قتیل شفائی میں اک ایسی دلہن کو جانتا ہوں

[باباجی]

میں اک ایسی دلہن کو جانتا ہوں
جس کی ڈولی اٹھی نہیں اب تک
جس نے دیکھے نہیں کہار ابھی
جس کو چھیڑا نہیں ہے سکھیوں نے
جس سے ڈرتا ہے پی کا دوار ابھی

میں اک ایسی دلہن کو جانتا ہوں
کوئی بابل نہ جس کی ساس نہ نند
جس کا غیروں کے ساتھ جی بہلے
بن چکی ہے جو ماں یتیموں کی
رخصتی کی رسوم سے پہلے
میں اک ایسی دلہن کو جانتا ہوں

 

[محمد بلال اعظم]

معاشرے پہ چوٹ کرتی ہوئی ایک بہت ہی پیاری نظم

 

[نایاب]

تیز نشتر ہے