ایاز صدیقی کاش اول ہی سے دل ان کا ثنا خواں ہوتا

[مہ جبین]

کاش اول ہی سے دل ان کا ثنا خواں ہوتا​

میرا دیوانِ غزل نعت کا دیواں ہوتا​

​

میں بھی جاروب کشِ شہرِ گل افشاں ہوتا​

میری بخشش کا بھی یارب یہی عنواں ہوتا​

​

میری تعمیر میں شامل ہے غمِ عشقِ رسول​

میں بھلا کیسے خرابِ غمِ دوراں ہوتا​

​

میری آنکھوں میں ہیں انوارِ شبیہہ سرکار​

آئینہ کیوں نہ مجھے دیکھ کے حیراں ہوتا​

​

ناخدا تھے مرے محبوبِ خدا صلِّ علےٰ​

سر اٹھاتا تو خجل موجہء طوفاں ہوتا​

​

میرا ایماں ہے مجھے نیند نہ آتی تا حشر​

میرے دل پر جو نہ دستِ شہِ دوراں ہوتا​

​

ان کی محفل میں جنوں ہوش میں ڈھل جاتا ہے​

ہار کرنوں کا مرا چاک گریباں ہوتا​

​

عشقِ سرکار کی دولت جو نہ ملتی تو ایاز​

بے سرو پا نہ سہی بے سر و ساماں ہوتا​

​

ایاز صدیقی​

 

[عاطف بٹ]

بہت خوب۔ جزاک اللہ خیرا آپا۔

 

[نایاب]

سبحان اللہ
کیا خوب جذب بھری خواہش ہے

میں بھی جاروب کشِ شہرِ گل افشاں ہوتا​

میری بخشش کا بھی یارب یہی عنواں ہوتا​