عبدالقیوم چوہدری
محفلین
رپیا نا سہی دھیلی لبھے
کُج نا کُج تے ڈیلی لبھے
جدوں کھلویے ناکے اُتے
اکھ ہوندی ہر کاکے اُتے
اوہو منڈا پھڑ لیندے آں
جہیڑا اپنڑی سہیلی لبھے
کُج نا کُج تے ڈیلی لبھے
ویکھیے کوئی سبزی والا
گھمدے رئی دا آل دوالا
دبکا ما ر کے لےلینے آں
پالک پاویں کریلی لبھے
کُج نا کُج تے ڈیلی لبھے
بکری کسی دی ہو جائے چوری
گل کری دی اوتھے کوری
تے بکری توانوں تاں دینی آ
جے سانوں ایدی لیلی لبھے
کُج نا کُج تے ڈیلی لبھے
چوہدریاں دا ہووے کاما
ساڈیاں اونوں ست سلاماں
تے اپنڑا غصہ کڈھ لینے آ
جے کوئی موچی تیلی لبھے
کُج نا کُج تے ڈیلی لبھے
سن لے گل جہاجاں والی
چول جے ہوندے جیبوں خالی
جیب دے وچوں نکلے کج نا
چرس یا افیم دی ڈھیلی لبھے
کُج نا کُج تے ڈیلی لبھے
سکوٹر پھڑیے اپلائیڈ فار
مالک کھڑ نہیں سکدا کار
جِناں چر ضمانت دے لئی
ساڈا نہ کوئی بیلی لبھے
کُج نا کُج تے ڈیلی لبھے
سٹوڈنٹاں تو آں اسی آ چالو
مارن ہُورے پا دینڑ آلو
پاسا وٹ کے لنگ جانے آں
ایناں دی کوئی ریلی لبھے
کُج نا کُج تے ڈیلی لبھے
شاعر جے کِدرے چڑھ جائے ٹائے
لکھ او اپنڑی جان چھڈائے
شاعری سُنن لئی باء لینے آں
جگہ جتھے کوئی ویہلی لبھے
کُج نا کُج تے ڈیلی لبھے
صحافیاں تو اسی کنی کھائیے
قسمے اپنڑی جان چھڈائیے
اے تے گوگیا لبھدے پھردے
خبر کوئی نوی نویلی لبھے
کُج نا کُج تے ڈیلی لبھے
