محمد علم اللہ
محفلین
شکریہ چاچو
محمد یعقوب آسی کی شعری اور نثری کاوشیں
- صاحب لڑی محب علوی
- تاریخ ابتداء
-
- ٹیگ
- محمد یعقوب آسی
محمد یعقوب آسی
محفلین
کامران غنی صبا کے شکریے کے ساتھ
http://urdunetjpn.com/ur/2014/03/02/muhammad-yaqub-aasi/
حکمِ اذاں ۔۔ مضمون
http://urdunetjpn.com/ur/2014/03/02/muhammad-yaqub-aasi/
حکمِ اذاں ۔۔ مضمون
محمد علم اللہ
محفلین
اور اس کتاب کے بارے میں ہمیں تو چاچو نے کبھی نہیں بتایا وہ تو پروفیسر گوگل سے کہنا پڑا جباب ذرا دکھائیں یہ کتاب۔۔۔۔۔
http://www.iqbalcyberlibrary.net/Urdu-Books/969-416-206-005/index.php
http://www.iqbalcyberlibrary.net/Urdu-Books/969-416-206-005/index.php
محمد یعقوب آسی
محفلین
یہ بہت پرانی ہو گئی، اس لئے اس کا ذکر نہیں کیا کہ بہت کچھ بدل چکا۔ تاہم اس کی افادیت اپنی جگہ ہے! بہت شکریہ۔
کوشش میں ہوں کہ اسی ماہ میں ’’فاعلات‘‘ کا تازہ انٹرنیٹ ایڈیشن پیش کر سکوں۔
محمد علم اللہ
محفلین
چاچو کا ایک خوبصورت افسانہ ان کے فیس بُک سے پتہ نہیں یہاں شائع کرنا کیوں بھول جاتے ہیں چاچو۔
افسانہ ۔۔۔ ۹۔ مارچ۔ ۱۹۸۶ء
آخری جزیرہ
ہاں بھیا! میں اب یہاں نہیں رکوں گا، اسے میرا فیصلہ کہہ لیں یا مجبوری، بہر حال .... یہ جو زندگی ہے نا، بھیا! سمندر کی طرح ہے جس کے دھاروں پر ہم سب بہہ رہے ہیں، ہاتھ پاؤں مار رہے ہیں اور بھیا، اس سمندر میں جزیرے بھی ہیں جن پر محبت، پیار، خلوص، نفرت ، منافقت کی اور پتہ نہیں کون کون سی ہوائیں چلتی ہیں۔ اور دھارے ہمیں ان جزیروں پر لا پھینکتے ہیں ... مجھے بھی تو ایک ایسے ہی دھارے نے یہاں لا پھینکا ہے۔ میں خود بھی یہی چاہتا تھا شاید۔ اس لئے کہ... مجھے امید تھی! یہاں محبت اور خلوص کی بارشیں ہوں گی، مگر ...خیر! میں ابھی مایوس نہیں ہوا ۔ میں کسی اور جزیرے کی طرف سفر کروں گا، میں ڈھونڈوں گا کوئی اور جزیرہ! یہاں نہیں رکوں گا۔ یہاں بھی بیگانگی کے چھینٹے پڑتے ہیں اور گیلی زمین پر میرے پاؤں پھسل رہے ہیں۔ اس سے پہلے کہ کوئی بے رحم موج مجھے گھسیٹ کر لے جائے، میں خود ہی سمندر میں کود پڑوں گا۔
آپ کو پتہ ہے بھیا، جب بابا مرے تھے تو اماں کتنا روئی تھیں! بابا تو ایک برِاعظم تھے بھیا ، سبھی بابا برِ اعظم ہوتے ہیں۔ اس برِاعظم پر اماں نے گھنی چھاؤں کر رکھی تھی اور اسی چھاؤں میں پل کر ہم سب جوان ہوئے۔ اماں نے مجھ سے کہا تھا ’’نہ رو، میرے چاند! نہ رو۔ مَردوں پر آزمائشیں آیا کرتی ہیں۔ تُو روئے گا تو مجھے کون چپ کرائے گا؟ اور پگلے، تیرا بھائی بھی تو ہے، وہ تجھے باپ کا سایہ فراہم کرے گا۔ وہ میرا بیٹا ہے، میں اسے جانتی ہوں، میرے چندا! میرا بیٹا تجھے باپ کی یاد نہیں آنے دے گا‘‘۔ مگر، میں اماں کو کیا کہتا! وہ تو خود رو رہی تھیں۔ لیکن بھیا! ہچکیوں کے درمیان جو باتیں اماں نے کہی تھیں وہ کیا ہوئیں؟ کیا اماں وہ باتیں بھی ساتھ لے گئیں؟
