لقمان پنجابی
محفلین
اسلام آباد___ امریکی ایلچی برائے سائنس برنارڈ ایماڈی نے دنیا بھر وچ لوکاں نو پیش روز دیہاڑی دے مسئلے خاص کرکے پینڑ دے پانڑیں تے توانائی تائیں پہچ دے حل لئی انجینئرنگ نوں فروغ دینڑ لئی اسلام آباد تے لاہور دا دورہ کیتا۔ ڈاکٹر ایماڈی دا ایلچی برائے سائنس دے طور تے اے پہلا پاکستان دا دورہ وے۔ ۔اونہاں ملاقاتاں دے دورمیان دیرتائیں ترقی دے موضوع تے اعلیٰ سرکار ی افسراں ، اساتداں ، انجینئراں، تجارتی، تے غیر سرکاری تنظیماں دے نمائندیاں تے پاڑھوواں دے خیالات سنڑے۔
ڈاکٹر برنارڈ ایماڈی نےآ کھیا کہ نوجوان پاکستانی کاروباری لوکی ذہین تے صلاحیتاں والے نے تے مینوں اے آکھنڑ وچ کوئی عار نہی کہ اُو ضرور بہت سارے مسئلیاں دا حل لب لینڑ گے جیڑے دنیا دے چوکھے لوکاں دے سامنڑے نے کیونکہ ۔کاروباری لوکی ڈکے توڑدے نیں ، تے مستقبل ایدے وچ ہی وے۔
ڈاکٹر ایماڈی نے اناں پاکستانی کاروباری لوکاں نال ملاقات وی کیتی جیڑیاں امریکی امداد نال چلنڑ آلے پروگرام عالمی جدت و اختراع بذریعہ سائنس وٹیکنالوجی (جی آئی ایس ٹی) وچ شرکت کر چکے نیں۔ تین پاکستانی کاروباری ۲۰۱۱ ء وچ استنبول اور ۲۰۱۲ ء وچ دبئی وچ ہونڑ آلی عالمی کاروباری کانفرنس وچ جی آئی ایس ٹی بزنس پلان کمپٹیشن وچ شرکت کرچکے نیں، ۔جی آئی ایس ٹی کاروباری لوکاں نوں میل جول، استعداد کاری وچ وادھے دی تربیت تے فنڈنگ دے ذریعے مدد کردا وے۔
صدر اوبامہ نے امریکی ایلچی برائے سائنس پروگرام دا اعلان قاہرہ وچ ۴جون ۲۰۰۹ ء نو کیتا سی۔ ۔پروگرام د ے آغازتوں لے کے ہونڑ تائیںامریکہ دے چھہ ودیا سائنسداناں نےامریکی حکومت دی نمائندگی کردے ہوئیاں ۱۹ ملکاں دا دورہ کیتا وے جیدا مقصد سائنسی تعاون دے ذریعے بین الاقوامی اشتراک نوں ودھا دینا وے۔
ڈاکٹر ایماڈی مورٹنسن اینڈوڈ چیئر ان گلوبل انجینئرنگ دے سربراہ تے بولڈر وچ قائم کلوراڈو یونیورسٹی وچ سول انجینئرنگ دے پروفیسر نیں۔ ۔دوجے اعزازاں دے علاوہ ڈاکٹر ایماڈی انجنیئرنگ ود آؤٹ بارڈردے بانی تے صدرنے، تے ہور امریکہ دی قومی اکیڈیمی برائے انجینئرنگ دے چنڑے ہوئے ممبر وی نے۔ ۔ڈاکٹر ایماڈی نے کیلیفورنیا دی برکلے یونیورسٹی توں پی ایچ ڈی کیتی۔ او اآج کل تگڑی تے بین الاقوامی ترقی وارے تحقیق تے دھیان دے رہے نے۔
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
http://www.facebook.com/USDOTPunjabi