آپ کے پسندیدہ اشعار!

[صائمہ شاہ]

اُسی کی ذات کو تاریک کر کے
اُسی کی ذات کو چمکا رہا ہوں

جوش

 

[صائمہ شاہ]

خود سے ہم دور نکل آئے ہیں
تیرے ملنے سے بھی اب کیا ہوگا

باقی صدیقی

 

[صائمہ شاہ]

احساس کی زباں کو لُغت سے نکال کر
معنی کی سرحدوں سے گُذرجانا چاہیئے

یوسف ظفر

 

[صائمہ شاہ]

ہم خود ہی بےلباس رہے اس خیال سے
وحشت بڑھی تو سوئے گریباں بھی آئے گی

ظہیر کاشمیری

 

[صائمہ شاہ]

دل مرمٹا تلاوتِ رُخسارِ یار میں
مرحوم طفلگی سے ہی اہلِ کتاب تھا

ظہیر کاشمیری

 

[عظیم]

حرص کس کو زمانے کی ہے لاحق
تمہارے واسطے للچا رہا ہوں

 

[صائمہ شاہ]

مجھ کو دیکھیں نظر جو کہتے ہیں
آدمی ، آدمی کا دارو ہے

قیوم نظر

 

[عظیم]

خوشی سے جھومتا ہے کیوں زمانہ
میں اپنے غم کے نغمے گا رہا ہوں

 

[عظیم]

خوب صاحب کہ ہم تو سنتے تھے
آدمی آدمی کا مارا ہے

 

[عظیم]

اس جہانِ خراب میں مجھ کو
ایک تیرا ہی تو سہارا ہے

 

[عظیم]

کیا کہیں کس طرح سے رو رو کر
ہم نے اس عمر کو گزارا ہے

 

[صائمہ شاہ]

ہے جو یہ سر پہ گیان کی گٹھڑی
کھول کر بھی اسے کبھی دیکھا

مجید امجد

 

[عظیم]

جب نہ دیکھا کئے جہاں میں لوگ
ہم نے اُس وقت ہی تبھی دیکھا

 

[صائمہ شاہ]

انہیں حقیقتِ دریا کی کیا خبر امجد
جو اپنی روح کے منجدھار سے نہیں گُذرے

مجید امجد

 

[صائمہ شاہ]

حرص کس کو زمانے کی ہے لاحق
تمہارے واسطے للچا رہا ہوں

خوشی سے جھومتا ہے کیوں زمانہ
میں اپنے غم کے نغمے گا رہا ہوں

خوب صاحب کہ ہم تو سنتے تھے
آدمی آدمی کا مارا ہے

اس جہانِ خراب میں مجھ کو
ایک تیرا ہی تو سہارا ہے

کیا کہیں کس طرح سے رو رو کر
ہم نے اس عمر کو گزارا ہے

جب نہ دیکھا کئے جہاں میں لوگ
ہم نے اُس وقت ہی تبھی دیکھا

یہ سب آپ کے پسندیدہ شاعر " عظیم " کا کلام ہے ؟

 

[عظیم]

اچھا آپی کہ آپ جیتی ہیں
کاپی کرنے میں خیر چیتی ہیں

چھوڑئیے شاعری بتائیں تو
چائے صبح و نہار پیتی ہیں

 

[صائمہ شاہ]

جانے تجھ سے اُدھر بھی کیا کچھ ہے
کاش تو سامنے سے ہٹ جائے

سیف الدین سیف

 

[عظیم]

یہ سب آپ کے پسندیدہ شاعر " عظیم " کا کلام ہے ؟

جی نہیں میرے پسندیدہ مبتدی عظیم کی کاوشیں ہیں جو کسی اور کو پسند آئیں نہ آئیں مجھے ضرور پسند آتی ہیں اب اس بیچارے کا حوصلہ بھی تو بڑھانا ہے شاعری کوئی آسان کام تو ہے نہیں خیر اللہ نگہبان ۔

 

[صائمہ شاہ]

اچھا آپی کہ آپ جیتی ہیں
کاپی کرنے میں خیر چیتی ہیں

چھوڑئیے شاعری بتائیں تو
چائے صبح و نہار پیتی ہیں

آپ مقدار کی بجائے میعار پر توجہ دیجیئے ، آپکی شاعری میں معنویت نام کا خلا موجود ہے
اور چائے ، کافی اس موضوع سے غیر متعلقہ ہیں

 

[عظیم]

آپ مقدار کی بجائے میعار پر توجہ دیجیئے ، آپکی شاعری میں معنویت نام کا خلا موجود ہے
اور چائے ، کافی اس موضوع سے غیر متعلقہ ہیں

مقدار پر توجہ تب دی جاتی ہے جب اغلاط پر قابو پا لیا جائے اب ایک دماغ ہے کہاں کہاں لگاؤں ۔