فراز یہ کیسی رُت ہے

[حسان خان]

یہ کیسی رُت ہے​

کہ ہر شجر​

صحنِ گلستاں میں​

ملول و تنہا سلگ رہا ہے​

طیور چپ چاپ کب سے منقار زیرِ پر ہیں​

ہوائیں نوحہ کناں​

کہ اس باغ کی بہاریں​

گئیں تو پھر لوٹ کر نہ آئیں​

یہ کیسی رُت ہے​

نہ برف باری کے دن​

کہ شاخوں کے پیرہن پر​

سپیدۂ صبح کا گماں ہو​

نہ فصلِ گُل ہے​

کہ ہر طرف شورِ جانفروشاں سے​

کوئے محبوب کا سماں ہو​

نہ دور پت جھڑ کا ہے​

کہ بے جان کونپلوں کو​

امیدِ فردائے مہرباں ہو​

​

یہ کیسی رُت ہے​

کوئی تو بولے​

کوئی تو دھڑکے​

کوئی تو بھڑکے​

​

(احمد فراز)​

 

[زبیر مرزا]

یہ کیسی رُت ہے
کہ ہر شجر
صحنِ گلستاں میں
ملول و تنہا سلگ رہا ہے
یا یوں ہے کہ
وہ قیامتیں جو گزرگئیں تھیں امانتیں کئی سال کی
ہے منیرتیری نگاہ میں کوئی بات گہرے ملال کی

 

[امیداورمحبت]

یہ کیسی رُت ہے
کوئی تو بولے
کوئی تو دھڑکے۔۔
زبردست