جب اماں مریں تو میں شہر میں تھا۔ مجھے ٹیلیفون پر اطلاع ملی تھی کہ جزیرہ، براعظم، گھنی چھاؤں، سب کچھ سمندر میں ڈوب گیا ! میرے پاؤں تلے زمین نہیں تھی، سمندر کی بپھری ہوئی موجیں تھیں۔ اماں نے آپ سے کچھ تو کہا ہو گا، کم از کم میرے بارے میں ضرور کہا ہو گا! آپ ہی کہا کرتے تھے ’’اماں! یہ تمہیں بہت پیارا ہے، کیا میں تمہارا بیٹا نہیں ؟‘‘ اماں نے میرا ذکر موت کے منہ میںآ کر بھی کیا ہو گا۔ آپ کو نصیحت کی ہو گی کہ اپنے چھوٹے بھائی کا خیال رکھنا! کیوں بھیا، انہوں نے اسی طرح کہا تھا، نا؟
اماں کے مرنے سے تین دن پہلے کی بات ہے، میں شہر سے مچھلی لایا تھا۔ بانو مچھلی پکانے لگی تو میں نے کہا ’میں خود پکاؤں گا‘۔ اماں نے مجھے کیا کچھ نہیں سکھا دیا تھا! پتہ نہیں بھیا، کیا بات تھی اس مچھلی میں! میں نے بھی چکھا تھا اُسے، اتنی مزے دار چیز میں نے آج تک نہیں کھائی۔ اماں کو کوئی شے حلق سے نیچے نہیں اترتی تھی مگر وہ ساری مچھلی کھا گئیں، بھیا! مجھے جو سرور اس وقت ملا، وہ حاصلِ زندگی ہے، میرے لئے۔تو بھیا! سمندر کی ان سرکش موجوں کے بیچوں بیچ میں نے ایک جزیرہ دیکھا تھا، گھنی چھاؤں والا جزیرہ۔ میں موجوں سے لڑتا ہوا اس جزیرے کی طرف بڑھا چلا آیا۔ مجھے یاد ہے، ایک دفعہ آپ نے مجھے گالی دی تھی۔ میں برداشت نہ کر سکا اور گالی پلٹ دی۔ میں نے بہت برا کیا تھا، بھیا! میں آج بھی شرمندہ ہوں۔ میں نے بہت برا کیا تھا، میری آنکھیں شرم سے جھک گئی تھیں مگر گالی میرے منہ سے نکل چکی تھی۔ پھر ... ایک، دو، تین، چار، پانچ ... میرے دونوں گالوں پر تھپڑوں کی بارش شروع ہو گئی۔ وہ ہاتھ آپ کے تھے، محنت اور مشقت کے عادی، پختہ ہاتھ۔ مجھے معلوم تھا آپ ماریں گے، اس لئے تکلیف کے باوجود مجھے رونا نہیں آیا مگر میں اماں کی بات سن کر رو دیا تھا ’’اے ہے، پھول سے بچے کو مار مار کر ہلکان کر دیا! جا، باہر دفع ہو جا بے رحم کہیں کے! شرم نہیں آتی چھوٹے بھائی کو مارتا ہے؟ کل اسے سنبھالنا پڑ گیا تو جانے کیا کرے گا!‘‘میں اپنے کئے پر نادم ہو کر روتا رہا، یا شاید کسی ان جانے خدشے سے۔ اماں سمجھ رہی تھیں بچہ تکلیف کی وجہ سے روتا ہے۔ مجھے آپ کی محبت اور خلوص پر اس وقت بھی کوئی شک نہیں تھا۔
پھر آپ باہر چلے گئے اور جب وطن واپس لوٹے تو میری شادی ہو چکی تھی۔ میں آپ کا انتظار کرنا چاہتا تھا مگر آپ ہی نے تو لکھا تھا کہ شادی فوراً کر لو۔ مجھے آپ کے حکم کی تعمیل کرنا پڑی، با دلِ ناخواستہ! آپ کی آمد کی اطلاع کچھ دن پہلے ملی، بانو میکے گئی ہوئی تھی میں اسے لینے گیا تھا ۔ آپ پروگرام سے پہلے آ گئے پھرڈھکے چھپے لفظوں میں اس بات کا گلا بھی کیا، حالانکہ میں بانو سمیت آپ کا استقبال کرنا چاہ رہا تھا۔ میں نے محسوس کیا کہ تب سے آپ نے مجھے جھڑکنا چھوڑ دیا اور نظر انداز کرنے لگے، پتہ نہیں کیوں! کتنے سال ہو گئے ہیں اس بات کو، مگر بھیا! یہ باتیں میں آپ سے کر رہا ہوں یا اپنے آپ سے؟ آپ سے یہ سب کچھ میں کیسے کہہ سکتا ہوں کہ آپ کا احترام آڑے آتا ہے۔
