پشاور کے معصوم شہیدوں کے نام

[عرفان سعید]

پشاور کے معصوم شہیدوں کے نام
عرفان سعید
ان معصوم پھولوں کے نام جو 16 دسمبر 2014 کو دہشت گردی کی آگ میں جلا دئیے گئے۔

ابابیلوں کو ابرہہ کے ہاتھیوں پر غالب کرنے والے!
طفلِ شیر خوار کی صندوق میں حفاظت کرنے والے!
نِیل کے دریاکو پھاڑ کر اپنے بندوں کو بچانے والے!
آتشِ نمرود سرد کر کےقوت کا معجزہ دکھانے والے!

تیری رحمتِ بے حساب سے،کیا یہ بعید تھا؟
تیری قدرتِ لا زوال سے، کیا یہ مُشکل تھا؟
تیری قوتِ بے پایاں سے، کیایہ محال تھا ؟
تیرے علمِ بے کراں سے، کیا یہ نا ممکن تھا؟

ماں کے جِگرگوشوں کو جِس نے پارہ پارہ کیا
اُن گولیوں کو بھی ذرا سی دیر کو موم کر دیتا
تیری جنت کے پُھولوں کوجِس نے جلایا
اُس آگ کو بھی ذرا سی دیر کو ٹھنڈاکر دیتا​

 

[ch farhan hussain]

تاریخ کہتی ہے قومیں ایسے ہی بنا کرتی ہیں ایک

 

[عرفان سعید]

تاریخ کہتی ہے قومیں ایسے ہی بنا کرتی ہیں ایک

فرحان صاحب! میں آپ کی بات کچھ سمجھ نہیں پایا۔ تکلیف کے لئے معذرت خواہ ہوں، لیکن آپ اپنی بات کی مزید وضاحت کر دیں تو بہت نوازش ہو گی۔

 

[ch farhan hussain]

بھای ہم جب تک اپنے دشمن کے خلاف ایک نہ ہوں گے ہم کبھی اسے ہرا نہیں سکتے اور جب بھی ایسا واقع ہوا ہر قوم متخد ہوی اور اس امتخان میں کامیاب ہوی پشاور سکول کے بچوں نے اپنی جان دے کر ہمیں پیغام دیا ہے کہ یہ سفاک لوگ زیادہ سے زیادہ جان لے سکتے ہیں تو جان دو مگر لڑ کے ڈر کے نہیں