لقمان پنجابی
محفلین
اسلام آباد(۱ ٍاپریل 2013ء )۔۔ امریکہ دی مالی امداد نال پاکستان وچ جاری اینٹر پرینور پراجیکٹ گھٹ آمدنی آلی ابادیاں دی کاروباری ترقی وچ ودھا کردا وے تا کاروباری موقعیاں دی ودھدی ہوئی ضرورت نوں پورا کیتا جاسکے۔ ایس منصوبے دے تحت گھریلو کاروباراں دی ترقی لئی گھٹ آمدنڑ آلے علاقياں وچ زنانیاں نوں بنیادی کاروباری مہارتاں سکھایاں جاندیاں نے۔ایس منصوبے دے ذریعے امریکی ادارہ برائے بین الاقوامی ترقی (یوایس ایڈ)زنانہ ہنر منداں نوں اپنڑیاں مصنوعات نوں بہتر بناونڑ، چنگیاں منڈیاں تک پہنچ حاصل کرنڑ تے اپنڑی آمدنڑ ودھاونڑ دا ہنر سکھایا جاندا وے۔
یوایس ایڈ دےاینٹر پرینورزپراجیکٹ دے ذریعے تربیت حاصل کرنڑ آلیاں اناں چھبی ہزار زنانیاں، جیڑیاں 2014 تک ایس منصوبے توں فائدہ چکنڑ گیاں، وچ شامل جمیلہ دا آکھنڑاں وے کہ ایس تربیت دے نتیجے وچ میری آمدنڑ وچ کئی گنڑاں وادھا ہو گیا وے۔ ہونڑ مینوں اے فکر نہی ہوندی کہ میں اپنڑیں بالاں نوں کی کھلااواں گی۔ بلکہ ھونڑ میری سوچ اے وے کے میرے بال سکولے جاونڑ تےا و کجھہ ایوو جیا سیکھنڑ جو میں نہی جانڑدی۔
جمیلہ نے دسیا "میرا مرد دیہاڑی دار مزدور وے۔ایدی آمدنڑ نال ٹبر دیاں بنیادی ضرورتاں پوریاں نہی ہوندیاں ۔میں سندھی، بلوچی تے موتیاں دی کڈھائی کردی آں۔ پرتھوڑی طلب ہونڑ دی وجہ نال مہینے دے صرف سات ڈالر کما سکدی ساں۔اک دن میری ایک سہیلی نےمینوں یو ایس ایڈ دے اینٹر پرینورزمنصوبے دی ٹیک نال چلنڑ آلے اک تربیتی پروگرام وارے دسیا جیڑا میرے انگریاں زنانیاں نو روزگارلینڑ وچ مدد دیندا وے۔ اج میں 65 زنانہ ہنرمنداں دی رہنمائی کر رہی آں تے انہاں نوں کم پھڑن تے تیار مصنوعات گاہکاں تک پہنچانڑ وچ مدد کرردی واں۔ میں ہنڑ مہینے دے 19 ڈالرتوں ودھ کما لیندی واں،" جمیلہ آکھدی وے۔ ناں تے اودے کول تعلیم وے تے ناں ہی منڈی دے کم دا کوئی تجربہ وے لیکن ہونڑا و ایس منصوبے نال ملنڑ آلی تربیت دی وجہ نال اضافی آمدنڑ کما کے اپنڑے ٹبر دی مدد کررہی وے۔
جمیلہ نے، جیڑی اپنڑے ست بالاں تے مرد دے نال کراچی دے غریب علاقے ملیر وچ رہائش پذیر وے،زیادہ پیسے کمانڑ تے اپنڑے ہنر نوں چنگیاں بناونڑ لئی یوایس ایڈ دے تعاون نال چالو کشیدہ کاری ڈیزائن دے شعبے وچ تربیت لئی داخلہ لیا۔ ایس منصوبے دے تحت اونے نےکامدارکپڑیاں دا کاروبار کرنڑ آلی دوجیاں زنانیاں دی نمائندگی کرنڑ دی تربیت وی حاصل کیتی۔ اے زنانیاں رل کے مصنوعات دی زیادہ مقدار تیار کرنڑ تے اناں دی چنگی قیمت وصول کرنڑ دے قابل ہوگیاں نے۔
یو ایس ایڈ دے اینٹر پرینورزمنصوبے دے ذریعے 2014 تائیں پاکستان بھر توں کشیدہ کاری کرنڑ آلیاں 26000 زنانیاں نوں اپنڑے ہنر وچ نکھار لیا کے اپنڑی آمدنڑوچ وادھا کرنڑ دی تربیت دیتی جاوے گی۔ یوایس ایڈ دی ٹیک نال جاری کورسز دے ذریعے کشیدہ کاری دا کم کرنڑ آلیاں زنانیاں نوں زیادہ طلب آلیاں مصنوعات دی نشاندہی کرنڑ، چنگیاں منڈیاں تے کاروباری خدمت کرنڑ آلیاں تائیں پہنچ حاصل کرنڑ تے زیادہ منافع کمانڑ لئی قیمتی شیواں بناڑ دے وارے سکھایا جاندا وے۔ ایس منصوبے دے تحت شریک ہونڑ آلیاں دا لوکائی مالی اداریاں نال رابطہ وی کروایا جاندا وے تا او اپنڑے کاروبار نوں ودھاونڑ لئی قرض لے سکنڑ۔
اے منصوبہ امریکہ دی جامع معاشی مدد دے پروگرام دا صرف اک حصہ وے، ایس منصوبے دے تحت پاکستان دی زرعی پیداوار وچ وادھا کرنڑ، تجارت وچ سہولت لئی سڑکاں دی تعمیر، تے چھوٹے تے درمیانے درجے دے کاروباراں دی ترقی لئی نجی سطح تے برابری دی بنیاد تے فنڈ دی فراہمی دے ذریعے روزگار دے زیادہ موقعے پیدا کرکے آمدنڑوچ وادھے لئی مدد دیتی جاندی وے۔
امریکہ تے پاکستان ولوں پاکستانیاں دی زندگی تے چنگا اثر پاونڑ لئی کیتیاں جاونڑ آلیاں کوششاں وارے ہور جان کاری لینڑ لئی تھلے دیتی ہوئی ویب سائٹ نو ویکھو۔
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
