آج کا شعر - 5

[محمداحمد]

اُس وقت رگِ جاں پہ بڑی چوٹ لگے گی
جب تجھ سے بچھڑ کر ترے ہم نام ملیں گے

 

[showbee]

ناجانے کیسا اِمتحان ہے مجھ پر مسلسل آج کل
مقدر دوست اور محبت تینوں مجھ سے اُلجھے اُلجھے رہتے ہیں

 

[اوشو]

کوئی بتاؤ کہ آخر یہ ماجرا کیا ہے؟
وہ جانِ جاں تھا مگر ہم تو اب بھی جیتے ہیں
جون ایلیا

 

[کاشفی]

اسی تھکے ہوئے دستِ طلب سے مانگتے ہیں
جو مانگتے نہیں رب سے، وہ سب سے مانگتے ہیں

وہ بھیک مانگتا ہے حاکموں کے لہجوں میں
ہم اپنے بچوں کا حق بھی ادب سے مانگتے ہیں

میرے خدا اُنہیں توفیقِ خودشناسی دے
چراغ ہو کہ اُجالا جو شب سے مانگتے ہیں

وہ بادشاہ اِدھر مڑ کہ دیکھتا ہی نہیں
ہم اپنے حصے کی خیرات کب سے مانگتے ہیں

میں شاہزادہ غربت، امیرِ دشتِ اَنا
یہ لوگ کیا میرے نام و نسب سے مانگتے ہیں
(معراج فیض آبادی)

 

[showbee]

مسکراہٹ ۔ ۔ ۔ تبسم ۔ ۔ ۔ ہنسی ۔ ۔ ۔ قہقہے ۔ ۔ ۔ ٖ!
سب کے سب کھو گئے ۔ ۔ ۔ ہم بڑے ہو گئے

 

[showbee]

یہ اِس ریت کی عادت ہے
کئی ہزار برس پہلے سے
چلتے پھرتے باتیں کرتی رہتی ہے
اِس کی باتوں میں اِک گھر ہے
اور اُس گھر میں ایک کہانی
اِک ترپال کی اُوٹ پکڑ کے دھوپ میں لکھا سایہ
رگوں کے جیسے گُنجل گلیاں
آپس میں سر جوڑ کے بیٹھی دیواروں کے اندر بستے
خوابوں جیسے لوگ
ایک کتاب کی کھولے دل
انکھیں صادق نور
سائیں فرید کی روہی اندر
ست گھنیری رات کے اُپر پہرہ دیتے خواب
لایں اجر و ثواب
اِس مٹی کی دھول سے نکلے سونے جیسا بُور
باتیں کرتی ریت جہاں کی-وہ ہے بھاولپور

 

[اوشو]

تمام عمر ہی تشریح میں گزر جائے
وہ اختصار جو اس زود گو کی بات میں تھا

علامہ بیدل حیدری

 

[showbee]

ہر اک بار سوچ کے دل بھر آیا ہے
اتنی عمر میں کیا کھویا، کیا پایا ہے

 

[showbee]

جو کھویا ہے اُس کا غم نہی
لیکن جو پایا ہے وہ کسی سے کم نہی
جو نہی ہے، وہ اِک خواب ہے
اور جو ہے، وہ لاجواب ہے

 

[showbee]

جے مَر کے زندگی چاہندیں، فقیری ٹوٹکا سنڑ گھِن
وفا دےوِچ فنا تھی ونج، بقا جانڑے خدا جانڑے

 

[ذوالفقار نقوی]

ہوس کے ناخنوں نے اس قدر کھرچا بدن ان کا
لہو رستی رہیں گی حشر تک اقدار ِ انسانی
ذوالفقار نقوی

 

[showbee]