میں آج صبح یہاں آیا تھا کہ چلو بھائی نظر انداز کر بھی دے تو بھابی سے ملوں گا، بچوں سے مل کر ’’اوٹنا لگوٹنا‘‘ اور’’ لُکن میٹی‘‘ کھیلوں گا۔مگر یہاں تو سب کچھ بدل گیا ہے۔ اسی لئے میں نے فیصلہ کر لیا ہے کہ یہاں نہیں رکوں گا۔ اس جزیرے پر بھی سیلن آ گئی ہے اور میرا دم گھٹتا ہے۔ بھیا! میں تو آپ کا بھائی ہوں، وہی چھوٹا بھائی۔ بھابی سے مجھے توقع تھی کہ میرے سر پر ہاتھ پھیریں گی ’وِیر کیا حال ہے تیرا، وِیر تو اتنی دیر بعد آیا ہے ..‘ مگر ایسا نہیں ہوا۔ انہوں نے اپنے لہجے میں مٹھاس ڈالنے کی کوشش تو کی، لیکن چہرہ ساتھ نہ دے سکا۔ بچے، البتہ، مجھے اچھے لگے۔ بہتی ناکیں، گنے کی سفیدی سے لتھڑے گال، مٹی میں اٹے پاؤں مگر دل شیشے سے بڑھ کر شفاف، اور آئینے سے زیادہ سچے۔ بھیا! بچے سچے ہوتے ہیں! شاید اسی لئے میں اب تک یہاں ہوں۔
آپ کو یاد ہو گا، جب بڑی آپا نے بیٹی کی ڈولی اٹھوائی تھی، میں نے بھی دبے لفظوں میں آپ سے کچھ کہا تھا۔ بھلا آپ بھول سکتے ہیں وہ بات؟میں نے کہا تھا کہ آخر میری اپنی ایک شخصیت ہے۔ مجھے برادری میں اپنی شناخت خود کروانے دیں اور...۔ آپ برا مان گئے تھے اور پھر مجھ سے نہیں بڑی آپا سے کہا تھا ’وہ مجھ سے چھوٹا ہے، میں اس کا کہنا ماننے کا پابند نہیں ہوں، بڑا میں ہوں، وہ نہیں‘۔ آپ بڑے ہیں بھیا، اس سے انکار نہیں مگر آپ نے بھی تو بڑا ہونے کا حق ادا نہیں کیا۔ جانتا ہوں کہ یہ بات آپ کو پسند نہیں آئے گی۔ اتنا ضرور ہوا کہ رعب اور پڑے پن کی جگہ اجنبیت آ گئی۔ میں چولھے کے پاس بیٹھ کر بھابی سے چھین کر روٹی کھانا چاہتا ہوں، بچوں کی چٹکیاں لینا چاہتا ہوں مگر آپ نے میرے لئے یہاں بیٹھک میں گاؤ تکیہ لگا دیا ہے۔ میرے سامنے پندرہ برتنوں میں سات قسم کا کھانا آیا ہے، مگر میں جو کھانا چاہتا ہوں وہ اس میں نہیں ہے۔ یہ قورمہ، یہ بھنا ہوا گوشت ہزار لذیذ ہو، اس میں اپنائیت کا رس نہیں ، تکلف کی مرچیں بھری ہوئی ہیں۔ یہ برف والا پانی میرے گلے میں پھانس بن رہا ہے۔ مجھے لسی چاہئے،گھر کی وہی ’’کھٹّی‘‘ لسّی جو آپ نے واپس کرا دی ہے۔مکئی کی ’’چھلیاں‘‘ خود چولھے پر بھون کر کھانے کو جی للچاتا ہے۔ لیکن آپ کا پر تکلف رویّہ مجھے اظہار کی اجازت نہیں دیتا۔
’’اوئے نِکُّو! جا، چاچا کے لئے ہٹی سے سگرٹ لے آ‘‘ آپ نے ابھی بچے کو بھیج دیا ہے۔ بھیا! حقہ کدھر ہے؟ میں خود اس کی چلم بھروں گا، مجھے بتائیے یہ سب کچھ کہاں رکھا ہے۔ میں نے بچے کو اندر بھیجا کہ اپنی امی کو یہاں بلا لائے تو اس خدا کی بندی نے وہیں بیٹھے آواز دی’ ’کیا ہے! یہاں آ جاؤ۔‘‘ احمق کہیں کی! میں آپ کی مرضی کے بغیر اس بے تکلف ماحول میں کیسے جا سکتا ہوں۔ میں نے ننھی بھتیجی کو گود میں لے لیا تو آپ نے بچی کو جھڑک دیا! ’’چل! چاچا کے کپڑے گندے نہ کر!‘‘ یہ آپ نے کیا کر دیا بھیا! یہ رویہ کیوں اپنا لیا آپ نے؟ میں نے پھر بانو کو آواز دی تو اسے میری بات سننے کے لئے آنا پڑا۔
’’چلو، تیار ہو جاؤ۔ بچوں کو بھی تیار کرو، واپس چلتے ہیں‘‘ وہ ہکا بکا رہ گئی
’’ایں؟ آپ کو یکا یک یہ کیا ہوا؟ ابھی تو آئے ہیں، اور...‘‘
’’بس! میں نے کہا نا! تیار ہو جاؤ، چلو!‘‘
’’پھر بھی! کوئی بات ہو، تو!‘‘
’’میں یہاں نہیں .... ‘‘ اور عین وقت پر میری زبان رک گئی۔ اچھا ہوا لفظ مر گئے ورنہ وہ سمجھتی کہ میں اپنے بھیا سے متنفر ہو گیا ہوں۔ مجھے تو اس لفظ سے بھی خوف آتا ہے، بھیا! مجھے بیگانگی سے وحشت ہوتی ہے۔ مگر یہ اجنبیوں کا سا سلوک بھی مجھ سے برداشت نہیں ہوتا۔
