میں آپ کی اس بات سے متفق ہوں لیکن ایک ایسے رکن کو جو اردو فورم کی ترقی کے بارے میں سوچتا ہو صرف اور صرف پاکستان کے بارے میں سوچتا ہوں کہ میرا سب کچھ پاکستان ہی ہے اور کچھ نہیں حتٰی کہ اس کے زیادہ تر فیملی ممبرز باہر ہیں لیکن اس نے پاکستان کی محبت میں باہر جانے سے انکار کردیا اب آپ ایک فعال ممبر کو زیادہ معطل رکھ کر اس کے دکھوں میں مزید اضافہ کررہے ہیں
یہ ایک اردو فورم ہے۔ نہ ہی یہ اسلامی فورم ہے اور نہ ہی پاکستانی۔ گو کہ یہاں نہ تو اسلام یا کسی اور مکتب فکر کی بات کرنے کی ممانعت ہے اور نہ ہی پاکستان یا کسی اور ملک و قوم کی بات کرنے کی ممانعت ہے۔ لہٰذا ہمیں نہیں لگتا کہ کسی رکن کا پاکستان کی محبت میں قربان ہو جانے کا جذبہ اس کے محفل میں وجود کو متاثر کر سکے گا۔
جب ّ آپ اس کو مہمان کےطور پر قبول کررہے ہیں تو ایک ممبر کے طور پر بھی
مہمان کے طور پر وہ یہاں موجود مواد اور دوسروں کے خیالات سے استفادہ کر سکتے ہیں وہ بھی اپنی مرضی سے، انھیں ایسا کرنے کے لئے کوئی مجبور نہیں کر رہا۔ رکن کے طور پر اپنی بے محل باتوں اور پریشان کن رویے سے سبھی محفلین و ناظمین کے لئے درد سر کا باعث ہوں گے۔ انھیں کسی فورم کی رکنیت کے لئے خود پر نظر ثانی کرنی چاہئے۔ انھیں ایک رکن کے طور پر جتنے عرصہ تک بحال رکھا گیا اور ہر ممکنہ طریقے سے سمجھانے بجھانے کی کوشش کی گئی وہ اس سے کہیں زیادہ ہے جس کے وہ مستحق تھے۔ مجال ہے جو موصوف کے رویے میں ذرہ برابر بہتری آئی ہو۔
گر اس کا موقف دیکھا جائے تو پھر سیاست و حالات حاضرہ کے عنوانات ہی ختم کردئیے جائے تو زیادہ مناسب ہو گا جیسے ایک فورم نے سیاست پر پابندی لگا رکھی ہے کہ کوئی سیاسی مراسلہ نہیں بھیجے گا اگر بھیجا تو پابندی لگانے کہ بجائے فوری طور پر اس کو حذف کردیا جاتا ہے
آپ کا مشورہ سر آنکھوں پر۔ حسن اتفاق، آپ کا یہ مشورہ نادر یا نیا نہیں۔ اردو محفل کی تاریخ کئی برسوں پر محیط ہے اور ایسے مشورے کئی دفعہ پیش کیئے گئے ان پر مختلف انداز سے تجربات بھی کیے گئے۔ ہم آپ کے مشورے کی نا قدری نہیں کر رہے اور نہ ہی آپ کے نئے رکن ہونے کو سبب بنا رہے ہیں لیکن آپ کو یہ تو احساس ہوگا ہی کہ یہاں برسوں سے موجود اراکین و ناظمین پوری طرح "گھامڑ" تو نہیں ہوں گے۔ چند ایک نا پسندیدہ افراد کے چلتے سنجیدگی اور مناسب طریقے سے گفتگو کرنے والے لوگوں کی راہیں مسدود کرنا کیوں کر مناسب ہے؟
ور اس نے کوئی زیادہ غلط بات نہیں کی پاکستان بلوچستان کی آزادی اور بھی چھوٹے چھوٹے مسئلے بیان کئے ہیں میں نے مراسلے پڑھے ہیں جو کہ اس کی ای میل میں محفوظ ہیں
آپ نے جو پڑھا وہ اس سے کہیں کم ہے جو آپ نے نہیں پڑھا۔ اس کا جواب تو ہم آپ کو تب دیتے جب آپ کی محترمہ والدہ صاحبہ، چند معزز ہمشیرائیں یہاں کی رکن ہوتیں اور دیگر خواتین محفلین کی طرح ان کی پروفائل اور ذاتی پیغامات میں بھی جناب کے مراسلے پہلے دوسرے دن ہی جلوہ افروز ہوتے۔ نیز یہ کہ ان کی موجودگی میں ہی خواتین کے (موصوف کے ہی الفاظ میں) "خفیہ ہتھیاروں" اور کھلے ہوئے سینے کا ذکر خیر ہوتا (اور بعد میں یہ کہا جاتا کہ آپ اشارہ تو سمجھ رہے ہیں ناں)، وہ بھی اس دھاگے میں جہاں موصوف "خواتین" کے پردے پر تقریریں کرنے میں مصروف تھے۔ یہ تو ایک ذرا سی جھلک تھی، یہاں کافی کچھ ہوا ہے جس سے ہم آپ کو محظوظ کرنا ضروری نہیں سمجھتے۔
