لقمان پنجابی
محفلین
جدوں توں تحریک طالبان پاکستان نے پولیو بچا تحریک خلاف دہشت گرد کاروائیاں چالو کیتیاں نے کئی کارکن تے محافظ یا تے قتل ہوگئے نے یا ہتھ پیر ضائع کروا بیٹھے نے۔
22 سالاں دا گھبرو جوان، ظاھرخان آفریدی جینوں ہفتے آلے دن پولیو بچا کارکناں دی حفاظت کردیاں ہویاں دہشت گرداں گولی مار کے شہید کردیتا اونے اپنے ٹبر دی روٹی کپڑے خاطر نکی عمرتوں دیہاڑیاں کیتیا، ٹیکسی چلائی، پہرے داری کیتی، تے ہون تھوڑے ویلے توں او پشاور سپیشل پولیس فورس چ مشروطی طور تے بھرتی ہویا سی۔ اے موت صرف ایس دکھ ول اشارہ نہی کردی کے آفریدی دے ٹبر، متراں، گوانڈیاں، تے مقامی آبادی کولوں اک سنکھے دل آلا جوان کھس گیا، اے موت اے وی یاد دیہانی کرواندی وے کے دہشت گرد آون آلی پاکستانی نسل نوں ہی لولا لنگڑا کرن تے صرف نہی تلے ہوئے او پاکستان نوں وی لنگڑا لولا کرن دا پورا ٹل لا رہے نے۔
ظاھرخان وارے ہور جان کاری لئی ویکھو:
http://goo.gl/bqah2p
صد افسوس، اک ہور پولیو بچا کارکناں دا محافظ تے پاکستان دا مستقبل دہشت گردی دی نذر ہوگیا۔ سانوں ساریاں نوں رل کے بڑی سختی نال پولیو بچا کارکناں دے قتل عام دی مذمت دی لوڑ وے۔ ایناں درندہ صفت دہشت گرداں کول تے ہر معصوم دے قتل دا کوئی نا کوئی جواز ضرور موجود وے پر اے اکثریت جیڑی خاموش تماشائی بنی ہوئی وے تے ایس بربریت دے خلاف آواز کیوں نہی چک رہی اک ایہو جئی الجھی ہوئی گتھی وے جیڑی ساڈے کولوں سلجھ نہی رہی؟