آپ کے پسندیدہ اشعار!

[صائمہ شاہ]

کسی سے کیا ملوں اپنا سمجھ کر
میں اپنے واسطے بھی نارسا ہوں

صہبا اختر

 

[عبدالقیوم چوہدری]

فائدہ کیا ہے اگر اب وہ ملے بھی تو منیرؔ
عمر تو بیت گئی راہ پہ لاتے اس کو

منیر نیازی

​

 

[طارق شاہ]

وہ اِطمینان سے یُوں ہیں، کہ میں کسی کو بھی اب
خود اپنے آپ پہ تہمت لِیا نہیں لگتا

شفیق خلش

 

[طارق شاہ]

حال کِس سے کہوں، کہ ہر کوئی
اپنی اپنی سُنائےجاتا ہے

ناصر کاظمی

 

[طارق شاہ]

ہزار بار ہُوئی گو مآلِ گُل سے دوچار
کلی سے خُو نہ گئی پھر بھی مُسکرانے کی

جوش ملیح آبادی

 

[صائمہ شاہ]

عشق نے عشق کرنے والوں کو
کیسا کیسا بہم کیا ہے عشق

میر

 

[صائمہ شاہ]

ترا فراق تو اس دن ترا فراق ہوا
جب ان سے پیار کیا میں نے جن سے پیار نہیں

فراق

 

[صائمہ شاہ]

تمام عمر ترا انتظار ہم نے کیا
اس انتظار میں کس کس سے پیار ہم نے کیا

حفیظ ہوشیارپوری

 

[صائمہ شاہ]

توجہ میں وہ رنگِ بیگانگی
وہ بیگانگی میں بھی دلداریاں

ملے بھی تو ایسے کہ بیگانہ رنگ
جدا بھی ہوئے تو رواداریاں

قمر جمیل

 

[صائمہ شاہ]

دل سے آوارہ گرد کو آخر
راستے پر لگا گیا ہے کوئی

مرمریں خواہشوں کے ملبے میں
حسرتیں تک دبا گیا ہے کوئی

انور شعور

 

[صائمہ شاہ]

ٹھہری ہے تو اک چہرے پہ ٹھہری رہی برسوں
بھٹکی ہے تو پھر آنکھ بھٹکتی ہی رہی ہے

وحید اختر

 

[صائمہ شاہ]

تو کون ہے تیرا نام کیا ہے
کیا سچ ہے کہ تیرے ہوگئے ہم

ناصر کاظمی

 

[فلک شیر]

نہ جس کا نام ہے کوئی، نہ جس کی شکل ہے کوئی
اک ایسی شے کا کیوں ہمیں ازل سے انتظار ہے
احمد جاوید

 

[صائمہ شاہ]

نہ جس کا نام ہے کوئی، نہ جس کی شکل ہے کوئی
اک ایسی شے کا کیوں ہمیں ازل سے انتظار ہے
احمد جاوید

ماورائی ہستی ہیں کیا ؟

 

[فلک شیر]

ماورائی ہستی ہیں کیا ؟

میرے نزدیک تو خود ہستی ہونا بھی طے نہیں ہے۔
خواہش کا سیلاب، ہمہ دم جو چڑھتا ہی چڑھتا ہے ۔۔۔۔۔۔سب کچھ پا کر بھی۔۔۔۔۔۔۔۔۔۔ اس سے آگے ۔۔۔۔۔۔۔اس سے آگے ۔۔۔۔۔۔۔۔۔۔۔
انتظار کس کا ہے آخر ؟

 

[صائمہ شاہ]

میرے نزدیک تو خود ہستی ہونا بھی طے نہیں ہے۔
خواہش کا سیلاب، ہمہ دم جو چڑھتا ہی چڑھتا ہے ۔۔۔۔۔۔سب کچھ پا کر بھی۔۔۔۔۔۔۔۔۔۔ اس سے آگے ۔۔۔۔۔۔۔اس سے آگے ۔۔۔۔۔۔۔۔۔۔۔
انتظار کس کا ہے آخر ؟

بجا فرمایا

 

[صائمہ شاہ]

اپنے کس کام میں لائے گا بتاتا بھی نہیں
ہم کو اوروں پہ گنوانا بھی نہیں چاہتا ہے

اس کو منظور نہیں ہے مری گمراہی بھی
اور مجھے راہ پہ لانا بھی نہیں چاہتا ہے

عرفان صدیقی

 

[صائمہ شاہ]

ہمارے دل کو اک آزار ہے ایسا نہیں لگتا
کہ ہم دفتر بھی جاتے ہیں غزل خوانی بھی کرتے ہیں

عرفان صدیقی

 

[عینی مروت]

میں شاعر ہوں میرے بےکیف ،بےتاثیر لفظوں‌ کو
امر کر دو، تم اپنے غم کی رعنائی مجھے دے دو

 

[سید فصیح احمد]

آنکھیں جو ہیں اپنے چہرے پر، اِک ساون ہے اِک بھادوں ہے
اے غم کی ندی تو فکر نہ کر، اِس وقت بہت سیَراب ہیں ہم

عدیم ہاشمی