اور اب .. وہ دوسرے دروازے سے باہر جا رہی ہے، میری بچی آ رہی ہے ’آئیے ابو، چلیں‘ مگر اس کا چہرہ کیوں سُتا ہوا ہے؟ کوئی سوچ اس کے ذہن میں بھی آئی ہو گی، میری طرح۔ ... لائیے بھیا، اپنا دایاں ہاتھ بڑھائیے مصافحہ کے لئے، ہاں! صرف مصافحہ کے لئے! اور میں اپنی آنکھیں آپ سے چھپا لوں گا، منہ پھیر کر، تا کہ آپ ان میں اترے سمندر کو نہ دیکھ سکیں۔ میں اس سمندر میں کسی جزیرے کی تلاش میں نظریں دوڑاتا ہوں۔ ایک بھیگا سا عکس ابھرتا ہے۔ ایک اور جزیرہ! کچھ بچے اس جزیرے پر کھیل میں مگن ہیں۔ میں جنگل بن کر اس جزیرے پر چھا جاتا ہوں اور میری نظریں تناور درختوں کی جڑوں کی طرح اس کی مٹی میں کھب جاتی ہیں۔ وہ سرزمین مجھ سے مخاطب ہوتی ہے ’’یہ، یہ آپ کس طرح دیکھ رہے ہیں، مجھے؟‘‘ میں چونک پڑتا ہوں۔ یہ تو بانو کی آواز ہے۔ میں بات بنانے کے لئے کہتا ہوں: ’’لگتا ہے آج پہلی بار دیکھا ہے تجھے‘‘ چھ بچوں کی ماں کسی نئی نویلی دلہن کی طرح شرما جاتی ہے: ’’بڑے وہ ہیں آپ‘‘ اور میں بے اختیار مسکرا دیتا ہوں۔ ابھی ایک جزیرہ باقی ہے!
محمد یعقوب آسی
افسانہ ۔۔۔ ۹۔ مارچ۔ ۱۹۸۶ء
آخری جزیرہ
ہاں بھیا! میں اب یہاں نہیں رکوں گا، اسے میرا فیصلہ کہہ لیں یا مجبوری، بہر حال .... یہ جو زندگی ہے نا، بھیا! سمندر کی طرح ہے جس کے دھاروں پر ہم سب بہہ رہے ہیں، ہاتھ پاؤں مار رہے ہیں اور بھیا، اس سمندر میں جزیرے بھی ہیں جن پر محبت، پیار، خلوص، نفرت ، منافقت کی اور پتہ نہیں کون کون سی ہوائیں چلتی ہیں۔ اور دھارے ہمیں ان جزیروں پر لا پھینکتے ہیں ... مجھے بھی تو ایک ایسے ہی دھارے نے یہاں لا پھینکا ہے۔ میں خود بھی یہی چاہتا تھا شاید۔ اس لئے کہ... مجھے امید تھی! یہاں محبت اور خلوص کی بارشیں ہوں گی، مگر ...خیر! میں ابھی مایوس نہیں ہوا ۔ میں کسی اور جزیرے کی طرف سفر کروں گا، میں ڈھونڈوں گا کوئی اور جزیرہ! یہاں نہیں رکوں گا۔ یہاں بھی بیگانگی کے چھینٹے پڑتے ہیں اور گیلی زمین پر میرے پاؤں پھسل رہے ہیں۔ اس سے پہلے کہ کوئی بے رحم موج مجھے گھسیٹ کر لے جائے، میں خود ہی سمندر میں کود پڑوں گا۔
آپ کو پتہ ہے بھیا، جب بابا مرے تھے تو اماں کتنا روئی تھیں! بابا تو ایک برِاعظم تھے بھیا ، سبھی بابا برِ اعظم ہوتے ہیں۔ اس برِاعظم پر اماں نے گھنی چھاؤں کر رکھی تھی اور اسی چھاؤں میں پل کر ہم سب جوان ہوئے۔ اماں نے مجھ سے کہا تھا ’’نہ رو، میرے چاند! نہ رو۔ مَردوں پر آزمائشیں آیا کرتی ہیں۔ تُو روئے گا تو مجھے کون چپ کرائے گا؟ اور پگلے، تیرا بھائی بھی تو ہے، وہ تجھے باپ کا سایہ فراہم کرے گا۔ وہ میرا بیٹا ہے، میں اسے جانتی ہوں، میرے چندا! میرا بیٹا تجھے باپ کی یاد نہیں آنے دے گا‘‘۔ مگر، میں اماں کو کیا کہتا! وہ تو خود رو رہی تھیں۔ لیکن بھیا! ہچکیوں کے درمیان جو باتیں اماں نے کہی تھیں وہ کیا ہوئیں؟ کیا اماں وہ باتیں بھی ساتھ لے گئیں؟
