حسینی
محفلین
حق کا رستہ بڑا کٹھن ہے
۔۔۔۔۔۔۔۔۔۔۔۔۔۔
میں جانتی ہوں کہ
حق کا رستہ بڑا کٹھن ہے
مگر میں ان خار زار راہوں کو طے کروں گی
یہ وہ سفر ہے
جو ان گلوں سے سجا نہیں ہے
جو اپنی مہکار ندیوں میں بکھیرتے ہیں
مگر مرا تو یہ فیصلہ ہے
چلوں گی کانٹوں پہ خوں بہے گا
رہ ِصداقت پہ اک نیا نقش پا بنے گا۔
۔۔۔۔۔۔۔۔۔۔۔۔۔۔۔۔۔۔۔
میں ان شگوفوں کو جانتی ہوں
پیامِ فصل بہار بن کر
مجاہدوں کا وقار بن کر
ہجومِ گل میں رہیں جو تنہا
۔۔۔۔۔۔۔۔۔۔۔۔۔۔۔۔۔۔
میں جانتی ہوں کہ
حق کی نصرت وفا کے خوگر سپاہیوں کے لیے رہی ہے
اگرچہ تھوڑے ہوں وہ سپاہی، وفا کے راہی
۔۔۔۔۔۔۔۔۔۔۔۔۔۔۔۔۔۔
میں جانتی ہوں کہ
حق ہمیشہ رہا ہے باقی
ہے جو بھی اس کے خلاف،
بے شک اسے تباہی کا سامنا ہے
اسی لیے تو ہے میرا پیماں
کہ میں تو اسلام پر جیوں گی
رہ حقیقت پہ جان دوں گی
۔۔۔۔۔۔۔۔۔۔۔۔۔۔۔۔۔
مری رگوں میں لہو ہے جب تک
ہر ایک باطل کا، ہر دغاکا
شدید انکار ہی کروں گی
میں جانتی ہوں کہ حق کا رستہ بڑا کٹھن ہے۔
۔۔۔۔۔۔۔۔۔۔۔۔۔۔۔۔۔۔
(شہیدہ سیدہ بنت الہدی کی عربی نظم کا منظوم ترجمہ ثاقب اکبر صاحب نے کیا ہے)
سیدہ بنت الہدی عراق کے مشہور عالم شہید باقر الصدر (صاحب کتاب اقتصادنا اور فلسفتنا) کی بہن ہیں۔ آپ ١٩٣٧ء میں پیدا ہوئیں۔ عربی زبان کی بہت بڑی ادیبہ تھیں۔ آپ کے ناولز کا مجموعہ چھپ چکا ہے جو ذیل میں دئے گئے لنک میں پڑھا جا سکتا ہے۔ آپ کو اور آپ کے بھائی کو عراق کے اس وقت کے حکمران صدام حسین نے ١٩٨٠ء میں بہت زیادہ مظالم کے بعد شہید کروایا۔
۔۔۔۔۔۔۔۔۔۔۔۔۔۔
میں جانتی ہوں کہ
حق کا رستہ بڑا کٹھن ہے
مگر میں ان خار زار راہوں کو طے کروں گی
یہ وہ سفر ہے
جو ان گلوں سے سجا نہیں ہے
جو اپنی مہکار ندیوں میں بکھیرتے ہیں
مگر مرا تو یہ فیصلہ ہے
چلوں گی کانٹوں پہ خوں بہے گا
رہ ِصداقت پہ اک نیا نقش پا بنے گا۔
۔۔۔۔۔۔۔۔۔۔۔۔۔۔۔۔۔۔۔
میں ان شگوفوں کو جانتی ہوں
پیامِ فصل بہار بن کر
مجاہدوں کا وقار بن کر
ہجومِ گل میں رہیں جو تنہا
۔۔۔۔۔۔۔۔۔۔۔۔۔۔۔۔۔۔
میں جانتی ہوں کہ
حق کی نصرت وفا کے خوگر سپاہیوں کے لیے رہی ہے
اگرچہ تھوڑے ہوں وہ سپاہی، وفا کے راہی
۔۔۔۔۔۔۔۔۔۔۔۔۔۔۔۔۔۔
میں جانتی ہوں کہ
حق ہمیشہ رہا ہے باقی
ہے جو بھی اس کے خلاف،
بے شک اسے تباہی کا سامنا ہے
اسی لیے تو ہے میرا پیماں
کہ میں تو اسلام پر جیوں گی
رہ حقیقت پہ جان دوں گی
۔۔۔۔۔۔۔۔۔۔۔۔۔۔۔۔۔
مری رگوں میں لہو ہے جب تک
ہر ایک باطل کا، ہر دغاکا
شدید انکار ہی کروں گی
میں جانتی ہوں کہ حق کا رستہ بڑا کٹھن ہے۔
۔۔۔۔۔۔۔۔۔۔۔۔۔۔۔۔۔۔
(شہیدہ سیدہ بنت الہدی کی عربی نظم کا منظوم ترجمہ ثاقب اکبر صاحب نے کیا ہے)
سیدہ بنت الہدی عراق کے مشہور عالم شہید باقر الصدر (صاحب کتاب اقتصادنا اور فلسفتنا) کی بہن ہیں۔ آپ ١٩٣٧ء میں پیدا ہوئیں۔ عربی زبان کی بہت بڑی ادیبہ تھیں۔ آپ کے ناولز کا مجموعہ چھپ چکا ہے جو ذیل میں دئے گئے لنک میں پڑھا جا سکتا ہے۔ آپ کو اور آپ کے بھائی کو عراق کے اس وقت کے حکمران صدام حسین نے ١٩٨٠ء میں بہت زیادہ مظالم کے بعد شہید کروایا۔