔ ۔

[گُلِ یاسمیں]

کسئ کے درد محبت نے عمر بھر کے لئے
خدا سے مانگ لیا انتخاب کر کے مجھے

 

[سیما علی]

تاروں کی بہاروں میں بھی قمر تم افسردہ سے رہتے ہو
پھولوں کو تو دیکھو کانٹوں میں ہنس ہنس کے گزارا کرتے ہیں

قمر جلالوی

 

[یاسر شاہ]

تتلیاں اڑتی ہیں اور ان کو پکڑنے والے
سعی_ناکام میں اپنوں سے بچھڑ جاتے ہیں
مصطفی زیدی

 

[لاريب اخلاص]

سوچتے سوچتے دل ڈوبنے لگتا ہے مرا
ذہن کی تہ میں مظفرؔ کوئی دریا تو نہیں
مظفر وارثی

 

[سیما علی]

جو ذرا سی پی کے بہک گیا اسے میکدے سے نکال دو
یہاں تنگ نظر کا گزر نہیں یہاں اہل ظرف کا کام ہے
جگر مراد آبادی

 

[سیما علی]

تیرے فراق میں جیسے خیال مفلس کا
گئی ہے فکر پریشان کہاں کہاں میری
(میر تقی میر)

 

[سیما علی]

اس شہرِ بے چراغ میں جائے گی تُو کہاں
آ اے شبِ فراق تجھے گھر ہی لے چلیں
(ناصر ‌کاظمی)

 

[سیما علی]

قاصد جو آیا چپ ہے نشاں خط کا کچھ نہیں
دیکھیں جو لاوے باد کوئی کیا جواب اب
میر

 

[لاريب اخلاص]

وہ اور مجھے یاد کرتے ہیں
تم بھی قاصد کمال کرتے ہو
نامعلوم

 

[لاريب اخلاص]

آفتوں کے دور میں
چین کی گھڑی ہے تو
ناصر کاظمی

 

[سیما علی]

قاصد ہے عبث منتظرِ وقت، کہاں وقت
کس وقت انہیں شغلِ مے و جام نہ ہو گا​

مصطفٰی خان شیفتہ​

 

[لاريب اخلاص]

تتلیاں پھول میں کیا ڈھونڈھتی رہتی ہیں سدا
کیا کہیں باد صبا رکھ گئی پیغام ترا
حسن شاہنواز زیدی

 

[سیما علی]

عشق کی چوٹ کا کچھ دل پہ اثر ہو تو سہی
درد کم ہو یا زیادہ ہو مگر ہو تو سہی !!!!!
جلال لکھنؤی

 

[سیما علی]

جاتا رہا نگاہ سے جوں موسمِ بہار
آج اُس بغیر داغِ جگر ہیں سیاہ پوش
(میر تقی میر)

 

[سیما علی]

لکھا ہے سیہ پوش تھے سب شہ کے عزادار
اور دھوپ سے رستے کی خراشیدہ تھے رخسار
(دبیر)

 

[سیما علی]

برباد کر کے بصرہ و بغداد کا جمال
اب چشم بد ہے جانب خیبر لگی ہوئی
غیروں سے کیا گلہ ہو کہ اپنوں کے ہاتھ سے
ہے دوسروں کی آگ میرے گھر لگی ہوئی
احمدفراز

 

[سیما علی]

نگاہِ شوق میں آ پردہ گماں سے نکل
میں اپنی ذات سے نکلوں تُو لامکاں سے نکل

تُو جانتا ہے مری پستیوں کو پھر بھی کبھی
مری زمیں پہ اتر اپنے آسماں سے نکل
(احمد بشیر طاہر)

 

[گُلِ یاسمیں]

آنکھیں کھلیں تو جاگ اٹھیں حسرتیں تمام
اس کو بھی کھو دیا جسے پایا تھا خواب میں

 

[سیما علی]

مرکز کرب کا احمدؔ جو چھڑے ذکر کہیں
جانے کیوں تیرا بتاتے ہیں بتانے والے!!!!!!

 

[سیما علی]

آخری داؤ لگانا نہیں آیا محسن
‏زندگی بیت گئی خود کو جواری کرتے

‏محسن نقوی