جب اماں مریں تو میں شہر میں تھا۔ مجھے ٹیلیفون پر اطلاع ملی تھی کہ جزیرہ، براعظم، گھنی چھاؤں، سب کچھ سمندر میں ڈوب گیا ! میرے پاؤں تلے زمین نہیں تھی، سمندر کی بپھری ہوئی موجیں تھیں۔ اماں نے آپ سے کچھ تو کہا ہو گا، کم از کم میرے بارے میں ضرور کہا ہو گا! آپ ہی کہا کرتے تھے ’’اماں! یہ تمہیں بہت پیارا ہے، کیا میں تمہارا بیٹا نہیں ؟‘‘ اماں نے میرا ذکر موت کے منہ میںآ کر بھی کیا ہو گا۔ آپ کو نصیحت کی ہو گی کہ اپنے چھوٹے بھائی کا خیال رکھنا! کیوں بھیا، انہوں نے اسی طرح کہا تھا، نا؟
اماں کے مرنے سے تین دن پہلے کی بات ہے، میں شہر سے مچھلی لایا تھا۔ بانو مچھلی پکانے لگی تو میں نے کہا ’میں خود پکاؤں گا‘۔ اماں نے مجھے کیا کچھ نہیں سکھا دیا تھا! پتہ نہیں بھیا، کیا بات تھی اس مچھلی میں! میں نے بھی چکھا تھا اُسے، اتنی مزے دار چیز میں نے آج تک نہیں کھائی۔ اماں کو کوئی شے حلق سے نیچے نہیں اترتی تھی مگر وہ ساری مچھلی کھا گئیں، بھیا! مجھے جو سرور اس وقت ملا، وہ حاصلِ زندگی ہے، میرے لئے۔تو بھیا! سمندر کی ان سرکش موجوں کے بیچوں بیچ میں نے ایک جزیرہ دیکھا تھا، گھنی چھاؤں والا جزیرہ۔ میں موجوں سے لڑتا ہوا اس جزیرے کی طرف بڑھا چلا آیا۔ مجھے یاد ہے، ایک دفعہ آپ نے مجھے گالی دی تھی۔ میں برداشت نہ کر سکا اور گالی پلٹ دی۔ میں نے بہت برا کیا تھا، بھیا! میں آج بھی شرمندہ ہوں۔ میں نے بہت برا کیا تھا، میری آنکھیں شرم سے جھک گئی تھیں مگر گالی میرے منہ سے نکل چکی تھی۔ پھر ... ایک، دو، تین، چار، پانچ ... میرے دونوں گالوں پر تھپڑوں کی بارش شروع ہو گئی۔ وہ ہاتھ آپ کے تھے، محنت اور مشقت کے عادی، پختہ ہاتھ۔ مجھے معلوم تھا آپ ماریں گے، اس لئے تکلیف کے باوجود مجھے رونا نہیں آیا مگر میں اماں کی بات سن کر رو دیا تھا ’’اے ہے، پھول سے بچے کو مار مار کر ہلکان کر دیا! جا، باہر دفع ہو جا بے رحم کہیں کے! شرم نہیں آتی چھوٹے بھائی کو مارتا ہے؟ کل اسے سنبھالنا پڑ گیا تو جانے کیا کرے گا!‘‘میں اپنے کئے پر نادم ہو کر روتا رہا، یا شاید کسی ان جانے خدشے سے۔ اماں سمجھ رہی تھیں بچہ تکلیف کی وجہ سے روتا ہے۔ مجھے آپ کی محبت اور خلوص پر اس وقت بھی کوئی شک نہیں تھا۔
پھر آپ باہر چلے گئے اور جب وطن واپس لوٹے تو میری شادی ہو چکی تھی۔ میں آپ کا انتظار کرنا چاہتا تھا مگر آپ ہی نے تو لکھا تھا کہ شادی فوراً کر لو۔ مجھے آپ کے حکم کی تعمیل کرنا پڑی، با دلِ ناخواستہ! آپ کی آمد کی اطلاع کچھ دن پہلے ملی، بانو میکے گئی ہوئی تھی میں اسے لینے گیا تھا ۔ آپ پروگرام سے پہلے آ گئے پھرڈھکے چھپے لفظوں میں اس بات کا گلا بھی کیا، حالانکہ میں بانو سمیت آپ کا استقبال کرنا چاہ رہا تھا۔ میں نے محسوس کیا کہ تب سے آپ نے مجھے جھڑکنا چھوڑ دیا اور نظر انداز کرنے لگے، پتہ نہیں کیوں! کتنے سال ہو گئے ہیں اس بات کو، مگر بھیا! یہ باتیں میں آپ سے کر رہا ہوں یا اپنے آپ سے؟ آپ سے یہ سب کچھ میں کیسے کہہ سکتا ہوں کہ آپ کا احترام آڑے آتا ہے۔