تو سب کی اپنی رائے ہے ضروری نہیں ہے کہ آپ بھی اس سے متفق ہوجائیں نہ دیں جواب اس کے مراسلے کا یا خاموش رہیں لیکن اظہار آزادی نہ چھینیں
آزادی اظہار رائے کے حوالے سے بات کریں تو اردو دنیا میں اردو محفل کے مقابلے میں دوسرا کوئی فورم دھونڈنا آپ کے لئے دلچسپ مشغلہ ثابت ہو سکتا ہے۔ ہم کسی اور فورم کے رکن تو نہیں لیکن چند ایک کو سرسری طور پر جانتے ہیں اس لئے اپنی رائے محفوظ رکھتے ہیں۔ یہ اور بات ہے کہ یہاں آزادی اظہار رائے کو کسی مخصوص قومیت، مخصوص مذہب، یا مخصوص سیاسی پارٹی تک محدود نہیں رکھا گیا ہے۔ لہٰذا اراکین کو اظہار رائے سے زیادہ قوت برداشت کی مشق کرنی پڑتی ہے۔
میری آپ سے مودبانہ گزارش ہے کہ شاہنوازعامر کو بحال کیا جائے اور ایک مراسلہ میں کہاگیا تھا جو کہ میں نے بھی پڑھا ہے کہ شاہنواز کے مراسلے ثبوت کےطورپر دکھا سکتے ہیں تو اس پر شاہنواز نے کہا تھا کہ ٹھیک ہے دیکھائیں لیکن وہ مراسلے دیکھانے کی بجائے اس کو معطل کردیا یہ تو زیادتی ہے نا اس کے ساتھ
ہمارا خیال ہے دو ایسے محفلین جو موصوف کی یاوہ گوئیوں کا شکار ہوئے ہیں، وہ آپ کی اس بات کی تائید کر دیں تو انتظامیہ کو اپنے عمل پر شرم سے ڈوب مرنا چاہئے اور اگر ایسے متاثرین میں سے پانچ آپ کی بات کی تائید کر دیں تو انتظامیہ کو اس زیادتی سے رجعت پر سنجیدگی سے سوچنا چاہئے۔
چلو پھر بھی میں معذرت اور معافی مانگتا ہون کہ وہ سیدھا انسان ہے حالات کا مارا ہوا ہے بچوں کے امتحانات ہیں اور فلاحی کام بھی کررہا ہے اب کتاب بینک بنارہا ہے کہ غریب اور نادار طالب علموں کی مدد کی جاسکے تو مہربانی ہوگی کہ اس کی رکنیت بحال کی جائے
ہم سب کی ہمدردیاں ان کے ساتھ ہو سکتی ہیں۔ اللہ ان کے نیک اعمال اور خلوص کو قبول فرمائے، آمین۔ محفل میں رکن ہونے کے لئے ذاتی زندگی میں شریف النفس ہونا، فلاحی کام کرنا، ایماندار و پرہیزگار ہونا، فکر و عمل کے اعلیٰ ترین مناصب پر فائز ہونا غرض کہ ایسا کچھ بھی ضروری نہیں۔ اپنی ذاتی زندگی میں کوئی بدکار ہو، بیہودہ و بے راہ ہو گالی گلوچ کے بغیر بات نہ کرتا ہو لیکن محفل میں رہتے ہوئے اس کے آداب و قوانین کی پاسداری کرے اور اراکین کی دل شکنی نہ کرے تو بصد شوق محفل کا رکن ہو سکتا ہے۔ بصورت دیگر۔۔۔ قابل فکر بات ہے۔
یہ فورم بھی میں نے صرف اس کی رکنیت بحال کرنے کے لئے جوائن کیا ہے اگر نہیں ہو گی تو میں بھی چلا جاؤں گا کہ جہاں میرا دوست نہیں وہاں میرا کیا کام میں امید کرتا ہوں کہ مجھے مایوس نہیں کیا جائے گا
یقین کیجئے کہ اپنے پچھلے مراسلے کے بعد ہمیں جواب دینے کی چنداں ضرورت نہیں تھی، فقط اس فقرے نے ہمیں مجبور کیا کہ جوب لکھ دیں۔ عرض ہے کہ ہم محفل میں آپ کا استقبال کرتے ہیں۔ آپ کو کسی کی وکالت کے لئے نہ تو یہاں مدعو کیا گیا ہے اور نہ ہی آپ کے چلے جانے پر کوئی آپ کے گھر التماس کرنے جائے گا کہ حضور ایسی بھی کیا بے رخی۔ آپ اپنی مرضی سے یہاں جب تک رہنا چاہیں، فورم کے ضوابط کے دائرے میں رہتے ہوئے جلوہ افروز ہوں۔ آپ بھی اپنے موکل کی راہ پر لگیں گے تو تقریباً انھیں کے انجام کو پہونچ سکتے ہیں۔ جب بھی آپ کو محفل کی رکنیت مناسب نہ لگے، خوشی خوشی چلے جائیں۔ ہمیں نہیں لگتا کہ آپ نے اردو محفل میں ایسا کوئی کارنامہ اب تک انجام دیا ہے جس کو اردو دنیا برسوں تک سلام کرے اور محفلین آپ کی غیر حاضری محسوس کریں۔ امید ہے کہ آپ مایوس نہیں ہوئے ہوں گے۔
