رمضان المبارک کا استقبال اس کے شایان شان کیا جانا ضروری ہے رمضان المبارک سے قبل کے بعض اعمال درج ذیل ہیں :
1:دعا اللہ کے رسول صلی اللہ علیہ وسلم رمضان سے قبل یہ دعا صحابہ کرام کو سیکھاتے تھے
اللھم سلمنی لرمضان وسلم رمضان لی وسلمہ لی متقبلا
2: ضروری اشیاء (خواہ رمضان کی ہوں یا عید کی)کی خریداری کرنا تاکہ رمضان المبارک میں عبادت کے لئے فارغ رہیں۔
3:جن احباب ورشتہ داروں سے مہینہ میں ایک ملاقات کافی ہوجاتی ہے ان سے رمضان سے قبل ملاقات کرلیں تاکہ رمضان میں یہ وقت بھی عبادت میں صرف ہوسکے
4:اپنے ذمہ واجب حقوق ادا کرلیں،اس کی دو شقیں ہیں:
الف: حقوق اللہ مثلا قضاء نمازیں،گزشتہ سالوں کی زکوۃ کی ادائیگی کا اہتمام کرلیں ،کوئی نذر ذمہ پر باقی ہو اس کو پورا کرلیں وغیرہ وغیرہ
ب:حقوق العباد مثلا قرض کی ادائیگی، ملازمین کا حق ،کسی کی دل آزاری کی ہو اس سے معذرت،صلہ رحمی وغیر وغیرہ
5: نفس کا محاسبہ ساری زندگی پر ایک نظر ڈالنا کتنے ایسے کام جو کرنے کے تھے نہیں کئے اور کتنے کام جو نہ کرنے کے تھے کر بیٹھے
6: سچی توبہ اور آئندہ اللہ تعالی کی نافرمانی سے اجتناب کا عزم مصمم،سچی توبہ کی 3 شرطیں ہیں
1 فورا گناہ کو ترک کرنا 2سابقہ پر ندامت 3 آئندہ نہ کرنے کا عزم اور اگر معاملہ حقوق العباد کا ہو تو چوتھی شرط یہ ہے کہ صاحب حق کا حق ادا کیا جائے یا اس سے معاف کرایا جائے
اللہ تعالی ہم سب کو ماہ مبارک میں سلامتی کے ساتھ داخل فرمائے اور اس ماہ کوہمارے لئے سلامتی والا بنائے اور ہمارے اعمال کو قبول فرمائے آمین