یزیدی نظام ۔۔۔ عارف سیمابی

[الف نظامی]

جب یزیدی نظام ہوتا ہے

دہر میں ظلم عام ہوتا ہے​

جورِ بیداد ، جبر ، استبداد

ہر ستم صبح و شام ہوتا ہے​

حق کی توہین عام ہوتی ہے

کفر کا احترام ہوتا ہے​

عقل ہوتی ہے کارسازِ حیات

عشق سودائے خام ہوتا ہے​

مے کشی تو حلال ہوتی ہے

ذکرِ کوثر حرام ہوتا ہے​

اتنے ہوتے ہیں کارواں کے امام

کارواں بے امام ہوتا ہے​

انحرافِ اصولِ مذھب کا

خوبصورت سا نام ہوتا ہے​

اک طرف بھوک رقص کرتی ہے

اک طرف رقصِ جام ہوتا ہے​

عیش ملتا ہے خاص لوگوں کو

غم نصیبِ عوام ہوتا ہے​

روحِ شبیر جاگ اٹھتی ہے

ختم باطل نظام ہوتا ہے​

متقی، بے غرض ، نڈر ، ہشیار

کارواں کا امام ہوتا ہے​

دور مٹتا ہے بربریت کا

ظلم کا اختتام ہوتا ہے​

ٹوٹ جاتا ہے زور وحشت کا

شر کا قصہ تمام ہوتا ہے​

شیطنت بے نشان ہوتی ہے

آدمیت کا نام ہوتا ہے​

ہوسِ اقتدار گھٹتی ہے

جذبہ خیر عام ہوتا ہے​

فرقِ سرخ و سپید مٹتا ہے

عادلانہ نظام ہوتا ہے​

شغلِ جام و شراب کے بدلے

زہد و تقوی سے کام ہوتا ہے​

وسعتِ بیکراں میں پُرافشاں

طائرِ زیر دام ہوتا ہے​

مفلسی اور بھوک مٹتی ہے

ذکرِ رب الانام ہوتا ہے​

روح بھی شاد کام ہوتی ہے

جسم بھی شاد کام ہوتا ہے​

 

[الف نظامی]

جب یزیدی نظام ہوتا ہے
دہر میں ظلم عام ہوتا ہے

جورِ بیداد ، جبر ، استبداد
ہر ستم صبح و شام ہوتا ہے

حق کی توہین عام ہوتی ہے
کفر کا احترام ہوتا ہے

عقل ہوتی ہے کارسازِ حیات
عشق سودائے خام ہوتا ہے

مے کشی تو حلال ہوتی ہے
ذکرِ کوثر حرام ہوتا ہے

اتنے ہوتے ہیں کارواں کے امام
کارواں بے امام ہوتا ہے

انحرافِ اصولِ مذھب کا
خوبصورت سا نام ہوتا ہے

اک طرف بھوک رقص کرتی ہے
اک طرف رقصِ جام ہوتا ہے

عیش ملتا ہے خاص لوگوں کو
غم نصیبِ عوام ہوتا ہے

روحِ شبیر جاگ اٹھتی ہے
ختم باطل نظام ہوتا ہے

متقی، بے غرض ، نڈر ، ہشیار
کارواں کا امام ہوتا ہے

دور مٹتا ہے بربریت کا
ظلم کا اختتام ہوتا ہے

ٹوٹ جاتا ہے زور وحشت کا
شر کا قصہ تمام ہوتا ہے

شیطنت بے نشان ہوتی ہے
آدمیت کا نام ہوتا ہے

ہوسِ اقتدار گھٹتی ہے
جذبہ خیر عام ہوتا ہے

فرقِ سرخ و سپید مٹتا ہے
عادلانہ نظام ہوتا ہے

شغلِ جام و شراب کے بدلے
زہد و تقوی سے کام ہوتا ہے

وسعتِ بیکراں میں پُرافشاں
طائرِ زیر دام ہوتا ہے

مفلسی اور بھوک مٹتی ہے
ذکرِ رب الانام ہوتا ہے

روح بھی شاد کام ہوتی ہے
جسم بھی شاد کام ہوتا ہے​

​

(عارف سیمابی)​