آپ کے پسندیدہ اشعار!

[طارق شاہ]

اے دِل نشیں تلاش تِری کوُ بہ کوُ نہ تھی !
اپنے سے اِک فرار تھا وہ، جستجو نہ تھی

ضیاجالندھری

 

[خالد محمود چوہدری]

 

[خالد محمود چوہدری]

لکھنا تو تھا کہ خوش ہوں تیرے بغیر بھی
آنسو مگر قلم سے پہلے ہی گر گئے

 

[خالد محمود چوہدری]

ہم جو اِنسانوں کی تہذیب لیے پھرتے ہیں
ہم سا وحشی کوئی جنگل کے درندوں میں نہیں
ساحر لدھیانوی

 

[خالد محمود چوہدری]

رات کتنی گزر گئی لیکن
اتنی ہمت نہیں کہ گهر جائیں

 

[طارق شاہ]

اِس درجہ محبّت میں تغافل نہیں اچھّا
ہم بھی جو کبھی تم سے گُریزاں ہوں تو کیا ہو

اختر ہوشیارپوری

 

[طارق شاہ]

بہت پہلے جانا کہ جن سے ہے کل سا !
بہت اپنی یادیں یُوں چھوڑے گیا ہے

شفیق خلش

 

[خالد محمود چوہدری]

 

[طارق شاہ]

زندگی میری یُوں منسُوبِ حکایات ہُوئی
کوئی دِیوانہ نظر آیا، مِری بات ہُوئی

شفیق خلِش

 

[طارق شاہ]

دم کا آنکھوں میں اٹکنا بھی مُبارک نہ ہُوا
وقت کی بات، تم آئے تو قضا بھی آئی

ثاقب لکھنوی

 

[طارق شاہ]

اُن مریضوں کی عیادت کو وہ اب نِکلے ہیں
موت جاکر جنھیں مٹّی میں مِلا بھی آئی

ثاقب لکھنوی

 

[خالد محمود چوہدری]

 

[طارق شاہ]

کرتے ہو تمنّا، کہ وہ گُل رُو نظر آئے
آنکھیں بھی تو وہ لاؤ، کہ خوشبو نظرآئے

ہوش ترمذی

 

[زونی]

گو میں رہا رہینِ ستمہاے روزگار
لیکن ترے خیال سے غافل نہیں رہا

غالب

 

[فرخ منظور]

گو میں رہا رہینِ ستمہاے روزگار
لیکن ترے خیال سے غافل نہیں رہا

غالب

دنیا نے تیری یاد سے بے گانہ کر دیا
تجھ سے بھی دل فریب ہیں غم روزگار کے

(فیضؔ)

 

[طارق شاہ]

پھر آج ترکِ تعلّق کے بعد سوچتا ہُوں
جو خود پہ بس نہ ہو کیوں تجھ کو آزمائے کوئی

فارغ بُخاری

 

[طارق شاہ]

ہو نوح نوح جہاں پائے عزم کی زنجیر!
کوئی بتائے کہاں ڈوبنے کو جائے کوئی

فارغ بُخاری

 

[عندلیب]

قدر رکھتی نہ تھی متاعِ دل
سارے عالم میں میں دکھا لایا

 

[عندلیب]

جی اپنا میں نے تیرے لیے خوار ہو دیا
آخر کو جستجو نے تری مجھ کو کھو دیا

 

[ادب دوست]

اسی لیے میں ملنے سے کتراتا ہوں
لوگوں کو احوال سنانا پڑتا ہے