میں آج صبح یہاں آیا تھا کہ چلو بھائی نظر انداز کر بھی دے تو بھابی سے ملوں گا، بچوں سے مل کر ’’اوٹنا لگوٹنا‘‘ اور’’ لُکن میٹی‘‘ کھیلوں گا۔مگر یہاں تو سب کچھ بدل گیا ہے۔ اسی لئے میں نے فیصلہ کر لیا ہے کہ یہاں نہیں رکوں گا۔ اس جزیرے پر بھی سیلن آ گئی ہے اور میرا دم گھٹتا ہے۔ بھیا! میں تو آپ کا بھائی ہوں، وہی چھوٹا بھائی۔ بھابی سے مجھے توقع تھی کہ میرے سر پر ہاتھ پھیریں گی ’وِیر کیا حال ہے تیرا، وِیر تو اتنی دیر بعد آیا ہے ..‘ مگر ایسا نہیں ہوا۔ انہوں نے اپنے لہجے میں مٹھاس ڈالنے کی کوشش تو کی، لیکن چہرہ ساتھ نہ دے سکا۔ بچے، البتہ، مجھے اچھے لگے۔ بہتی ناکیں، گنے کی سفیدی سے لتھڑے گال، مٹی میں اٹے پاؤں مگر دل شیشے سے بڑھ کر شفاف، اور آئینے سے زیادہ سچے۔ بھیا! بچے سچے ہوتے ہیں! شاید اسی لئے میں اب تک یہاں ہوں۔
آپ کو یاد ہو گا، جب بڑی آپا نے بیٹی کی ڈولی اٹھوائی تھی، میں نے بھی دبے لفظوں میں آپ سے کچھ کہا تھا۔ بھلا آپ بھول سکتے ہیں وہ بات؟میں نے کہا تھا کہ آخر میری اپنی ایک شخصیت ہے۔ مجھے برادری میں اپنی شناخت خود کروانے دیں اور...۔ آپ برا مان گئے تھے اور پھر مجھ سے نہیں بڑی آپا سے کہا تھا ’وہ مجھ سے چھوٹا ہے، میں اس کا کہنا ماننے کا پابند نہیں ہوں، بڑا میں ہوں، وہ نہیں‘۔ آپ بڑے ہیں بھیا، اس سے انکار نہیں مگر آپ نے بھی تو بڑا ہونے کا حق ادا نہیں کیا۔ جانتا ہوں کہ یہ بات آپ کو پسند نہیں آئے گی۔ اتنا ضرور ہوا کہ رعب اور پڑے پن کی جگہ اجنبیت آ گئی۔ میں چولھے کے پاس بیٹھ کر بھابی سے چھین کر روٹی کھانا چاہتا ہوں، بچوں کی چٹکیاں لینا چاہتا ہوں مگر آپ نے میرے لئے یہاں بیٹھک میں گاؤ تکیہ لگا دیا ہے۔ میرے سامنے پندرہ برتنوں میں سات قسم کا کھانا آیا ہے، مگر میں جو کھانا چاہتا ہوں وہ اس میں نہیں ہے۔ یہ قورمہ، یہ بھنا ہوا گوشت ہزار لذیذ ہو، اس میں اپنائیت کا رس نہیں ، تکلف کی مرچیں بھری ہوئی ہیں۔ یہ برف والا پانی میرے گلے میں پھانس بن رہا ہے۔ مجھے لسی چاہئے،گھر کی وہی ’’کھٹّی‘‘ لسّی جو آپ نے واپس کرا دی ہے۔مکئی کی ’’چھلیاں‘‘ خود چولھے پر بھون کر کھانے کو جی للچاتا ہے۔ لیکن آپ کا پر تکلف رویّہ مجھے اظہار کی اجازت نہیں دیتا۔
’’اوئے نِکُّو! جا، چاچا کے لئے ہٹی سے سگرٹ لے آ‘‘ آپ نے ابھی بچے کو بھیج دیا ہے۔ بھیا! حقہ کدھر ہے؟ میں خود اس کی چلم بھروں گا، مجھے بتائیے یہ سب کچھ کہاں رکھا ہے۔ میں نے بچے کو اندر بھیجا کہ اپنی امی کو یہاں بلا لائے تو اس خدا کی بندی نے وہیں بیٹھے آواز دی’ ’کیا ہے! یہاں آ جاؤ۔‘‘ احمق کہیں کی! میں آپ کی مرضی کے بغیر اس بے تکلف ماحول میں کیسے جا سکتا ہوں۔ میں نے ننھی بھتیجی کو گود میں لے لیا تو آپ نے بچی کو جھڑک دیا! ’’چل! چاچا کے کپڑے گندے نہ کر!‘‘ یہ آپ نے کیا کر دیا بھیا! یہ رویہ کیوں اپنا لیا آپ نے؟ میں نے پھر بانو کو آواز دی تو اسے میری بات سننے کے لئے آنا پڑا۔
’’چلو، تیار ہو جاؤ۔ بچوں کو بھی تیار کرو، واپس چلتے ہیں‘‘ وہ ہکا بکا رہ گئی
’’ایں؟ آپ کو یکا یک یہ کیا ہوا؟ ابھی تو آئے ہیں، اور...‘‘
’’بس! میں نے کہا نا! تیار ہو جاؤ، چلو!‘‘
’’پھر بھی! کوئی بات ہو، تو!‘‘
