دھرتی بلدی ، حسرت دے ہتھ ملدی
اک رحمت دی کنی پوے تے پھلدی
رب ولوں جد پوے تجلی دل تے
کوئی گل فر نعت دے اندر چلدی
-
بوصیری دی طرز جے کر ہتھ آوے
تاں ہر مصرع قرب حضوری پاوے
انج اے نسبت نال ثنا دے ساڈی
ہک ڈبدا بیڑا بنے لگ جاوے
-
ہر اک رشتے دا پیار اپنی تھاں اے
پیار اس دا بس جسدا محمد ناں اے
سچ پچھو تے پیار اس دے سمجھایا
بیٹا اے ، بھائی اے ، باپ اے ، ماں اے
-
خوش بخت نہ کوئی اوہدے ورگا ڈٹھا
جنے وی کدی گنبدِ خضرا ڈٹھا
سمجھو اوس آپ دی حیاتی اندر
سرکار دا نورانی چہرہ ڈٹھا
-
حضرت دی ناموس تے ہندے نیں فدا
امت دے سب عاصی تے نیک سدا
عالم دے رسول دی ہدایت دا چراغ
پُہنچاندا اے گھپ ہنیریاں تیک ضیا
-
لبھدے نیں کراماتاں ، لوکی بیکار
عاماں دی گل دا کیہ وچ فقر اتبار
اوہ دینی کم ہون کہ دُنیاوی کاج
آقا مِرے معیار نیں آقا معیار
-
چرچے نیں حرم توں لے کے او ادنی تک
کردے نیں فلک تے استقبال ملک
ایتھے پھیلی زمین تے چار طرف
سرکار دے اخلاق دی جاں بخش مہک
-
سانوں پیارے نیں جس قدر اہل و عیال
اوہناں توں ودھ کے پیار اے آپ دے نال
کردے نیں جو پیار امت دے نال حضور
مل سکدی نئیں اوہدی زمانے تے مثال
-
سرکار دی سیرت اے سراپا اعجاز
جیون دے دسدی اے سُچجے انداز
انسانی اقدار دے چہرے دا جمال
مومن دی جُھکدی پیشانی دا نیاز
سوما (ماخذ) : آب و رنگ ، مجموعہ ء رباعیات (عربی ، فارسی ، اردو ، پنجابی) ، حافظ محمد افضل فقیراک رحمت دی کنی پوے تے پھلدی
رب ولوں جد پوے تجلی دل تے
کوئی گل فر نعت دے اندر چلدی
-
بوصیری دی طرز جے کر ہتھ آوے
تاں ہر مصرع قرب حضوری پاوے
انج اے نسبت نال ثنا دے ساڈی
ہک ڈبدا بیڑا بنے لگ جاوے
-
ہر اک رشتے دا پیار اپنی تھاں اے
پیار اس دا بس جسدا محمد ناں اے
سچ پچھو تے پیار اس دے سمجھایا
بیٹا اے ، بھائی اے ، باپ اے ، ماں اے
-
خوش بخت نہ کوئی اوہدے ورگا ڈٹھا
جنے وی کدی گنبدِ خضرا ڈٹھا
سمجھو اوس آپ دی حیاتی اندر
سرکار دا نورانی چہرہ ڈٹھا
-
حضرت دی ناموس تے ہندے نیں فدا
امت دے سب عاصی تے نیک سدا
عالم دے رسول دی ہدایت دا چراغ
پُہنچاندا اے گھپ ہنیریاں تیک ضیا
-
لبھدے نیں کراماتاں ، لوکی بیکار
عاماں دی گل دا کیہ وچ فقر اتبار
اوہ دینی کم ہون کہ دُنیاوی کاج
آقا مِرے معیار نیں آقا معیار
-
چرچے نیں حرم توں لے کے او ادنی تک
کردے نیں فلک تے استقبال ملک
ایتھے پھیلی زمین تے چار طرف
سرکار دے اخلاق دی جاں بخش مہک
-
سانوں پیارے نیں جس قدر اہل و عیال
اوہناں توں ودھ کے پیار اے آپ دے نال
کردے نیں جو پیار امت دے نال حضور
مل سکدی نئیں اوہدی زمانے تے مثال
-
سرکار دی سیرت اے سراپا اعجاز
جیون دے دسدی اے سُچجے انداز
انسانی اقدار دے چہرے دا جمال
مومن دی جُھکدی پیشانی دا نیاز