آپ کے پسندیدہ اشعار!

[طارق شاہ]

حشر تک دل میں رہی اُس سرو قامت کی طلب
یہ طلب اپنی، تھی یا رب! کِس قیامت کی طلب

شیخ محمد ابراہیم ذوق

 

[طارق شاہ]

چاند سے آنکھ مِلی، جی کا اُجالا جاگا !
ہم کو سو بار ہُوئی صُبح، سحر سے پہلے

ابن انشا

 

[طارق شاہ]

لو ہو چُکی شفا، کہ مداوائے دردِ دل !
اب تیری دسترس سے بھی باہر لگے مجھے

احمد فراز

 

[طارق شاہ]

میں آنے والے زمانوں سے ڈر رہا ہُوں فراز
کہ میں نے دیکھی ہیں آنکھیں اُداس لوگوں کی

احمد فراز

 

[طارق شاہ]

* لوٹ آ، درونِ دِل سے پُکارے کوئی مجھے
دُنیا کی آرزو میں نہ جا اپنے آپ سے

حمایت علی شاعر

* پہلا مصرعہ نقص یا عیبِ بیان لئے ہے
* ابلاغ میں مکمل نہیں (قاری کے لئے تو صحیح ہے ، مگر سامع کے لئے ٹھیک نہیں)
کہ سماعت یا شنوائی میں کچھ یوں ہے:
لوٹا درون دِل سے پُکارے کوئی مجھے = کوئی میرے دل کے اندر سے مجھے لوٹا پُکار رہا ہے
لوٹا جو اپنی بات پر قائم نہ رہے ، یا جس کے کبھی بھی کسی سمت لڑھک جانے کا احتمال ہو

 

[خالد محمود چوہدری]

 

[قیصرانی]

دلیل تھی نہ کوئی حوالہ تھا ان کے پاس
عجیب لوگ تھے بس اختلاف رکھتے تھے

 

[طارق شاہ]

شباب پر ہے زمانہ ، تِرے سِتم کے نِثار
اُبھر رہا ہُوں کئی رنگ سے مِٹائے جا

فراق گورکھپوری

 

[طارق شاہ]

لذّت کشِ نطّارہ شکیل اپنی نظر سے !
محرومِ جمالِ رُخِ جانانہ نہیں ہُوں

شکیل بدایونی

 

[طارق شاہ]

دیتی ہے وحشتِ دل پھر مجھے تعبیرِ بہار
جلوہ گر خواب میں رہنے لگی تصویرِ بہار

سِلسِلہ چھڑ گیا پھر دل کی گرفتاری کا
پھر نسیم آج ہِلانے لگی زنجیرِ بہار

یاس یگانہ چنگیزی

 

[صائمہ شاہ]

زبانوں پر الجھتے دوستوں کو کون سمجھائے
محبت کی زباں ممتاز ہے ساری زبانوں میں

احمد مشتاق

 

[صائمہ شاہ]

آنکھوں سے آتے جاتے الجھتا ہے، اے ظفر
دیوار پر لکھا ہوا کچھ اُس کے ہاتھ کا

ظفر اقبال

 

[صائمہ شاہ]

درد کی کائنات میں مجھ سے بھی روشنی رہی
ویسے میری بساط کیا ایک دیا بجھا ہوا

پیرزادہ قاسم

 

[صائمہ شاہ]

مجھے اس بھیڑ میں لگتا ہے ایسے
کہ میں خود سے بچھڑ کر رہ گیا ہوں

جسے سمجھا نہیں شائد کسی نے
میں اپنے عہد کا وہ سانحہ ہوں

رسا چغتائی

 

[صائمہ شاہ]

وہ میرے عشق کی گہرائی سمجھتا ہی نہیں
راستہ دور تلک جائے تو بل کھاتا ہے

افضل گوہر راو

 

[صائمہ شاہ]

نپی تلی سی محبت ، لگا بندھا سا کرم
نبھا رہے ہو تعلق بڑے حساب کیساتھ

رحمان فارس

 

[صائمہ شاہ]

جس سے بات بھی کرنی مشکل وہ بھی اس محفل میں ہے
مصحف کیسا لطف رہے گا اس کو شعر سنانے میں

مصحف اقبال توصیفی

 

[صائمہ شاہ]

اس نے ٹیلی فون کیا ہے اور کسی کے ساتھ ہے
میرا اسکا سمجھوتہ ہے کون بڑھائے بات کو

شائد ساقی فاروقی کا شعر ہے

 

[صائمہ شاہ]

خود سے بڑھ کر قریب ہوں تم سے
کیا گماں بار بار گذرے ہے

قیوم نظر

 

[صائمہ شاہ]

ہر سمت کھنچ گئے تری یادوں کے سائبان
کل رات درد لوٹ گیا چیختا ہوا

سلطان اختر