سانوں بھکھ شکار وکھا گئی ساڈے کنبدے ہتھ غلیل (غدیر زھرا)

[نیرنگ خیال]

اونج تے پنجابی غزل نیڑے نیڑے زوال پذیر اے. سوائے انہاں چند سر پھریاں دے جیہڑے ہالے تیکر ماں بولی دا پیار سر تے بھار سمجھ کے چائی پھردے نے. پنجابی لکھن والے اونج ہی آٹے اچ لون دی تھاویں نیں فیر انہاں نوں وی جد معیار دی تگڑی تولیا جائے تے مگروں رہ ای کنے جاندے نے؟
غدیر دا کمال اے کہ اوہ نویں ورتاوے وچ نئیں پے گئی بلکہ اپنی جڑ نال تعلق دی مضبوطی دا اظہار کر کے ہمیشہ ہی ماں بولی دا مان ودھایا اے. بلاشبہ ایہو جیہیاں دھیاں تے ماں بولی وی فخر کر سکدی اے.

ہک غزل بطور انتخاب پیش اے

سانوں بھکھ شکار وکھا گئی ساڈے کنبدے ہتھ غلیل
جد پکھوآں کھب کھلارے تے اودوں آئی موت تریل

ساڈے وَن سَوَّنے تِھگڑے پر دِسدا اندروں ننگ
ساڈی اے سِنجھاپ بنا نئیں ساڈا اندر باہر میل

اے پِٹھو کنج ناں جاپدے جیویں کتے سٹدے جھگ
جنہوں مالک جان کے وگدے اوہدا ہڈی پاون کھیل

سانوں ایڈا سستا تول نئیں کیتا ماہگا بہوں وپار
دتی ماں دیاں ٹُوماں ویچ کے تیرے حسن دی سجنا ویل

جیہڑا اگ نوں چانن جاندا تے کالک جانڑے نور
پُوجھ اوس مزدور دا مُڑھکا جیہڑا لہو دا ساڑے تیل

ایس قیدن نوں وَدھ روٹی دے اے دُدھ پلاندی ماں
اے بچہ ہے ازاد جی ایہدی ماں اے ڈکی جیل

ایہدی سیٹی سَدّا چوراں دا ایہدا اُکوں لُگّا راہ
ہن کنج جا ٹیشن چڑھسی اے لین تَھڑُّکی ریل

پہلاں کِھلری آل دوال نوں فیر انبر کیتا منہ
ہن رُکھ نوں جا کے چمڑی اے سَوکا پاندی ویل

غدیر زھرا​

 

[جاسمن]

ودھیا بئی ودھیا۔
جیوندے رہوو دونویں۔

 

[مریم افتخار]

غدیر زھرا بہنا بوہت ودھیا لخیا اے. لکھدے رہیا کرو تے ساڈے نال شریک وی کردے رہیا کرو. ماں بولی دی محبت شے ای ایسی اے کہ ساریاں شیواں تو بوہتی محسوس ہندی اے تے اداں دا کلام پڑھ کے ہور ودھ جاندی اے.

 

[نیرنگ خیال]

ودھیا بئی ودھیا۔
جیوندے رہوو دونویں۔

بندا تاں صرف میرا اے۔ غزل تاں میں لائی اے ایتھے۔

 

[نیرنگ خیال]

غدیر زھرا بہنا بوہت ودھیا لخیا اے. لکھدے رہیا کرو تے ساڈے نال شریک وی کردے رہیا کروں. ماں بولی دی محبت شے ای ایسی اے کہ ساریاں شیواں تو بوہتی محسوس ہندی اے تے اداں دا کلام پڑھ کے ہور ودھ جاندی اے.

اوہدے نال گل کر رئے او۔ ہن جواب واسطے وی اوہدی اڈیک اچ رہو۔

 

[جاسمن]

بندا تاں صرف میرا اے۔ غزل تاں میں لائی اے ایتھے۔

 

[عبداللہ محمد]

خوبیش ترین است !!

 

[غدیر زھرا]

نین مان ودھان لئی بہت شکریہ ❤ زبان دی محبت اودے وادھے تے رکھوالی ول دھیان لے جاندی اے۔ کوشش تے ایہی رہی کہ اس محبت دا اظہار کردی رہواں۔باقی خیال تے لفظ ورتنے ہالے چنگی طرح نئیں آئے۔

 

[غدیر زھرا]

ودھیا بئی ودھیا۔
جیوندے رہوو دونویں۔

الٰہی آمین ❤ جزاک اللہ بہنا ❤

 

[غدیر زھرا]

غدیر زھرا بہنا بوہت ودھیا لخیا اے. لکھدے رہیا کرو تے ساڈے نال شریک وی کردے رہیا کروں. ماں بولی دی محبت شے ای ایسی اے کہ ساریاں شیواں تو بوہتی محسوس ہندی اے تے اداں دا کلام پڑھ کے ہور ودھ جاندی اے.