زندگی کے میلے مییں، خواہشوں کے ریلے میں
خواب چُنتے رہے، ہم کبھی اکیلے میں

بات وہ کِتابوں سی، ذات وہ سرابوں سی
ڈُھنڈتے بھلا کیسے، زیست کے جھمیلے میں

ہے نشہ شرابوں سا، کُچھ مزا بہاروں کا
جام تیری یادوں کا، جب پیا اکیلے میں

کون جوڑتا وعدے، کون توڑتا تارے
کس کو تھی یہاں فرصت، روز کے جھمیلے میں

ہم کے اب ھیں سودائی، ہم نادمِ تنہائی
آگئے بھلا کیے، بیھڑ سے اکیلے میں

بیٹھ کر کبھی تنہا، سوچتا ہوں میں "نیہا"
بیچ دوں سبھی سپنے صرف ایک دھیلے میں
(نیہا)
زندگی کے میلے مییں، خواہشوں کے ریلے میں
تم سے کیا کہیں "جاناں"، اِس قدر جھمیلے میں
(امجد اِسلام امجد)

 

[showbee]

کوئی نہیں جو کرے اپنی بھی خطا تسلیم
"گناہ ہمیشہ کسی دوسرے کا ہوتا ہے"
جو کج نہاد ہو بنتی نہیں کبھی وہ بات
جو قرض بڑھتا چلا جائے کب اترتا ہے

نہ جیتنی ہے کبھی نہ ہارنی ہے کبھی
یہ جنگ ایسی ہے جس کی کوئی اخیر نہیں
نہ اس میں رنگ ہے کوئی نہ آرزو نہ امنگ
یہ وہ قفس ہے جس میں کوئی اسیر نہیں

کوئی نہیں جو کرے اپنی بھی خطا تسلیم
کہے کہ آؤ بھلا دیں ہر ایک رنجش کو
اور ایک دوجے کے جذبوں کا احترام کریں

سو حال یہ ہے کہ دونوں طرف کے شہر اور گھر
منافرت کے الاؤ میں جلتے رہتے ہیں
ہوائے امن کو پل پل ترستے رہتے ہیں
ہمارے حال پہ روتے ہیں، ہنستے رہتے ہیں

۔ ۔ ۔امجد اسلام امجد۔ ۔ ۔

 

[showbee]

مغرور ہی سہی مجھے اچھا بہت لگا
وہ اجنبی تو تھا مگر اپنا بہت لگا
وہ جسکے دم قدم سے تھی بستی کی رونقیں
جب بستی اُجڑ گئی تو وہ تنہا بہت لگا
ریشم پہن کر بھی میری قیمت نہ بڑھ سکی
کھدر بھی اُس کے جسم پر مہنگا بہت لگا
محسن جب آئینے میں میری سانسیں جم گئیں
مجھ کو تو اپنا عکس بھی دھندھلا بہت لگا

 

[showbee]

دردمندی کی مت سزا پاؤ
اب تو تم مجھ سے تنگ آ جاؤ

 

[کاشفی]

ازل سے تاابد ہونگے ہزاروں آدمی پیدا
نہیں ممکن جہاں میں ہو حسین ابن علی پیدا
(ساغر نظامی)

 

[عزیزامین]

ازل سے تاابد ہونگے ہزاروں آدمی پیدا
نہیں ممکن جہاں میں ہو حسین ابن علی پیدا
(ساغر نظامی)

لاجواب

 

[عزیزامین]

مسکراہٹ ۔ ۔ ۔ تبسم ۔ ۔ ۔ ہنسی ۔ ۔ ۔ قہقہے ۔ ۔ ۔ ٖ!
سب کے سب کھو گئے ۔ ۔ ۔ ہم بڑے ہو گئے

خوب

 

[showbee]

تو کہ ناواقفِ آدابِ غلامی ہے ابھی
رقص زنجیر پہن کر بھی کیا جاتا ہے
دیکھ! فریاد نہ کر، سر نہ جُھکا، پاؤں اُٹھا
کل کے لوگ جو کریں گے، تو ابھی سے کرجا
ناچتے ناچتے آزادی کےلئے مر جا!!
منزلِ عشق میں مر مر کے جیا جاتا ہے
رقص زنجیر پہن کر بھی کیا جاتا ہے
(حبیب جالب)

 

[کاشفی]

محبت میں شکایت ہورہی ہے
یہ کیوں توہینِ اُلفت ہورہی ہے

بس اب شکوہ کی اصلیّت نہ پوچھو
مجھے خود بھی ندامت ہورہی ہے

زمانے میں بہت کافر ہیں ساغر
مجھ ہی کو کیوں نصیحت ہورہی ہے
(ساغر نظامی)