آپ کے پسندیدہ اشعار!

[طارق شاہ]

ایمان اُس سے بڑھ کے کِسی اور کا ہو کیا !
فاقوں میں بھی، جو رب ہی کی مدح و ثنا کرے

شفیق خلش

 

[سید عاطف علی]

چوں شہادت دولتےدر عالم ایجاد نیست
عاشقاں بال ہما دانند بر سر تیغ را
صائب
شئےنہیں عالم میں اک جذبِ شہادت کی مثیل
سر پہ دیوانوں کے ہےشمشیربھی " ظلّ ِہما"
جراءت ِکاوش منظوم ۔
راقم۔سید عاطف علی

 

[حمیرا عدنان]

میں اپنے حصے کے سکھ جس کے نام کر ڈالوں
کوئی تو ہو جو مجھے اس طرح کا پیارا ہو

پروین شاکر​

 

[طارق شاہ]

ہجرت کہاں سے لاتی کچھ آسودگی خلش
غم فاصلوں نے کم کبھی ہونے نہیں دیا

شفیق خلش

 

[طارق شاہ]

اِس کا نہیں ملال کہ سونے نہیں دیا
تنہا ترے خیال نے ہونے نہیں دیا

شفیق خلش

 

[طارق شاہ]

دیکھو تو قمر اُن کو بُلا کر شبِ وعدہ
تقدِیر پہ برہم نہ ہو تدبِیر سے پہلے

اُستاد قمرجلالوی

 

[طارق شاہ]

ایک اِک کرکے ہُوئے جاتے ہیں تارے روشن
میری منزِل کی طرف تیرے قدم آتے ہیں

فیض احمد فیض

 

[x boy]

مرحومہ پروین شاکر کی سوچ سے

ہمیں خبر ہے ، ہوا کا مزاج رکھتے ہو
مگر یہ کیا ، کہ ذرا دیر کو رُکے بھی نہیں

اللہ ان کو جنت میں آرام و سکون دے ، آمین

 

[طارق شاہ]

کبھی حقیقتِ فردا سُنو تو کان کُھلیں
ندائے دِل ہے کوئی دُور کی پُکار نہیں

مِرزا یاس، یگانہ

 

[طارق شاہ]

اپنے خیال میں ہے خوش، دِل کی ضِدیں تو دیکھیے
آپ سے دُور کیوں رہے، آپ کے پاس جائے کیوں

مِرزا یاس، یگانہ

 

[طارق شاہ]

شک کوئی چارہ گری پر نہ ہو، اے چارہ گرو !
ہم سے غم اپنے، دِلاسوں میں دبائے نہ گئے

شفیق خلش

 

[طارق شاہ]

دِل کے سب دِل میں رہے راز، کِسے کیا کہتے
درجۂ دوست تک احباب بھی لائے نہ گئے

شفیق خلش

 

[تجمل حسین]

بہت سال پہلے ایک گیت سنا سنا تھا اس کا ایک شعر بہت اچھا لگا وہ مجھے یاد رہ گیا اور آج بھی یاد ہے۔ شاید کوئی گانا تھا وہ۔۔

سَر جہاں جھکے نا۔۔۔ دَر نہیں ہوتا
ہر دَر پر جو جھک جائے اُسے سر نہیں کہتے

اگر کہیں غلطی ہوگئی تو کوئی دوست اصلاح کردے۔ شکریہ۔

 

[طارق شاہ]

جو غم بھی کھائیں تو پہلے کِھلائیں دُشمن کو
اکیلے کھائیں گے، ایسے تو ہم گنوار نہیں

مرزا یاس، یگانہ

 

[طارق شاہ]

تھوڑی سی جگہ مجھ کو بھی مِل جائے کہِیں پر
وحشت تِرے کوُچے میں، مِرے شہر سے کم ہے

شہریار

 

[طارق شاہ]

کہنے کو ہر اِک بات کہی تیرے مُقابل
لیکن، وہ فسانہ جو مِرے دِل پہ رَقم ہے

شہریار

 

[طارق شاہ]

میں وہ آدم گزِیدہ ہُوں، جو تنہائی کے صحرا میں
خود اپنی چاپ سُن کر لرزہ براندام ہو جائے

شکیب جلالی

 

[ادب دوست]

رو کر خجل ہوئے رسنِ زلف کے اسیر
بھیگا جو آنسوؤں سے تو بندھ اور کَس گیا

آرزو لکھنوی

 

[طارق شاہ]

اُس نے بروقت بے رُخی برتی
شوق آزار تک نہیں پُہنچا

ساحِر لُدھیانوی

 

[طارق شاہ]

میں وہ آدم گزِیدہ ہُوں، جو تنہائی کے صحرا میں
خود اپنی چاپ سُن کر لرزہ براندام ہو جائے

شکیب جلالی