ہنگامہ بہ دوش آئے، طوفاں بہ کِنار آئے - سید محمد وجیہ السیما عرفانیؒ

ہنگامہ بہ دوش آئے، طوفاں بہ کِنار آئے
جیسے بھی وہ جب آئے، آئے تو قرار آئے

وُہ صبحِ تجلّی ہے، وُہ نور کا پیکر ہے
جبریلِ محبّت! تُو نازل ہو، کہ یار آئے

میں کِشتِ محبّت ہوں، میں عشق کا دریا ہوں
اے تُو کہ ھمہ تُو ہے، آ، آ، کہ بہار آئے

اے محشرِ یکتائی، اے حاصلِ زیبائی
ہم دردِ دل و جاں بھی تیری راہوں پہ وار آئے

ہم تا درِ جانانہ پھر سجدہ کُناں پہنچے
ہم اَز درِ جانانہ پھر سجدہ گزار آئے

عرفانئِ چِشتی تک پھر پیک کرم پہنچا
اے یار ھمہ یاراں پھر پیار سا پیار آئے


سید محمد وجیہ السیما عرفانیؒ
 
Top