لقمان پنجابی
محفلین
امریکی سفیر رچرڈ اولسن نے یوم ارض دے موقعے تے اج اک تقریب وچ اوناں 65 پاکستانی پاڑھواں نال ملاقات کیتی جیڑے اپنڑی تخلیقی صلاحیتاں نوں استعمال وچ لیا کے ماحول دے تحفظ وارے شعورتے جان کاری پیدا کررہے نے۔ امریکی سفیر رچرڈ اولسن نے ہیلن کیلر سینٹر دے دورے دے دوران امریکی سفارتخانے دے انگلش ایکسس مائیکرو اسکالرشپ پروگرام تے اسلام آباد دے ڈائریکٹوریٹ برائے خصوصی تعلیم تے سماجی بہبود دے پروگراماں وچ شامل پاڑھواں دے نال ایس سال دے یوم ارض دے موضوع "دی فیس آف کلائمیٹ چینج" دی اہمیت نوں اجاگر کیتا۔ یوم ارض جیدا آغاز 1970ء وچ امریکہ وچ ہویا، ہونڑ پوری دنیا وچ ہر سال 22 اپریل نو منایا جاندا وے۔
امریکی سفیر رچرڈ اولسن نے پاڑھواں نال خطاب کردے ہویاں آکھیا "کرہ ارض دی بہتری لئی اسی سارے اپنڑاں کردار ادا کرسکدے آں۔ زمینی وسیلیاں نو دوبارہ استعمال دے قابل بناونڑتوں لے کے ندیاں دی صفائی تائیں ہر کوئی ایس کرہ ارض دی بہتری لئي اپنڑاں کردار ادا کرسکدا وے۔ امریکی سفیر نے آکھیا کے او پاکستان دی قدرتی خوبصورتی توں چوکھے متاثر ہوئے نے۔ اوناں پاکستان دی ایس قدرتی خوبصورتی نوں محفوظ بناونڑ دی ضرورت تے زور دیندیاں ہویاں آ کھیا کے پاکستان اک قابل دید ملک وے جیتھے متنوع نظام زندگی، منفرد قسم دے برفانی چیتے تے کئی قسم دی جنگلی زندگی موجود وے۔ اوناں آ کھیا کے پاکستان ونگروں اوناں دا آبائی علاقہ، نیو میکسیکو، وی چوکھا سوہنڑاں وے تے او وی حاضرین وانگ اونڑ آلیاں نسلاں واسطے ماحول نوں محفوظ بناونڑ وارے فکر مند نے۔"
امریکہ ماحولیاتی تحفظ لئی پاکستان دی مدد کرریہا وے۔ مثال دے طور تے یو ایس ایڈ دے فنڈ نال جنگلی حیات دے عالمی فنڈ (ڈبلیو ڈبلیو ایف) اسنو لیوپرڈ ٹرسٹ دے نال شروع کیتے گئے منصوبیاں نال ایشیاء دے بلند پہاڑی مقامات تے برفانی چیتے دی نسل دی حفاظت لئی بھوٹان، بھارت، کرغیزستان، منگولیا، نیپال تے پاکستان دے درمیان تعاون نوں بہتر بنایا جاوے گا۔ پاکستان وچ امریکی سفیر دا فنڈ مقامی آبادیاں وچ جنگلی حیات دے تحفظ دے منصوبیاں لئی وی مدد کرریہا وے۔
یوم ارض دے موقعے تے ہیلن کیلر سینٹر وچ اکھٹے ہونڑ آلے پاڑھواں وچوں کئی نے امریکی سفارتخانے دے انگلش ایکسس مائیکرواسکالرشپ پروگرام وچ شرکت کیتی، ایس منصوبے دے تحت سکول دیاں کلاساں تو بعد تے گرمیاں دیاں چھٹیاں وچ 14 تو 18 سال دے ذہین پاڑھواں نوں انگریزی زبان سکھائی جاندی وے۔ پاکستان وچ دنیا دا سب توں وڈا انگلش ایکسس مائیکرواسکالرشپ پروگرام چلایا جاریہا وے۔ 2005ء توں ہونڑ تائیں امریکہ نے ملک بھر وچ 21 شہراں تے پینڈاں وچ 10 ہزار ایکسس اسکالرشپس دیتے نے۔
ہیلن کیلر سینٹر اک لوک لائبریری وے جینوں امریکی سفارتخانہ ، نیشنل لائبریری تے ڈائریکٹوریٹ برائے خصوصی تعلیم تے بہبود دے ریسورس سینٹر دے درمیان اشتراک دے ذریعے قائم کیتا گیا۔ اے اوناں 15 لنکن کارنراں وچ شامل وے جناں لئی امریکی سفارتخانہ فنڈ فراہم کردا وے تے جیڑا پورے ملک وچ پاکستانی اشتراک کاراں نال رل کے کم کرریہا وے۔ لنکن کارنر امریکہ دی تاریخ، ثقافت تے تعلیمی مواقیعاں وارے جان کاری دا وسیلہ نے۔ اے کارنر پاکستان تے امریکہ دے درمیان باہمی مفاہمت نوں ودھاوا دینڑ لئی تبادلہ خیال لئی تھڑا وی فراہم کردا وے۔
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