’’میں یہاں نہیں .... ‘‘ اور عین وقت پر میری زبان رک گئی۔ اچھا ہوا لفظ مر گئے ورنہ وہ سمجھتی کہ میں اپنے بھیا سے متنفر ہو گیا ہوں۔ مجھے تو اس لفظ سے بھی خوف آتا ہے، بھیا! مجھے بیگانگی سے وحشت ہوتی ہے۔ مگر یہ اجنبیوں کا سا سلوک بھی مجھ سے برداشت نہیں ہوتا۔
اور اب .. وہ دوسرے دروازے سے باہر جا رہی ہے، میری بچی آ رہی ہے ’آئیے ابو، چلیں‘ مگر اس کا چہرہ کیوں سُتا ہوا ہے؟ کوئی سوچ اس کے ذہن میں بھی آئی ہو گی، میری طرح۔ ... لائیے بھیا، اپنا دایاں ہاتھ بڑھائیے مصافحہ کے لئے، ہاں! صرف مصافحہ کے لئے! اور میں اپنی آنکھیں آپ سے چھپا لوں گا، منہ پھیر کر، تا کہ آپ ان میں اترے سمندر کو نہ دیکھ سکیں۔ میں اس سمندر میں کسی جزیرے کی تلاش میں نظریں دوڑاتا ہوں۔ ایک بھیگا سا عکس ابھرتا ہے۔ ایک اور جزیرہ! کچھ بچے اس جزیرے پر کھیل میں مگن ہیں۔ میں جنگل بن کر اس جزیرے پر چھا جاتا ہوں اور میری نظریں تناور درختوں کی جڑوں کی طرح اس کی مٹی میں کھب جاتی ہیں۔ وہ سرزمین مجھ سے مخاطب ہوتی ہے ’’یہ، یہ آپ کس طرح دیکھ رہے ہیں، مجھے؟‘‘ میں چونک پڑتا ہوں۔ یہ تو بانو کی آواز ہے۔ میں بات بنانے کے لئے کہتا ہوں: ’’لگتا ہے آج پہلی بار دیکھا ہے تجھے‘‘ چھ بچوں کی ماں کسی نئی نویلی دلہن کی طرح شرما جاتی ہے: ’’بڑے وہ ہیں آپ‘‘ اور میں بے اختیار مسکرا دیتا ہوں۔ ابھی ایک جزیرہ باقی ہے!
محمد یعقوب آسی
محمد یعقوب آسی
محفلین
کچھ عمر کا تقاضا ہے صاحب، اور کچھ عادت ہی ایسی ہے۔
دعاؤں میں یاد رکھا کریں۔
محمد یعقوب آسی
محفلین
اب کے تو وہ ’’ آخری جزیرہ ‘‘ بھی نہیں رہا، محمدعلم اللہ اصلاحی صاحب۔ اللہ مرحومہ کی مغفرت فرمائے، آمین!
یہ افسانہ (جو درحقیقت میری زندگی کا سب سے بڑا سچ ہے) فیس بک پر لگانے کے پیچھے شاید کوئی خود اذیتی کارفرما تھی یا مرحومہ کی یاد تازہ رکھنے کا ایک جذبہ تھا، اللہ جانے کیا تھا۔
آخری تدوین:
محمد یعقوب آسی
محفلین
’’فاعلات‘‘ کا تیسرا (انٹرنیٹ) ایڈیشن، تقریباً تیار ہو چکا ہے، کچھ تصویری کام باقی ہے۔
ان شاء اللہ اسی ماہ پیش کر دوں گا۔ فی الوقت اپنا ہی تجویز کردہ ٹائٹل یہاں پوسٹ کرتا ہوں۔
ان شاء اللہ اسی ماہ پیش کر دوں گا۔ فی الوقت اپنا ہی تجویز کردہ ٹائٹل یہاں پوسٹ کرتا ہوں۔
ابن رضا
لائبریرین
بہت نفیس سرورق ہے ۔ مبارک هو استاد محترم۔ یہ عکس آپ کا ہے؟ اور یہ کتاب کب آن نیٹ کر رہے ہیں۔ تا کہ جلد سے جلد مستفید ہوا جا سکے ۔ سید ذیشان بھائی مضامین کے سیکشن میں یہ اضافہ نوٹ فرمالیجیے۔’’فاعلات‘‘ کا تیسرا (انٹرنیٹ) ایڈیشن، تقریباً تیار ہو چکا ہے، کچھ تصویری کام باقی ہے۔
ان شاء اللہ اسی ماہ پیش کر دوں گا۔ فی الوقت اپنا ہی تجویز کردہ ٹائٹل یہاں پوسٹ کرتا ہوں۔
آخری تدوین:
محمد یعقوب آسی
محفلین
جی، الحمد للہ ۔۔۔
جلد ہی ان شاء اللہ ۔۔۔۔
ابن رضا
لائبریرین
استادِ محترم یہ عقبی صفحے پر جو یہ چند سطور انگریزی میں ہیں ان کا فانٹ اور کمپوزنگ کچھ توجہ طلب رہ گئی ہے۔ ان کو بھی کسی نفیس فانٹ میں ٹائپ کروائیں تا کہ مزید بہتر نظر آئے
محمد یعقوب آسی
محفلین
