جاں نثار اختر پلا ساقیا ! بادۃ خانہ ساز - جاں نثار اختر

[عندلیب]

پلا ساقیا ! بادۃ خانہ ساز
کہ ہندوستاں پر رہے ہم کو ناز
محبت ہے خاک وطن سے ہمیں
محبت ہے اپنے چمن سے ہمیں
ہمیں اپنے صبحوں ، شاموں سے پیار
ہمیں اپنے شہروں کے ناموں سے پیار
ہمیں پیار اپنے ہر اک گاؤں سے
گھنے برگدوں کی گھنی چھاؤں سے
ہمیں پیار اپنی عمارات سے
ہمیں پیار اپنی روایات سے
ہمیں پیارہے اپنی تہذیب سے
ہمیں پیارہے اپنی ہر چیز سے
اٹھائے جو کوئی نظر کیا مجال
ترے رند لیں بڑھ کے آنکھیں نکال
سلامت رہیں اپنے دشت و دمن
رہے گنگناتا ہمارا گگن
نگاہیں ہمالہ کی اونچی رہیں
سدا چاند تاروں کو چھوتی رہیں

 

[محمد وارث]

واہ بہت خوب۔ شکریہ عندلیب صاحبہ

 

[عبدالحسیب]

عمدہ شراکت آپا

 

[سید زبیر]

بہت خوب انتخاب

سلامت رہیں اپنے دشت و دمن​

رہے گنگناتا ہمارا گگن​

نگاہیں ہمالہ کی اونچی رہیں​

سدا چاند تاروں کو چھوتی رہیں​

(آمین)​