شکریہ مریم ❤ پٹھا سدھا لکھدی رہندی آں کجھ نہ کجھ۔ بس ونڈن لئی ایتھے آن جان ایڈا نئیں ہویا۔ البتہ کوشش ایہی اے کہ پنجابی فورم ول فیر دھیان کراں۔

 

[غدیر زھرا]

بندا تاں صرف میرا اے۔ غزل تاں میں لائی اے ایتھے۔

کوئی ہور غزل وی لانی پے سکدی اے۔ جون دیو مینوں وی

 

[مریم افتخار]

شکریہ مریم ❤ پٹھا سدھا لکھدی رہندی آں کجھ نہ کجھ۔ بس ونڈن لئی ایتھے آن جان ایڈا نئیں ہویا۔ البتہ کوشش ایہی اے کہ پنجابی فورم ول فیر دھیان کراں۔

اندے جاندے رہیا کرو. ماں بولی دا مان ودھان لئی لکھیا ہویا ونڈدے رہنا وی ایک ضروری امر اے تے نال تہانوں تے ایس سالگرہ تے وی بوہت یاد کیتا گیا اے!

 

[غدیر زھرا]

اوہدے نال گل کر رئے او۔ ہن جواب واسطے وی اوہدی اڈیک اچ رہو۔

اسی ایڈی لمی اڈیک کدی نئیں لائی

 

[غدیر زھرا]

خوبیش ترین است !!

تشکر بسیار

 

[غدیر زھرا]

اندے جاندے رہیا کرو. ماں بولی دا مان ودھان لئی لکھیا ہویا ونڈدے رہنا وی ایک ضروری امر اے تے نال تہانوں تے ایس سالگرہ تے وی بوہت یاد کیتا گیا اے!

بس مریم اے محبتاں ای لے آندیاں نئیں۔ ویسے غافل تے اسی کدی نئیں رہے محفل توں۔ شرمندہ آں نہ آون لئی۔

 

[نایاب]

جیہڑا اگ نوں چانن جاندا تے کالک جانڑے نور
پُوجھ اوس مزدور دا مُڑھکا جیہڑا لہو دا ساڑے تیل

اینج تے ساری غزل دے شعر آپنی جگہ کمال نیں پر اے شعر تے سوچاں جگا گیا ۔
احساس دے دیوے سدا ای بلدے رہن ۔ آمین
ڈھیر دعاواں

 

[آوازِ دوست]

ماں بولی نال پیار تے شائد سب نوں ای ہوندا اے مگر اپنے لطیف احساسات رائیں ایہنوں ایڈی خوبصورتی نال ورتاوے اِچ لیان دا مان کِسے کِسے خوش نصیب نوں ای ملدا اے ۔ گل تے چنگی نئیں پر جے تُسیں اجازت دیو تے اسیں ایس غزل دے پیش کرن تے تہاڈے، چوہدری صاب تے نینی تِناں توں تھوڑا جیلس فِیل کر لئیے

 

[نیرنگ خیال]

نین مان ودھان لئی بہت شکریہ ❤ زبان دی محبت اودے وادھے تے رکھوالی ول دھیان لے جاندی اے۔ کوشش تے ایہی رہی کہ اس محبت دا اظہار کردی رہواں۔باقی خیال تے لفظ ورتنے ہالے چنگی طرح نئیں آئے۔

وسدی رہ تے لکھدی رہ۔ مولا کریم رنگ لائے۔

 

[نیرنگ خیال]

کوئی ہور غزل وی لانی پے سکدی اے۔ جون دیو مینوں وی

اپنے واسطے دعا لین لئی آپ محنت کرو۔۔۔۔

 

[نیرنگ خیال]

اینج تے ساری غزل دے شعر آپنی جگہ کمال نیں پر اے شعر تے سوچاں جگا گیا ۔
احساس دے دیوے سدا ای بلدے رہن ۔ آمین
ڈھیر دعاواں

بڑا شعر چنیا اے نایاب بھائی۔۔۔ حق آکھیا۔