لیجئے صاحبان و صاحبات!’’فاعلات‘‘ کا تیسرا (انٹرنیٹ) ایڈیشن، تقریباً تیار ہو چکا ہے، کچھ تصویری کام باقی ہے۔
ان شاء اللہ اسی ماہ پیش کر دوں گا۔ فی الوقت اپنا ہی تجویز کردہ ٹائٹل یہاں پوسٹ کرتا ہوں۔
ایک اور مرحلہ سر ہوا۔ بفضلہٖ تعالٰی
’’فاعلات : اردو عروض کا نیا نظام‘‘
تیسرا انٹرنیٹ ایڈیشن ۲۰۱۴
مصنف : محمد یعقوب آسیؔ
مکمل کتاب کی پی ڈی ایف فائل تیار ہو گئی۔ آج کسی بھی وقت http://www.aruuz.com/ پر پہنچ جائے گی۔ ان شاء اللہ۔
یہ تو سید ذیشان ہی بتائیں گے کہ وہاں سے ڈاؤن لوڈ کیسے ہو سکے گی۔ مزید سائٹس پر بھی اپ لوڈ کرنے کی کوشش میں ہوں۔تیسرا انٹرنیٹ ایڈیشن ۲۰۱۴
مصنف : محمد یعقوب آسیؔ
مکمل کتاب کی پی ڈی ایف فائل تیار ہو گئی۔ آج کسی بھی وقت http://www.aruuz.com/ پر پہنچ جائے گی۔ ان شاء اللہ۔
مطالعہ فرمائیے گا، دعائیں بھی دیجئے گا، رائے بھی اور مشورے بھی۔ بلکہ بہتر کی طرف راہنمائی فرمائیے گا۔
اللہ کریم حقیقی مسرتوں سے مالامال فرمائے، آمین!
محمد یعقوب آسی
محفلین
ابھی بہت کچھ کرنا باقی ہے صاحب۔
وہ جیسا میں نے عرض کیا تھا نا، یہ گزارہ برانڈ ہے۔ اور زمینی اشاعت میں تو ابھی بہت سے مراحل باقی ہیں۔
کتاب فوری طور پر یہاں دست یاب ہے۔
http://www.4shared.com/web/preview/doc/zXEfl_0Uba?
یہ کیا کم ہے؟ کہ میں نے اپنے طور پر جیسا ہو سکا ایک ٹائٹل بنایا اور وہ آپ کو بھا گیا، جن کا شعبہ ہی آرٹ ہے! بہت آداب۔
محمد یعقوب آسی
محفلین
یہ ڈیزائننگ تو میں نے جیسی ہو سکی کر لی۔ کتاب چھپنے کی نوبت آتی ہے تو ان شاء اللہ کسی پروفیشنل کی خدمات حاصل کریں گے۔
کتاب میں نے سید ذیشان صاحب کو بھیج دی ہے اور یہاں بھی رکھ دی ہے:
http://www.4shared.com/web/preview/doc/zXEfl_0Uba?
گزارہ برانڈ ایڈیشن ڈاؤن لوڈ کیا جا سکتا ہے۔
ابن رضا
لائبریرین
تشکر بسیار استاد محترم. امید هے که آپ کی یه تخلیق مبتدیوں کے لیےایک بھترین رهنما ثابت هوگی. الله آپ کے علم میں برکتیں عطا کرے آمین. سلامت رهیے.جزاک الله.
محمد یعقوب آسی
محفلین
کوشش تو یہی رہی ہے کہ مبتدی کے لئے ممکنہ حد تک آسانی کا اہتمام کر سکوں۔ در اصل جب میں یہ کام کر رہا تھا، تب میں کسی مبتدی سے بھی زیادہ مبتدی تھا (مبتدی تو اب ہوا ہوں) اور جو چیز، جو بات مجھے مشکل لگی، میں نے اس کو اس حد تک ضرور آسان کرنے کی کوشش کی کہ میں خود اس کو سمجھ سکوں۔
آپ کے جذبات کی قدر کرتا ہوں۔
ابن رضا
لائبریرین
جی دراصل عروض پر لکھی گئی تصانیف بڑی پیچیده قسم کی هیں که مجھ جیسا طفل مکتب ایسی تکنیکی پیچیدگیوں سے دور بھاگتا هے اور اس لیے اپنے پروان چڑھنے کے راستے بند کر بیٹھتا هے. عام فهم انداز میں کی گئی ایسی کاوشیں مجھ جیسوں کے لیے ناصرف مفید هیں بلکه عروض کی طرف رجحان سازی کا عمده ذریعه بھی هیں.
محمد یعقوب آسی
محفلین
سید ذیشان
محفلین
آسی صاحب کی فاعلات سائٹ پر اپلوڈ ہو چکی ہے. اس لنک پر پڑهی بهی جا سکتی ہے اور ڈاونلوڈ بهی کر سکتے ہیں.
http://aruuz.com/Resources/Article/14
http://aruuz.com/Resources/Article/14
محمد یعقوب آسی
محفلین
بہت عمدہ جناب !!