محسن وقار علی
محفلین
فارم ہاؤس پر اسسٹنٹ سپرٹنڈنٹ جیل بھی تعینات کیا جائے گا جبکہ سیکیورٹی اسلام آباد پولیس کی جانب سے مہیا کی جائے گی۔ فوٹو: فائل
اسلام آباد: پرویز مشرف کے چک شہزاد کے فارم ہاؤس کو سب جیل قرار دیے جانے کا فیصلہ کرلیا گیا ہے۔
ایکسپریس نیوز کے نمائندے کے مطابق فارم ہاؤس کو سب جیل قرار دیے جانے کے بعد اس کا تمام کنٹرول نگراں پنجاب حکومت کے پاس ہوگا اور فارم ہاؤس پر اسسٹنٹ سپرٹنڈنٹ جیل بھی تعینات کیا جائے گا جبکہ سیکیورٹی اسلام آباد پولیس کی جانب سے مہیا کی جائے گی۔
واضح رہے کہ اسلام آباد ہائی کورٹ کی جانب سے ججز نظر بندی کیس میں عبوری ضمانت میں توسیع نہ ہونے اور گرفتاری کے حکم کے بعد سابق صدر پرویز مشرف عدالتی احاطے سے اپنے چک شہزاد فارم ہاؤس فرار ہوگئے تھے۔
عدالت نے اپنے تحریری فیصلے میں کہا تھا کہ ججوں کو نظر بند کرنا دہشتگردی کے زمرے میں آتا ہے، پرویز مشرف کے فرار ہونے کی ذمہ دار پولیس ہے، عدالت نے پولیس سے کل تک پرویز مشرف کو فرار کرنے والے اہلکاروں کے خلاف کارروائی کے بارے میں رپورٹ بھی طلب کرلی ہے۔
بہ شکریہ روزنامہ ایکسپریس