مُحسن احسان "پیکرانِ باغ وصحرا بے رِدا کیسے ہُوئے"

[طارق شاہ]

​

غزل​

مُحسن احسان​

​

پیکرانِ باغ وصحرا بے رِدا کیسے ہُوئے ​

اس برس چپ، خوشنوایانِ صبا کیسے ہُوئے​

​

بستیوں کی بستیاں سیلابِ غم کی زد میں ہیں​

حیلہ جُویانِ خِرَد بے دست وپا کیسے ہُوئے​

​

عمْر بھر کی دُوریاں ہیں قُربتوں کے موڑ پر​

دل جو دھڑکے تھے کبھی، اب بے صدا کیسے ہوئے ​

​

کچھ تو کہہ موجِ صبا، میرے رفِیقانِ بہار ​

خُشک پتّوں کی طرح مُجھ سے جُدا کیسے ہوئے​

​

میں تو مُحسن، راستوں کی دُھول ہی پھانکا کروں​

پر جو راہوں کے تھے پتّھر، وہ خُدا کیسے ہوئے​

​

مُحسن احسان​

​