کوئی تیر دل میں اُتر گیا کوئی بات لب پہ اٹک گئی۔آصف اقبال

[عمر سیف]

کوئی تیر دل میں اُتر گیا کوئی بات لب پہ اٹک گئی​

اے جنون تُو نے بُرا کیا، مری سوچ راہ سے بھٹک گئی​

​

بڑھے روح و جسم کے فاصلے یہاں عزتوں کی تلاش میں​

جو کلی نویدِ بہار تھی، وہی باغباں کو کھٹک گئی​

​

چلے جس کو تھے سبھی نوچنے یہاں باغبان و گُل و ثمر​

وہ کلی اُمیدِ سحر بنی، وہ کلی تو پھر بھی چٹک گئی​

​

یہاں زندگی کی تلاش میں کئی ماہ و سال گزر گئے​

مری سوچ تختہءِ دار پر جو لٹک گئی سو لٹک گئی​

​

آصف اقبال​