جوش پھر اُس طرف چلا ہوں

[حسان خان]

پھر اُس طرف چلا ہوں فسانہ لیے ہوئے​

ماضی کا ہر نفس میں ترانہ لیے ہوئے​

​

پھر جا رہا ہوں جانبِ معمورۂ طرب​

ویران دل میں غم کا خزانہ لیے ہوئے​

​

پھر خود سے مکر کر کے رواں ہوئے سوئے نگار​

سیر و سفر کا دل میں بہانہ لیے ہوئے​

​

پھر کوئے سرخوشی کی طرف بڑھ رہا ہوں میں​

شعر و شراب و چنگ و چغانہ لیے ہوئے​

​

پھر جا رہا ہوں ذہنِ خرد آرمیدہ میں​

بھولا ہوا جنوں کا زمانہ لیے ہوئے​

​

پھر بزمِ رنگ و بو کی طرف مڑ رہا ہے دل​

خوں گشتہ زندگی کا فسانہ لیے ہوئے​

​

پھر گامزن ہوں میکدۂ دوش کی طرف​

رفتار میں خُمارِ شبانہ لیے ہوئے​

​

کیا نازِ عشق ہے کہ اُدھر جا رہا ہوں جوش​

اس فقر پر بھی طبعِ شہانہ لیے ہوئے​

​

(جوش ملیح آبادی)​

۱۹۳۰ء​

 

[محمد وارث]

شکریہ جناب ارسال فرمانے کیلیے