آج کا شعر - 5

[showbee]

خداناخواستہ آپ کے گھر بجلی تو نہیں آ رہی ؟

 

[شیزان]

پیاس کہتی ہے کہ اب ریت نچوڑی جائے
اپنے حصے میں سمندر نہیں آنے والا​

 

[محمداحمد]

پیاس کہتی ہے کہ اب ریت نچوڑی جائے
اپنے حصے میں سمندر نہیں آنے والا​

ہمیں تو اپنے سمندر کی ریت کافی ہے
تو اپنے چشمہء بے فیض کو سنبھال کے رکھ

افتخار عارف

 

[showbee]

اے رھبرِکامل چلنے کو
تیار تو ہوں پر یاد رہے
اس وقت مجھے بھٹکا دینا
جب سامنے منزل آ جاٰئے

اے جذبہِ دل گر میں چاہوں
ہر چیز مقابل آ جائے
منزل کل لیے دو گام چلوں
اور سامنے منزل آ جائے

اے دل کی خلش چل یوں ہی سہی
چلتا تو ہوں ان کی محفل میں
اس وقت مجھے چونکا دینا
جب رنگ پہ محفل آ جائے

 

[محمداحمد]

تم ہی سمجھ لو، تم ہو مسیحا
میں کیا جانوں، درد کدھر ہے

شکیل بدایونی

 

[محمداحمد]

زندگی کتنی تیز رو ہے مگر
ساتھ ساتھ آ رہی ہے تیری یاد

قابل اجمیری

 

[محمداحمد]

عجیب چیز ہے خاکسترِ محبت بھی
ذرا کسی نے چھوا اور آگ ابھر آئی

قابل اجمیری

 

[فلک شیر]

زندگی کتنی تیز رو ہے مگر
ساتھ ساتھ آ رہی ہے تیری یاد

قابل اجمیری

سبحان اللہ ..........کیا کہنے

 

[showbee]

کیا حال سُناواں دل دا
کوئی محرم راز نہی مل دا
مںہ دھول، مِٹی سِر پایوم
سارا ننگ ناموز ونایم
کوئی پُچھنڑنہ ویڑے آیوم
ھتھوں اُلٹا عالم کِھلدا
کیا حال سُناواں دل دا
کوئی محرم راز نہی مل دا

تم ہی سمجھ لو، تم ہو مسیحا
میں کیا جانوں، درد کدھر ہے

شکیل بدایونی

 

[عبد الرحمن]

قدم چوم لیتی ہے خود بڑھ کر منزل
مسافر آکر اپنی ہمت نہ ہارے​

 

[شیزان]

البم کھول کے دیکھا تو احساس ہوا
کیسے کیسے لوگ بھُلانے پڑتے ہیں

فاخرہ بتول​

 

[احسن محی الدین]

ذکر جب چھڑ گیا قیامت کا
بات پہنچی تری جوانی تک
(فانی بدایونی)​

کاشفی بھائی کیا آپ پوری غزل | نظم ارسال کر سکتے ہیں، آپ کا ممنون رہوں گا

 

[طاہر شیخ]

کبھی کبھی تو بدن ٹوٹتا ہے یوں جیسے
مَیں تھوڑی دیر میں مسمار ہونے والا ہوں
ضیاءالمصطفٰے تُرک

 

[کاشفی]

تمہیں بھی ترکِ اُلفت پہ ملال آیا تو کیا ہوگا
بچھڑ کے مجھ سے پھر میرا خیال آیا تو کیا ہوگا

ہمیں خاموش رہنا تو چلو منظور ہے لیکن
کسی کی مست آنکھوں سے سوال آیا تو کیا ہوگا

اِسے مت چھوٹ دو اتنی یہ ابھی طفلِ مکتب ہے
بزرگوں کی اگر پگڑی اُچھال آیا تو کیا ہوگا
(شارق کفیل)

 

[کاشفی]

ورغلاتے ہیں رَہبر مجھ کو
پھر بھی کرنا ہے طے سفر مجھ کو

کس نے لوٹا ہے کس قدر مجھ کو
ہر حقیقت کی ہے خبر مجھ کو

جن کی چھاؤں میں برسوں بیٹھا ہوں
یاد آتے ہیں وہ شجر مجھ کو

اُن کے ہونے سے رونقیں قائم
ڈسنے سے لگتا ہے ورنہ گھر مجھ کو

لوٹ آیا ہوں بیچ رستے سے
ڈھونڈتی ہوگی رہگزر مجھ کو

روز اپنی تلاش میں شارق
پھرنا پڑتا ہے دربدر مجھ کو

 

[showbee]

دُعا اُس نے بھیجی ہے کُچھ اِس ادا سے
سدا خوش رہو تم، ہماری بلا سے

 

[سید فصیح احمد]

دُعا اُس نے بھیجی ہے کُچھ اِس ادا سے
سدا خوش رہو تم، ہماری بلا سے

بہت خوب !! برادر اگر شاعر کی خبر بھی ہو جاتی تو کمال ہوتا

 

[showbee]

بہت خوب !! برادر اگر شاعر کی خبر بھی ہو جاتی تو کمال ہوتا

جان ایلیا

 

[کاشفی]

صبر و سکوں کا ناز وہی دل کا چین ہے
مظلوم ہو کے بھی جو شہِ مشرقین ہے
پوچھی متاعِ دامنِ اسلام جب کبھی
اسلام کہہ اُٹھا، مرا سب کچھ حسین ہے
(محسن نقوی شہید)

 

[کاشفی]

جو ناطقِ قرآں نے دیا نوکِ سناں سے
پیغام وہ دنیا سے مٹے گا نہ مٹا ہے
قانونِ حسین ابنِ علی بر سرِ صحرا
عباس نے ہاتھوں کو قلم کرکے لکھا ہے
(محسن نقوی شہید)